ទីក្រុងហ្កាហ្សា៖ នៅទីបញ្ចប់ ក្រុមហាម៉ាស់ប្រកាសទទួលយកសំណើឈប់បាញ់គ្នាដែលផ្ដួចផ្ដើមឡើងដោយប្រទេសអាមេរិកហើយនៅល្ងាចថ្ងៃចន្ទ។ សំណើនេះដាក់ជូនដោយប្រេសិតពិសេសរបស់អាមេរិកទទួលបន្ទុកកិច្ចការមជ្ឈិមបូព៌ា លោកស្ទីវ វីតខូស (Steve WItkoff)។ បើដូច្នេះមែនមានន័យថាសន្តិភាពអាចនឹងកើតមានឆាប់ៗនៅតំបន់ហ្កាហ្សា។ យោងតាមសំណើនេះ…
ទីក្រុងហ្កាហ្សា៖ នៅទីបញ្ចប់ ក្រុមហាម៉ាស់ប្រកាសទទួលយកសំណើឈប់បាញ់គ្នាដែលផ្ដួចផ្ដើមឡើងដោយប្រទេសអាមេរិកហើយនៅល្ងាចថ្ងៃចន្ទ។ សំណើនេះដាក់ជូនដោយប្រេសិតពិសេសរបស់អាមេរិកទទួលបន្ទុកកិច្ចការមជ្ឈិមបូព៌ា លោកស្ទីវ វីតខូស (Steve WItkoff)។ បើដូច្នេះមែនមានន័យថាសន្តិភាពអាចនឹងកើតមានឆាប់ៗនៅតំបន់ហ្កាហ្សា។
យោងតាមសំណើនេះ ហាម៉ាសយល់ព្រមដោះលែងចំណាប់ខ្មាំងដប់នាក់ដើម្បីជាថ្នូរនឹងអ៊ីស្រាអែលយល់ព្រមផ្អាកវាយប្រហាររយៈពេល៧០ថ្ងៃ។ ប្រភពដែលស្នើសុំមិនបញ្ចេញឈ្មោះបានបង្ហើបប្រាប់អ្នកសារព័ត៌មានថានៅក្នុងសំណើនោះនិយាយពីក្រុមហាម៉ាស់ដោះលែងចំណាប់ខ្មាំងដប់នាក់ជាពីរដំណាក់កាល។
ក្រៅពីផ្អាកប្រតិបត្តិការសឹករយៈពេល៧០ថ្ងៃ អ៊ីស្រាអែលយល់ព្រមដកកងទ័ពថយចេញពីជ្រោយហ្កាហ្សា។ រហូតមកដល់ពេលនេះ គេមិនទាន់ឃើញអ៊ីស្រាអែលបញ្ចេញប្រតិកម្មតបទៅនឹងការផ្សព្វផ្សាយដំណឹងនេះនៅឡើយទេ។ ប្រភពខ្លះទៀតឱ្យដឹងថានៅក្នុងសំណើឈប់បាញ់នោះ អ៊ីស្រាអែលក៏យល់ព្រមដោះលែងអ្នកទោសជនជាតិប៉ាឡេស្ទីនជាច្រើនផងដែរ។
ពួកគេកំពុងជាប់ពន្ធនាគារអ៊ីស្រាអែល។ នៅក្នុងចំណោមនោះ ទណ្ឌិតខ្លះត្រូវតុលាការកាត់ទោសឱ្យជាប់ពន្ធនាគារច្រើនឆ្នាំ ឬអស់មួយជីវិត ពីរជីវិតឯណោះដែលពួកគេមិនសង្ឃឹមថាមានឱកាសបានវិលទៅជួបជុំក្រុមគ្រួសារវិញឡើយ។ ហេតុនេះបើពួកគេត្រូវបានដោះលែងឱ្យមានសិទ្ធិសេរីភាពឡើងវិញគឺប្រៀបបាននឹងការរស់ឡើងវិញ ឬចាប់ជាតិជាថ្មីដូច្នេះដែរ៕
ចែករំលែកព័តមាននេះ