ខេត្តកំពង់ស្ពឺ ៖ យុវជនម្នាក់ថតវីដេអូតាមតិចតុក(tik tok) កាន់ដាវ បង្អួតដៃរគូរម្ខាងទៀត បង្ហាញក្បាច់រាំ និងក្រវីដាវថែមទៀតផងនោះ ត្រូវបានកម្លាំងនគរបាលខេត្តកំពង់ស្ពឺធ្វើការស្រាវជ្រាវឃាត់ខ្លួនបាន ដោយបានការចង្អុលណែនាំ…
ខេត្តកំពង់ស្ពឺ ៖ យុវជនម្នាក់ថតវីដេអូតាមតិចតុក(tik tok) កាន់ដាវ បង្អួតដៃរគូរម្ខាងទៀត បង្ហាញក្បាច់រាំ និងក្រវីដាវថែមទៀតផងនោះ ត្រូវបានកម្លាំងនគរបាលខេត្តកំពង់ស្ពឺធ្វើការស្រាវជ្រាវឃាត់ខ្លួនបាន ដោយបានការចង្អុលណែនាំ ពីលោកស្នងការនគរបាលខេត្ដកំពង់ស្ពឺ។
ករណីបង្ក្រាបយុវជនក្មេងទំនើងកាន់ដាវបង្អូតដៃគូរទំនាស់នេះ ដឹកនាំដោយលោកអធិការនគរបាលស្រុកភ្នំស្រួច បានសហការជាមួយមូលដ្ឋានប៉ុស្តិ៍នគរបាលរដ្ឋបាលត្រែងត្រយឹងឃាត់មុខសញ្ញាក្មេងទំនើងម្នាក់ដែលបានថតវីដេអូសម្ដែងក្បាច់គុន ដាវ បង្អួតថតបង្ហោះតាមប្រព័ន្ធបណ្ដាញសង្គម tik tok និងចែកចាយបន្ដតាមរយៈ គណនីហ្វេសប៊ុក ឈ្មោះ តារា សៀមរាប «ប្រឹងឡើងកូន កូនជិតបានសម្រេចហើយ »។ការឃាត់ខ្លួនយុវជនទំនើងនេះកាលពី ថ្ងៃទី២៤ ខែឧសភា ឆ្នាំ២០២៥ ។
នគរបាលបានបញ្ជាក់ថា យុវជនដែលកម្លាំងនគរបាលឃាត់ខ្លួនបានមានឈ្មោះ អូន រ៉ុង ភេទប្រុស អាយុ១៩ឆ្នាំមុខរបរមិនពិតប្រាកដ រស់នៅភូមិប្រសព្វជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ បញ្ជូនមក អធិការដ្ឋាននគរបាលស្រុកភ្នំស្រួច ដើម្បីសាកសួរនិងចំណាត់ការនីតិវិធី។
នគរបាលបានបញ្ជាក់ទៀតថា នៅចំពោះសមត្ថកិច្ចនគរបាលយុវជនក្មេងទំនើងខាងលើបានទទួលស្គាល់ថាខ្លួនពិតជាបានធ្វើសកម្មភាពថតវីដេអូ កាន់ដាវនិងសម្ដែងក្បាច់តាមចង្វាក់វិជ្ជាគុនដូចវីដេអូភាគចិន ថតនៅចំណុចភូមិប្រសព្វជុំ ឃុំត្រែងត្រយឹង ស្រុកភ្នំស្រួច រួចបង្ហោះលើគណនីTik Tok របស់ខ្លួនឈ្មោះ Kakav កាលពីថ្ងៃទី២១ ខែឧសភា ឆ្នាំ២០២៥ ពិតប្រាដកមែន គោលបំណងចង់បង្អួតដល់ដៃរគូរម្ខាងទៀតត្រៀមលក្ខណៈកុំព្រហើន។
បច្ចុប្បន្ន មុខសញ្ញាយុវជនក្មេងទំនើងរួមជាមួយវត្ថុតាងដាវ ទូរស័ព្ទ នគរបាលជំនាញបានកសាងសំណុំរឿងបញ្ជូនទៅការិយាល័យព្រហ្មទណ្ឌខេត្ដកំពង់ស្ពឺ ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ