រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ សហការជាមួយនគរបាលខណ្ឌមានជ័យ បានស្រាវជ្រាវឃាត់ខ្លួនជនសង្ស័យជាជនជាតិចិនចំនួន២នាក់ កាលពីវេលាម៉ោងប្រមាណ៤រសៀលថ្ងៃទី២១ ខែឧសភា ឆ្នាំ២០២៥កន្លងទៅ ពាក់ព័ន្ធនឹងករណីលួចសម្ភារៈ និងកាំភ្លើងខ្លី១ដើម…
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ សហការជាមួយនគរបាលខណ្ឌមានជ័យ បានស្រាវជ្រាវឃាត់ខ្លួនជនសង្ស័យជាជនជាតិចិនចំនួន២នាក់ កាលពីវេលាម៉ោងប្រមាណ៤រសៀលថ្ងៃទី២១ ខែឧសភា ឆ្នាំ២០២៥កន្លងទៅ ពាក់ព័ន្ធនឹងករណីលួចសម្ភារៈ និងកាំភ្លើងខ្លី១ដើម នៅតាមចំណតរថយន្ត ។
ជាមួយនឹងការចាប់ឃាត់ខ្លួននេះ សមត្ថកិច្ចដកហូតបាន កាំភ្លើងខ្លី១ដើមម៉ាក BERETTA ពណ៌ខ្មៅ និងគ្រាប់ចំនួន ១៣គ្រាប់ និងឧបករណ៍សម្រាប់ផ្តាច់សេវា ឬប្រពន្ធ័បញ្ជា១គ្រឿង ដែលជាមធ្យោបាយធ្វើសកម្មភាព ។
ជនសង្ស័យជាជនជាតិចិនទាំង២នាក់នេះ ម្នាក់ឈ្មោះ Liang Jing Dian ភេទប្រុស អាយុ៣៨ឆ្នាំ មានជំនាញធ្វើសកម្មភាពបើកទ្វាររថយន្តលួចសម្ភារៈ និងម្នាក់ទៀតឈ្មោះ Liang Shao Min ភេទប្រុស អាយុ៤៥ឆ្នាំ មានជំនាញដូចគ្នា ។
សូមរំលឹកថា កាលពីថ្ងៃទី១៧ និងថ្ងៃទី១៨ ខែឧសភា ឆ្នាំ២០២៥កន្លងទៅនេះ ក្រុមជនសង្ស័យបានធ្វើសកម្មភាពនៅចំណតរថយន្តក្នុងផ្សារទំនើបអីុអន៣ ស្ថិតនៅផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រួចរត់គេចខ្លួនបាត់ស្រមោល ។ ទោះបីជាបែបណា តាមរយៈកាមេរ៉ាសុវត្ថិភាព ទើបឈានទៅអូសកចោរទាំង២នាក់មកទូទាត់ចូលគុក ។
ក្រោយពីចាប់ឃាត់ខ្លួន ជនជាតិចិនទាំង២នាក់នេះ ត្រូវបាននគរបាលសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីចាត់ការតាមច្បាប់ ៕
ចែករំលែកព័តមាននេះ