សហរដ្ឋអាមេរិក ៖ រដ្ឋមន្ត្រីការពារប្រទេសអាមេរិក លោកPETE HEGSETH កាលពីថ្ងៃទី២១ ឧសភា បានទទួលយកហើយយន្តហោះដ៏ទំនើបធុនប៊ូអីុង747 ជាកាដូផ្ដល់ដោយកាតាដែលលោកដូណាល់ត្រាំគ្រោងប្រើក្នុងឋានៈជាយន្តហោះប្រធានាធិបតីAIR FORCE…
សហរដ្ឋអាមេរិក ៖ រដ្ឋមន្ត្រីការពារប្រទេសអាមេរិក លោកPETE HEGSETH កាលពីថ្ងៃទី២១ ឧសភា បានទទួលយកហើយយន្តហោះដ៏ទំនើបធុនប៊ូអីុង747 ជាកាដូផ្ដល់ដោយកាតាដែលលោកដូណាល់ត្រាំគ្រោងប្រើក្នុងឋានៈជាយន្តហោះប្រធានាធិបតីAIR FORCE ONE។
អ្នកនាំពាក្យមន្ទីរប៉ង់តាហ្កោនលោកSEAN PARNELLថ្លែងថា ក្រសួងការពារប្រទេសនឹងចាត់ចែងវិធានការសន្តិសុខសមស្របនានាលើយន្តហោះនោះ ដើម្បីអាចប្រើដោយប្រធានាធិបតីអាមេរិក។ លោកអះអាងទៀតថា យន្តហោះនោះត្រូវបានទទួលយក ស្របតាមបណ្ដាច្បាប់របស់សហព័ន្ធក៏ទោះបីរដ្ឋធម្មនុញ្ញអាមេរិកហាម បណ្ដាមនុស្សដែលមានតំណែងខ្ពស់ទទួលកាដូណាមួយពីបរទេស ដោយគ្មានការអនុម័តយល់ស្របដោយសភាក្ដី។ លោកដូណាល់ត្រាំថា កាដូនោះរបស់កាតាមិនមែនជាសំណូកឡើយ។
ពេលអ្នកកាសែតសួរលោកពីយន្តហោះនោះលោកឆ្លើយយ៉ាងខ្លីថា គេឲ្យយន្តហោះនោះមកកងទ័ពអាកាសអាមេរិក។ លោកថាក្រសួងការពារប្រទេសទទួលដោយមិនបាច់ចេញប្រាក់ថ្លៃយន្តហោះប៊ូអីុង747 សម្រាប់យកមកជំនួសបណ្ដោះអាសន្ន យន្តហោះAIR FORCE ONEដែលមានចំណាស់៤០ឆ្នាំំមកហើយ ក្នុងលក្ខណៈជាសាធារណៈនិងមានតម្លាភាពបំផុត។
តើវាទើសទាស់អីសម្រាប់ពួកអ្នកប្រជាធិបតេយ្យដែលចង់ចំណាយខ្ពស់សម្រាប់យន្តហោះមួយ។ សម្រាប់ពួកអ្នកនយោបាយដែលប្រឆាំងលោកត្រាំលើកឡើងថា កាដូមានតម្លៃដល់៤០០លានដុល្លារនោះពីរដ្ឋបរទេសមួយ ចោទជាបញ្ហាក្រមសីលធម៌និងសន្តិសុខ។
តាមទូរទស្សន៍ABC NEWS ថា ប្រធានាធិបតីអាមេរិកនឹងប្រើយន្តហោះនោះ រហូតដល់លោកផុតអាណត្តិក្នុងខែមករាឆ្នាំ២០២៩ ៕
ចែករំលែកព័តមាននេះ