ខេត្តកំពង់ស្ពឺ ៖ យ៉ាងហោចណាស់ ! កម្មការិនីរោងចក្រប្រមាណ៥នាក់ បានរងរបួសធ្ងន់ស្រាល ហើយត្រូវបានដឹកបញ្ជូនយកទៅសង្គ្រោះព្យាបាល ខណៈដែលរថយន្ដដឹកកម្មករមួយគ្រឿងបានជួបគ្រោះថ្នាក់ចរាចរណ៍ក្រឡា.ប់ កាលពីវេលាម៉ោង៨និង១៥នាទីយប់ ថ្ងៃទី២១…
ខេត្តកំពង់ស្ពឺ ៖ យ៉ាងហោចណាស់ ! កម្មការិនីរោងចក្រប្រមាណ៥នាក់ បានរងរបួសធ្ងន់ស្រាល ហើយត្រូវបានដឹកបញ្ជូនយកទៅសង្គ្រោះព្យាបាល ខណៈដែលរថយន្ដដឹកកម្មករមួយគ្រឿងបានជួបគ្រោះថ្នាក់ចរាចរណ៍ក្រឡា.ប់ កាលពីវេលាម៉ោង៨និង១៥នាទីយប់ ថ្ងៃទី២១ ខែឧសភា ឆ្នាំ២០២៥ នៅចំណុចផ្លូវលំ ស្ថិតក្នុងភូមិអណ្ដូងច្រុះ ឃុំស្នំក្រពើ ស្រុកគងពិសី ខេត្តកំពង់ស្ពឺ ។
មន្ត្រីនគរបាលស្រុកគងពិសី បាននិយាយឱ្យដឹងថា ហេតុការណ៍រថយន្ដក្រឡា.ប់ បណ្ដាលមកពីបញ្ហាបច្ចេកទេសយានយន្ដ គឺរថយន្ដដា.ច់រ៉ូទីល ពេលកំពុងបើកបរ ។
មន្ត្រីនគរបាលដដែលបានបន្តថា រថយន្ដដឹកកម្មកររោងចក្រខាងលើម៉ាក HYUNDAI ពណ៌ស ពាក់ផ្លាកលេខ កំពង់ស្ពឺ 2A-3687 អ្នកបើកបរឈ្មោះ វ៉ែន ឆឹក ភេទប្រុស អាយុ៣០ឆ្នាំ រស់នៅភូមិព្រៃឃ្លេ ឃុំពោធិ៍ម្រាល ស្រុកបរសេដ្ឋ ខេត្តកំពង់ស្ពឺ ។ រថយន្តនេះបានដឹកកម្មករ កម្មការិនី ដែលចេញពីរោងចក្រសរុប៣៥នាក់ ដើម្បីវិលត្រឡប់ទៅកាន់ភូមិឋានវិញ ។
នៅមុនកើតហេតុ រថយន្ដបើកបរមកពីទិសខាងលិច រួចបន្ដឆ្ពោះទៅទិសខាងកើតលុះមកដល់ចំណុចកើតហេតុ រថយន្ដបានជួបបញ្ហាបច្ចេកទេសដា.ច់រ៉ូទីល រួចបានរេចង្កូតនាំរថយន្ដក្រឡា.ប់ធ្លាក់ចូលស្រែ ជះកម្មករប្រុសស្រី ដែលជិះនៅលើនោះទៅលើដី បណ្ដាលឱ្យដេករណូ.ករណែ.លពេលវាលស្រែ ។
មន្ត្រីនគរបាលបានបន្តទៀតថា ក្រោយហេតុការណ៍នេះ កម្មករដែលរងរបួសត្រូវបានសមត្ថកិច្ចនគរបាលធ្វើការបញ្ជូនទៅកាន់មន្ទីរពេទ្យស្រុកគងពិសី ដើម្បីជួយសង្គ្រោះ និងព្យាបាលភ្លាមៗ ។
រីឯអ្នកបើកបររថយន្ដសមត្ថកិច្ចនគរបាលបាននាំខ្លួនទៅកាន់អធិការដ្ឋាននគរបាលស្រុកគងពិសី ផ្នែកសណ្ដាប់ធ្នាប់ ដើម្បីធ្វើការសួរនាំជុំវិញស្ថានការណ៍ដែលនាំឱ្យមានការបើកបរក្រឡា.ប់រថយន្ដ ៕
ចែករំលែកព័តមាននេះ