រាជធានីភ្នំពេញ ៖ គរបាលព្រហ្មទណ្ឌកម្រិតស្រាលក្រុង សហការជាមួយនគរបាលខណ្ឌមានជ័យ ស្រាវជ្រាវឃាត់ខ្លួន ជនសង្ស័យជាជនជាតិចិន០២នាក់ ពាក់ព័ន្ធករណី លួចលួចសម្ភារៈ និងអាវុធខ្លីចំនួន ០១…
រាជធានីភ្នំពេញ ៖ គរបាលព្រហ្មទណ្ឌកម្រិតស្រាលក្រុង សហការជាមួយនគរបាលខណ្ឌមានជ័យ ស្រាវជ្រាវឃាត់ខ្លួន ជនសង្ស័យជាជនជាតិចិន០២នាក់ ពាក់ព័ន្ធករណី លួចលួចសម្ភារៈ និងអាវុធខ្លីចំនួន ០១ ដើម) នៅតាមចំណតរថយន្ត ។
ប្រតិបត្តិការនេះបានធ្វើឡើង វេលាម៉ោង ០៤ល្ងាចនាថ្ងៃទី ២១ ខែឧសភា ឆ្នាំ២០២៥ ដោយអនុវត្តតាមបទបញ្ជាផ្ទាល់របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងនគរបាលការិយាល័យព្រហ្មទណ្ឌកម្រិតស្រាល នៃ ស្នងការនគរបាលរាជធានីភ្នំពេញ សហការជាមួយកម្លាំងនគរបាលខណ្ឌមានជ័យ បានឃាត់ខ្លួនជនស្រាវជ្រាវ រហូតឈានដល់ឃាយ់ខ្លួនសង្ស័យ២នាក់ ពាក់ពន្ធ័នឹងករណី៖ អំពើលួចមានស្ថានទម្ងន់ទោស(បើកទ្វាររថយន្តលួចសម្ភារៈ និងអាវុធខ្លីចំនួន១ ដើម) ។
ប្រតិបត្តិការនេះ សមត្ថកិច្ចជំនាញបានដកហូតវត្ថុតាង រួមមាន , អាវុធខ្លីមួយដើម ម៉ាក BERETTA ពណ៌ខ្មៅ និងគ្រាប់ចំនួន ១៣ គ្រាប់ (ជារបស់ជនរងគ្រោះ និងឧបករណ៍សម្រាប់ផ្តាច់សេវា ឬប្រពន្ធ័បញ្ជា ចំនួន ០១គ្រឿង (មធ្យោបាយធ្វើសកម្មភាព)។
ជនសង្ស័យទាំង០២នាក់ មានឈ្មោះ LIANG JING DIAN ភេទប្រុស អាយុ៣៨ឆ្នាំ ជនជាតិចិន(មុខរបរដើរធ្វើសកម្មភាពបើកទ្វាររថយន្តលួចសម្ភារៈ)។ ទី២-ឈ្មោះ LIANG SHAO MIN ភេទប្រុស អាយុ៤៥ឆ្នាំ ជនជាតិចិន(មុខរបរដើរធ្វើសកម្មភាពបើកទ្វាររថយន្តលួចសម្ភារៈ)។
សូមបញ្ជាក់ផងដែរថា កាលពីថ្ងៃទី១៧ និងថ្ងៃទី ១៨ ខែឧសភា ឆ្នាំ២០២៥ ក្រុមជនសង្ស័យបានធ្វើសកម្មភាពលួច ប្រព្រឹត្តនៅចំណុចចំណតរថយន្តក្នុងផ្សារទំនើបអ៊ីអន៣ ស្ថិតនៅកំណាត់ផ្លូវ៦០ម៉ែត្រ មូលដ្ឋានសង្កាត់ចាក់អង្រែក្រោម ខណ្ឌមានជ័យ រួចរត់គេចខ្លួនបាត់ស្រមោល ។
បច្ចុប្បន្ន ជនជាតិចិនទាំង០២នាក់នេះ ត្រូវបាននគរបាលការិយាល័យកំពុងសាកសួរ និងកសាងសំណុំរឿងបញ្ជូនខ្លួនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕
ចែករំលែកព័តមាននេះ