ខេត្តបាត់ដំបង ៖ ក្មេងស្រីអាយុ១១ឆ្នាំម្នាក់បានស្លាប់ និងប្អូនស្រីរបស់នាងអាយុ០៩ឆ្នាំ រងរបួសស្រាល ដោយសារត្រូវអ្នកបើកត្រាក់ទ័រខ្វាក់ភ្នែក បើកបុកពួកនាងពីក្រោយ ពេលនាងកំពុងជិះកង់ឌុបគ្នា និងស្របទិសគ្នា កាលពីវេលាម៉ោង៣រសៀលថ្ងៃទី២០…
ខេត្តបាត់ដំបង ៖ ក្មេងស្រីអាយុ១១ឆ្នាំម្នាក់បានស្លាប់ និងប្អូនស្រីរបស់នាងអាយុ០៩ឆ្នាំ រងរបួសស្រាល ដោយសារត្រូវអ្នកបើកត្រាក់ទ័រខ្វាក់ភ្នែក បើកបុកពួកនាងពីក្រោយ ពេលនាងកំពុងជិះកង់ឌុបគ្នា និងស្របទិសគ្នា កាលពីវេលាម៉ោង៣រសៀលថ្ងៃទី២០ ឧសភា នៅលើដងផ្លូវមួយកន្លែង ស្ថិតក្នុងភូមិអូរប្រយុទ្ធ ឃុំអូររំដួល ស្រុកភ្នំព្រឹក តែអ្នកបើកត្រាក់ទ័ររត់គេចខ្លួនបាត់ចោលត្រាក់
ទ័រ ។
សេចក្ដីរាយការណ៍បានឲ្យដឹងថា ក្មេងស្រីរងគ្រោះទាំង០២នាក់ខាងលើនេះ ម្នាក់ឈ្មោះ ម៉ៅ វ៉ាន់
នី អាយុ១១ឆ្នាំ (ស្លាប់) និងឈ្មោះ ម៉ៅ វណ្ណា អាយុ០៩ឆ្នាំ របួសស្រាល ជាបងប្អូនបង្កើត រស់នៅក្នុងភូមិ ឃុំកើតហេតុខាងលើ ។
សេចក្ដីរាយការណ៍ដដែលបានឲ្យដឹងទៀតថា ត្រាក់ទ័របានធ្វើដំណើរពីទិសខាងត្បូងទៅខាងជើង លុះដល់ចំណុចកើតហេតុ មិនដឹងយ៉ាងម៉េច បែរទៅបុកពីក្រោយក្មេងស្រី០២នាក់បងប្អូន ដែលកំពុងជិះកង់ឌុបគ្នា ធ្វើឲ្យពួកនាងស្លាប់និងរបួសតែម្ដង ។
បើតាមប្រភពព័ត៌មានបានឲ្យដឹងបន្ថែមថា ត្រាក់ទ័រនោះទំនងទើបបើកចេញពីចម្ការ ដោយមានដឹកធុងបាញ់ថ្នាំខ្នាតធំខាងមុខផង និងខាងក្រោយផង ។ ប្រភពបានបញ្ជាក់ថា នៅពេលដឹកធុងបាញ់ថ្នាំដ៏ធំ និងមានសម្ភារផ្សេងៗនៅចំខាងមុខតៃកុងបែបនេះ ធ្វើឲ្យតៃកុងពិបាកមើលផ្លូវ ពេលធ្វើដំណើរ ។ ដូច្នេះហើយទើបមើលមិនឃើញអ្នកជិះកងនៅខាងមុខ ក៏បុកពេញទំហឹងតែម្ដង ។
ក្រោយពេលបុកមនុស្សស្លាប់ និងរបួស អ្នកបើកបរត្រាក់ទ័រខ្វាក់ភ្នែករូបនោះ ក៏ឈប់ហើយចុះដាក់មេប្រូចបាត់ពីកន្លែងកើតហេតុ នៅសល់តែត្រាក់ទ័រទុកឲ្យសមត្ថកិច្ចបើកយកទៅទុកនៅអធិការធ្វើការស្រាវជ្រាវរកមុខជនបង្កឲ្យចូលខ្លួនដោះស្រាយតាមផ្លូវច្បាប់ ៕
ចែករំលែកព័តមាននេះ