សង្គ្រាមអ៊ុយក្រែន ៖ ក្រោមការធ្វើអាជ្ញាកណ្ដាលរបស់អេមីរ៉ាត់់អារ៉ាប់រួម រុស្ស៊ីនិងអ៊ុយក្រែនកាលពីថ្ងៃទី៧ឧសភា បានធ្វើការដោះដូរ ឈ្លើយសឹកគ្នាដ៏ច្រើនពុំធ្លាប់មានដល់៤១០នាក់។
ការដោះដូរឈ្លើយសឹកគ្នានោះប្រព្រឹត្តទៅនៅជិតព្រំដែនខាងជើងរបស់ប្រទេសទាំង២។ ឈ្លើយសឹកអ៊ុយក្រែនដែលដោះលែងត្រូវបានទទួលក្នុងពិធីមួយនៅមន្ទីរពេទ្យតំបន់ឈ័រនីហីុវអ៊ុយក្រែន។ នៅទីនោះបណ្ដាគ្រួសារអ៊ុយក្រែន បានលើកទង់ជាតិនិងរូបថតរបស់សាច់ញាតិដែលបាត់ខ្លួនដោយគ្មានសង្ឃឹមទទួលបានដំណឹងនានា។ គ្រួសារមួយចំនួនបាននាំគ្នាមកដោយសង្ឃឹមថា ក្នុងចំណោមឈ្លើយសឹកដែលត្រូវដោះលែងអាចមានសាច់ញាតិពួកគេដែរ។ក្នុងការដោះដូរឈ្លើយសឹកគ្នាដ៏ច្រើននោះ ខាងអ៊ុយក្រែនមាន២០៥នាក់ និងខាងរុស្សុីមាន២០៥នាក់ដូចគ្នា។
មុនពេលចូលជាធរមាននៃបទឈប់បាញ់គ្នាដែលរុស្សុីប្រកាសជាឯកតោភាគី ដ្រូនដល់ជាង២០០គ្រឿងនិងមីសីុល៥គ្រាប់ត្រូវបាន រុស្សុីប្រើវាយប្រហារលអ៊ុយក្រែន កាលពីយប់ថ្ងៃទី៦មក៧ឧសភា។ រដ្ឋធានីអ៊ុយក្រែនទីក្រុងគៀវរងការប៉ះពាល់ខ្លាំងជាងគេ។ ការវាយប្រហារនាពេលយប់នោះនាំឲ្យប្រជាជនក្រុងគៀវជ្រួលច្របល់ ដោយសារស្នូរសីុរ៉ែនប្រកាសអាសន្ន៦លើកនិងស្នូរផ្ទុះខ្លាំងៗច្រើនលើករង្គើរក្រុងគៀវ។ ដំបូងទីក្រុងនោះរងការវាយប្រហារដោយមីសីុលនិងបន្ទាប់មកដោយហ្វូងដ្រូនរុស្សុី។
ក្នុងការវាយប្រហារទាំងនេះតាមតុល្យការមួយថា បណ្ដាលឲ្យមនុស្សស្លាប់២នាក់ និងសត្វចិញ្ចឹមជាច្រើនក៏ត្រូវងាប់ដែរ។ ក្រៅពីនេះមនុស្សច្រើននាក់រងរបួស។ ការវាយប្រហារទាំងនេះរបស់រុស្សុីកើតមាន២សប្ដាហ៍ បន្ទាប់ពីការវាយប្រហារដោយដ្រូនទ្រង់ទ្រាយធំរបស់អ៊ុយក្រែនលើក្រុងមូស្គូកាលពីថ្ងៃទី២៤មេសាបណ្ដាលឲ្យមនុស្សស្លាប់១៣នាក់និងរបួសប្រមាណ១០០នាក់ទៀត។
អ៊ុយក្រែនបន្តវាយប្រហារដោយដ្រូន នៅរុស្សុី នាំឲ្យមានការរឹតត្បិតបណ្ដោះអាសន្ននិងការពង្វាងការហោះហើរនៃយន្តហោះទៅកាន់ព្រលានយន្តហោះអន្តរជាតិ ក្រុងមូស្កូCHEREMETIEVO៕
ចែករំលែកព័តមាននេះ