ខេត្តស្វាយរៀង ៖ គ្រោះធម្មជាតិដ៏អាក្រក់ដោយមានភ្លៀងធ្លាក់មួយមេធំលាយឡំនិងខ្យល់កន្ត្រាក់បោកបក់យ៉ាងខ្លាំង បណ្តាលឲ្យផ្ទះប្រជាពលរដ្ឋចំនួន៧៤ខ្នង ដួលរលំ និងប៉ើងដំបូល និងធ្វើឱ្យប៉ះពាល់ជាច្រើនខ្នងផ្ទះនៅក្នុងស្រុករំដួល និងស្រុកស្វាយជ្រំ ។ ករណីគ្រោះធម្មជាតិនេះ…
ខេត្តស្វាយរៀង ៖ គ្រោះធម្មជាតិដ៏អាក្រក់ដោយមានភ្លៀងធ្លាក់មួយមេធំលាយឡំនិងខ្យល់កន្ត្រាក់បោកបក់យ៉ាងខ្លាំង បណ្តាលឲ្យផ្ទះប្រជាពលរដ្ឋចំនួន៧៤ខ្នង ដួលរលំ និងប៉ើងដំបូល និងធ្វើឱ្យប៉ះពាល់ជាច្រើនខ្នងផ្ទះនៅក្នុងស្រុករំដួល និងស្រុកស្វាយជ្រំ ។
ករណីគ្រោះធម្មជាតិនេះ បានកើតឡើងកាលពីវេលាម៉ោង០៦និង៣០នាទីយប់ថ្ងៃទី១ ឧសភា ឆ្នាំ២០២៥ ស្ថិតក្នុងឃុំចំនួន៦ ក្នុងស្រុករំដួល និងស្រុកស្វាយជ្រំ ខេត្តស្វាយរៀង ។ បើតាមលោកប្រធានសាខាកាកបាតក្រហមកម្ពុជាខេត្តស្វាយរៀងបានឲ្យដឹងថា នៅព្រលប់កើតហេតុខាងលើ ស្រាប់តែមានមេឃខ្មៅធ្លាក់ភ្លៀងលាយឡំផ្គរន្ទះ ខ្យល់កន្រាក់បោកបក់យ៉ាងខ្លាំងៗមកលើភូមិឃុំរបស់ប្រជាពលរដ្ឋបណ្តាលឲ្យផ្ទះរបស់ប្រជាពលរដ្ឋដួលរលំរាបដល់ដី និងផ្ទះខ្លះប៉ើងដំបូលធ្លាក់ក្បឿង របើកស័ង្កសី ខូចខាតទ្រព្យសម្បត្តិផ្ទះសម្បែងជាច្រើនគ្រួសារ។
ប្រភពបានបន្តទៀតថា ក្រោយពីស្ងប់ស្ងាត់ខ្យល់ និងរាំងភ្លៀងអាជ្ញាធរបានចុះស្រង់ស្ថិតិពីផលប៉ះពាល់ដោយខ្យល់កន្ត្រាក់ ក្នុងនោះផ្ទះពលរដ្ឋដួលរលំខូចខាតធ្ងន់ចំនួន២៥ខ្នង មធ្យមចំនួន៤០ខ្នង តិចតួច៩ខ្នង ហើយផ្ទះប៉ើងដំបូល ក្បឿងនិង ស័ង្កសី ក្នុងស្រុករំដួលរងផលប៉ះពាល់ឃុំចំនួន០៤ រួមមាន ឃុំ ជ្រុងពពេល ឃុំ ម៉ឺនជ័យ ឃុំ កំពង់អំពិល និងឃុំ ថ្នាធ្នង់ ។ ចំណែកស្រុកស្វាយជ្រំប៉ះពាល់ឃុំចំនួន០២ គឺមានឃុំអង្គតាសូ និងឃុំធ្លក ។ ចំណែកតាមបណ្តាស្រុកក្រុងនៅក្នុងខេត្តស្វាយរៀងផ្សេងទៀត ពុំទាន់មានផលប៉ះពាល់ខូចខាតនោះទេ ។
ហើយនៅព្រឹកថ្ងៃទី០២ ឧសភា ឆ្នាំ២០២៥ នេះ សាខាកាកបាទក្រហមកម្ពុជាខេត្តស្វាយរៀងបានចុះពិនិត្យ និងចែកអំណោយជូនដល់ប្រជាពលរដ្ឋ ដែលរងគ្រោះដោយគ្រោះធម្មជាតិខ្យល់កន្ត្រាក់នេះផងដែរ ។
សូមបញ្ជាក់ថា កន្លងមកឯកឧត្ដម ប៉េង ពោធិ៍សា អភិបាលខេត្តស្វាយរៀងបានចេញសេចក្ដីណែនាំដល់ប្រជាពលរដ្ឋទូរទាំងខេត្តស្វាយរៀង ត្រូវមានការប្រុងប្រយ័ត្នខ្ពស់ចំពោះគ្រោះធម្មជាតិហើយនៅពេលមេឃភ្លៀងត្រូបិទ វិទ្យុ ទូរទស្សន៍ ទូរស័ព្ទ និងត្រូវទីទួលមានសុវត្ថិភាពជៀសវាងជួបគ្រោះថ្នាក់ដោយគ្រោះធម្មជាតិ ។
ប្រភពចុងក្រោយថា មានស្ថានីយសាំងយីហោ (សាវីម៉ិច) ដែលមានម្ចាស់ឈ្មោះទុំ ស៊ី នឿន ស្ថិតនៅតាមបណ្តោយផ្លូវជាតិលេខ១៣ ស្ថិតនៅភូមិក្រូច ឃុំជ្រុងពពេល ស្រុករំដួលខេត្តស្វាយរៀង បានរបើកដំបូលស្ថានីយទាំងស្រុងតែម្តង ។
ចែករំលែកព័តមាននេះ