លោកប្រធានាធិតី ស៊ីន ជីនពីងកំពុងចាប់ផ្តើមដំណើរទស្សនកិច្ចថ្នាក់រដ្ឋបីប្រទេសនៅថ្ងៃចន្ទនេះ ដោយធ្វើដំណើរទៅកាន់ប្រទេសវៀតណាម។ លោក ស៊ី គ្រោងនឹងមកបំពេញទស្សនកិច្ចថ្នាក់រដ្ឋនៅប្រទេសកម្ពុជានៅថ្ងៃទី១៧ និង ថ្ងៃទី១៨ បន្ទាប់ពីលោកនឹងបំពេញទស្សនកិច្ចនៅម៉ាឡេស៊ីពីថ្ងៃទី១៥…
លោកប្រធានាធិតី ស៊ីន ជីនពីងកំពុងចាប់ផ្តើមដំណើរទស្សនកិច្ចថ្នាក់រដ្ឋបីប្រទេសនៅថ្ងៃចន្ទនេះ ដោយធ្វើដំណើរទៅកាន់ប្រទេសវៀតណាម។
លោក ស៊ី គ្រោងនឹងមកបំពេញទស្សនកិច្ចថ្នាក់រដ្ឋនៅប្រទេសកម្ពុជានៅថ្ងៃទី១៧ និង ថ្ងៃទី១៨ បន្ទាប់ពីលោកនឹងបំពេញទស្សនកិច្ចនៅម៉ាឡេស៊ីពីថ្ងៃទី១៥ ដល់ ១៧ មេសា ។ នេះជាទស្សនកិច្ចលើកដំបូងរបស់គាត់នៅកម្ពុជា បន្ទាប់ពីអាកខានរយ:ពេល៩ឆ្នាំកន្លងមក។ ដូច្នេះ ទស្សនកិច្ចរបស់លោក នៅកម្ពុជាក៏ស្ថិតនៅក្រោមការតាមដានយ៉ាងយកចិត្តទុកដាក់ពីប្រជាជនកម្ពុជា និង ពិភពលោក។
ទស្សនកិច្ចរបស់លោក ស៊ី នឹងក្លាយជាឱកាសមាសមួយសម្រាប់កម្ពុជាស្វែងរកជំនួយដើម្បីអោយមានការវិនិយោគចិននៅកម្ពុជាកាន់តែច្រើន ហើយ ជំរុញការនាំចេញរបស់កម្ពុជាទៅកាន់ប្រទេសចិន។
ដោយកម្ពុជាជាមិត្តដែកថែបរបស់ចិន លោក ស៊ី នឹងមិនធ្វើអោយកម្ពុជាខកចិត្តឡើយនៅក្នុងទស្សនកិច្ចដ៏សំខាន់របស់លោកនៅកម្ពុជា។ មេដឹកនាំនៃប្រទេសទាំងពីរនឹងគូសបញ្ជាក់ជាថ្មីអំពីទំនាក់ទំនងដែកថែបដ៏រឹងមាំ និង កិច្ចសហប្រតិបត្តិការលើគ្រប់វិស័យសំខាន់ៗ។
ក្នុងនោះ ការជំរុញពាណិជ្ជកម្មរវាងប្រទេសទាំងពីរក៏ទំនងជានឹងស្ថិតនៅក្នុងរបៀបវារ:ផងដែរ ខណ:ដែលទាំងកម្ពុជានិងចិនសុទ្ធតែរងសម្ពាធធ្ងន់នៃការដាក់ពន្ធពីអាមេរិក។
ទោះបីក្នុងរយ:ពេលបីខែនេះ ពន្ធអាមេរិកចំពោះទំនិញកម្ពុជាស្ថិតនៅត្រឹម១០ភាគរយសិនដោយរង់ចាំការចរចាក្តី អាមេរិកបានគំរាមពន្ធរហូតដល់៤៩ភាគរយ។ ដូច្នេះ កម្ពុជាត្រូវតែរកច្រកគេចចេញពីព្យុះភ្លៀងនៃពន្ធអាមេរិក។
ចំណែកប្រទេសចិនវិញរងសម្ពាធពន្ធថ្មីរហូតដល់១៤៥ភាគរយ បន្ទាប់ពីការផ្អាករយ:ពេលបីខែ។
ចិនទិញទំនិញពីកម្ពុជាតិចជាងច្រើនទំនិញកម្ពុជាទិញពីចិន។ ដូច្នេះ ចិនត្រូវបង្កើនការទិញទំនិញពីកម្ពុជា ដើម្បីជួយធ្វើអោយមានតុល្យភាពជញ្ជីងពាណិជ្ជកម្មនិងជួយកម្ពុជានៅចំពោះមុខភាពមិនប្រាកដប្រជាជនៃស្ថានភាពពាណិជ្ជកម្មពិភពលោកពិសេសជាមួយប្រទេសអាមេរិក។
កាលពីឆ្នាំ២០២៤ កម្ពុជាបាទិញទំនិញចិនរហូតដល់ជិត១០ពាន់លានដុល្លារ ខណ:ដែលចិនទិញទំនិញពីកម្ពុជាមានតម្លៃជាង១,៣ពាន់លានដុល្លារ។
របាយការណ៍ក្រសួងពាណិជ្ជកម្មបានអោយដឹងថាក្នុងរយ:ពេល១១ខែឆ្នាំ២០២៤ កម្ពុជាបាននាំចូលទំនិញពីចិនរហូតដល់៩៧៦៣លានដុល្លារ ហើយនាំចេញទំនិញទៅចិនត្រឹមតែ១៣១៥លានដុល្លារប៉ុណ្ណោះ។
ដូច្នេះក្នុងដំណើរទស្សនកិច្ចថ្នាក់រដ្ឋរបស់លោក ប្រធានាធិបតីចិន ស៊ី ជីនពីងនៅកម្ពុជា វានឹងក្លាយជាឱកាសដ៏ល្អមួយសម្រាប់ការធ្វើអោយជញ្ជីងពាណិជ្ជកម្មកាន់តែមានតុល្យភាព និង ស្នើអោយមិនចិនជួយបង្កើនទិញទំនិញពីកម្ពុជា៕
ចែករំលែកព័តមាននេះ