ខេត្តស្វាយរៀង ៖ មានឈ្មួញវៀតណាម យករថយន្តធុនធំ ឆ្លងដែនចូលតាមច្រកទ្វាតំបន់ព្រំដែនដូង មកទិញផ្លែស្វាយកែវរមៀត ដល់ក្នុងផែស្ងួត ជិតច្រកទ្វាតំបន់ព្រំដែនដូង ជាមធ្យមក្នុង១ថ្ងៃ ៩០តោនទៅ១០០តោន…
ខេត្តស្វាយរៀង ៖ មានឈ្មួញវៀតណាម យករថយន្តធុនធំ ឆ្លងដែនចូលតាមច្រកទ្វាតំបន់ព្រំដែនដូង មកទិញផ្លែស្វាយកែវរមៀត ដល់ក្នុងផែស្ងួត ជិតច្រកទ្វាតំបន់ព្រំដែនដូង ជាមធ្យមក្នុង១ថ្ងៃ ៩០តោនទៅ១០០តោន ក៏ប៉ុន្តែតម្លៃផ្លែស្វាយ ទិញពីប្រជាពលរដ្ឋផ្ទាល់ ក្នុង១គីឡូតម្លៃ៤០០រៀល លក់ទៅឲ្យឈ្មួញវៀតណាម ១គីឡូតម្លៃ៤៥០រៀល តម្លៃថោកមែនទែន ឆ្នាំ២០២៥នេះ ។ ហើយក៏មាននាំចេញដំឡូងមី និងដំឡូងបារាំងផងដែរ ។
បើតាមម្ចាស់ផែស្ងួត (ឃ្លាំងស្តុកទំនិញ) បានប្រាប់កោះសន្តិភាព នាព្រឹកថ្ងៃទី១០ ខែមេសា ឆ្នាំ២០២៥នេះថា មានឈ្មួញវៀតណាម ចូលមកទិញផ្លែស្វាយដល់ផែតែម្តង ក្នុង១គីឡូក្រាម តម្លៃ៤៥០រៀល ដោយខាងឈ្មញវៀតណាម គេយករថយន្តឆ្លងដែនមកតាមច្រកទ្វាតំបន់ព្រំដែនដូង ដែលមានទីតាំងស្តុកផ្លែស្វាយ ស្ថិតនៅក្នុងភូមិដូង ឃុំដូងស្រុករមាសហែក ។
ចំណែកប្រជាពលរដ្ឋ ដែលជាម្ចាស់ស្វាយផ្ទាល់ បានលើកឡើងថា ផ្លែស្វាយឆ្នាំ២០២៥នេះ លក់បានតម្លៃថោកណាស់ ក៏ប៉ុន្តែទោះបីមានតម្លៃថោកយ៉ាងណា ក៏ពួកគាត់សប្បាយចិត្ត ដោយស្វាយមានទីផ្សារវៀតណាមមកប្រមូលទិញ ។
ប្រជាពលរដ្ឋ ក៏បានសំណូមពរដល់អាជ្ញាធរ ក្រសួងកសិកម្ម និងក្រសួងពាណិជ្ជកម្ម មេត្តាជួយរកទីផ្សារឲ្យប្រជាកសិករ និងធានាតម្លៃឲ្យបានសមរម្យ (ស្វាយ១គីឡូក្រាម៧០០រៀលទៅ៨០០រៀលទើបចំណេញ) តម្លៃស្វាយ ១គីឡូ៤០០រៀលទៅ៤៥០រៀល បានត្រឹមទប់ទល់ការចំណាយទៅលើការថែទាំ ដាក់ទឹក ជី កម្មករ បេះលើកដាក់ គឺស្ទើរតែអស់ទៅហើយ ៕
ចែករំលែកព័តមាននេះ