ខេត្តកណ្តាល ៖ ជាងប៉ះកង់រថយន្តម្នាក់ត្រូវបានស្លា.ប់ក្រោយសប់កង់រថយន្តលើសគីឡូ ផ្ទុះយ៉ានខ្ទាតមកបំបុកក្បាលពេញទំហឹង ផ្អើលពលរដ្ឋ និងសមត្ថកិច្ច ។ ហេតុការណ៍នេះដែរបានកើតទ្បើងកាលពីវេលាម៉ោង១១ និង០០នាទីព្រឹក ថ្ងៃទី១០…
ខេត្តកណ្តាល ៖ ជាងប៉ះកង់រថយន្តម្នាក់ត្រូវបានស្លា.ប់ក្រោយសប់កង់រថយន្តលើសគីឡូ ផ្ទុះយ៉ានខ្ទាតមកបំបុកក្បាលពេញទំហឹង ផ្អើលពលរដ្ឋ និងសមត្ថកិច្ច ។
ហេតុការណ៍នេះដែរបានកើតទ្បើងកាលពីវេលាម៉ោង១១ និង០០នាទីព្រឹក ថ្ងៃទី១០ ខែមេសា ឆ្នាំ២០២៥ ចំណុចស្ពានលេខ៧៤ តាមបណ្តោយផ្លូវជាតិលេខ២១ ស្ថិតនៅភូមិកប៉ាលគឿង សង្កាត់សំពៅពូន ក្រុងសំពៅពូន ខេត្តកណ្តាល ។
ចំពោះស.ពជនរងគ្រោះមានឈ្មោះ គឹម សេង គឹមសួ ភេទប្រុស អាយុ៣៤ឆ្នាំ ជនជាតិខ្មែរ មានមុខរបរ (ប៉ះកង់រថយន្ត) ទីលំនៅភូមិកប៉ាល់គឿង សង្កាត់សំពៅពូន ក្រុងសំពៅពូន ខេត្តកណ្ដាល ។
បើយោងតាមប្រភពព័ត៌មានពីអ្នកបើកបររថយន្តបាញ់ស៊ីម៉ង់របស់ក្រុមហ៊ុនមួយកន្លែងបានឱ្យដឹងថា នៅថ្ងៃទី១០ ខែមេសា ឆ្នាំ២០២៥ វេលាម៉ោង១១និង០០នាទីព្រឹក រូបគាត់បានបើកបររថយន្ត SCANJA ពណ៌ស ពាក់ផ្លាកលេខភ្នំពេញ 5A -3940(ឡានបាញ់ស៊ីម៉ង់) បានបែកកង់មុខ ផ្នែកខាងឆ្វេងនៃរថយន្ត ។
ភ្លាមៗនោះ រូបគាត់ក៏បានបើករថយន្ត ដើម្បីរកជាងប៉ះកង់ លុះមកដល់ចំណុចទីតាំងកើតហេតុខាងលើ ក៏បានឃើញទីតាំងជាងប៉ះកង់រថយន្ត នៅពេលនោះ ជនរងគ្រោះជាជាងប៉ះកង់រថយន្ត ជនរងគ្រោះក៏បានដើរទៅដោះកង់រថយន្តចេញ រួចរៀបចំប៉ះជាធម្មតា។ ខណៈជនរងគ្រោះប៉ះកង់រួចរាល់ហើយ ជនរងគ្រោះ ក៏ចាប់ផ្ដើមបញ្ចូលខ្យល់ ស្រាប់តែផ្ទុះបណ្តាលឱ្យយ៉ានរថយន្តបោ.កត្រូវក្បាលធ្លា.យខួរស្លា.ប់ភ្លាមៗតែម្តង ។
ស្របពេលនោះ ក្រុមគ្រួសារជនរងគ្រោះ ក៏បានចេញមកមើលឃើញថា ជនរងគ្រោះបានស្លា.ប់ទៅហើយក៏ប្រញាប់រាយការណ៍ជូនសមត្ថកិច្ចមកចុះធ្វើកំណត់ហេតុតែម្ដង ។
បើយោងតាមការពិនិត្យពីសមត្ថកិច្ចជំនាញផ្នែកបច្ចេក និងវិទ្យាសាស្ត្រ នៃស្នងការដ្ឋាននគរបាលខេត្តកណ្តាល បានឱ្យដឹងថា ជនរងគ្រោះស្លា.ប់ដោយសារសប់កង់រថយន្តលើសគីឡូ បណ្តាលឱ្យផ្ទុះស្លា.ប់ពិតប្រាកដមែន ។
បច្ចុប្បន្ន រថយន្តខាងលើ ត្រូវបានកម្លាំងនគរបាលប្រគល់ជូនអ្នកបើកបររថយន្តបាញ់ស៊ីម៉ង់របស់ក្រុមហ៊ុនវិញ។ ចំណែកស.ពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ