កាលពីវេលាម៉ោង២និង៥៨នាទីរសៀលថ្ងៃទី០៩ ខែមេសា ឆ្នាំ២០២៥ នេះ មានករណីគ្រោះរញ្ជួយដីបានកើតឡើងជាថ្មីនៅប្រទេសមីយ៉ាន់ម៉ា ស្ថិតក្នុងកម្រិត៥.២រ៉ិចទ័រ ជម្រៅ១០គីឡូម៉ែត្រ ។ នេះបើយោងតាមសារព័ត៌មាន Khaosod…
កាលពីវេលាម៉ោង២និង៥៨នាទីរសៀលថ្ងៃទី០៩ ខែមេសា ឆ្នាំ២០២៥ នេះ មានករណីគ្រោះរញ្ជួយដីបានកើតឡើងជាថ្មីនៅប្រទេសមីយ៉ាន់ម៉ា ស្ថិតក្នុងកម្រិត៥.២រ៉ិចទ័រ ជម្រៅ១០គីឡូម៉ែត្រ ។ នេះបើយោងតាមសារព័ត៌មាន Khaosod ។
តាមទីភ្នាក់ងារឃ្លាំមើលការរញ្ជួយដីនៃនាយកដ្ឋានឧតុនិយមថៃបានរាយការណ៍ថា ការរញ្ជួយដីកម្រិត៥.២រ៉ិចទ័រដែលបានកើតឡើងនៅក្នុងប្រទេសមីយ៉ាន់ម៉ា គឺមានចម្ងាយប្រហែល៣៩២គីឡូម៉ែត្រភាគពាយព្យនៃស្រុក Pang Mapha ខេត្ត Mae Hong Son ។
សូមរំលឹកថា ចំនួនអ្នកស្លាប់ដោយសារការរញ្ជួយដីផ្លូវការ នៅមីយ៉ាន់ម៉ាកើនឡើងដល់ ៣,៦៤៥នាក់ហើយ ។ យោងតាមរបាយការណ៍ពីអ្នកនាំពាក្យរដ្ឋាភិបាលយោធាមីយ៉ាន់ម៉ាបង្ហាញថា ចំនួនអ្នកស្លាប់ពីការរញ្ជួយដី កាលពីថ្ងៃទី២៨ ខែមីនា បានកើនឡើងដល់៣,៦៤៥នាក់ គិតត្រឹមថ្ងៃអង្គារ ទី០៩ ខែមេសា ។
ប៉ុន្តែយ៉ាងណាក៏ដោយ ចំនួនអ្នកស្លាប់ពិតប្រាកដ ត្រូវបានគេប៉ាន់ស្មានថា មានចំនួនច្រើនជាងតួលេខរបស់រដ្ឋាភិបាលទ្វេដង ខណៈដែលកងកម្លាំងយោធាក្រោមការដឹកនាំរបស់លោកឧត្តមសេនីយ៍ Min Aung Hlaing ស្ទើរតែមិនបានចូលរួមនៅក្នុងប្រតិបត្តិការជួយសង្គ្រោះនោះឡើយ។
ចំនួនអ្នកស្លាប់ច្រើនបំផុត ត្រូវបានរាយការណ៍នៅក្នុងទីក្រុង Mandalay តាមពីក្រោយរដ្ឋធានី Naypyitaw និង និងតំបន់ Sagaing ។ ប្រភព៖ Irrawaddy
ចែករំលែកព័តមាននេះ