ខេត្តសៀមរាប ៖ អាជ្ញាធរខេត្តសៀមរាបកំពុងមមារញឹកក្នុងការរៀបចំទីតាំងនៃការប្រារព្ធព្រឹត្តិការណ៍អង្គរសង្ក្រាន្តក្នុងក្រុងសៀមរាប បើយើងគិតមកត្រឹម រសៀលថ្ងៃទី០៣ ខែមេសា ឆ្នាំ២០២៥ អាជ្ញាធរខេត្តសៀមរាប រួមនឹងក្រុមការងារពាក់ព័ន្ធ កំពុងមមារញឹកក្នុងការរៀបចំទីតាំងប្រារព្ធព្រឹត្តិការណ៍អង្គរសង្ក្រាន្តនៅទីតាំងសួរច្បារព្រះរាជដំណាក់…
ខេត្តសៀមរាប ៖ អាជ្ញាធរខេត្តសៀមរាបកំពុងមមារញឹកក្នុងការរៀបចំទីតាំងនៃការប្រារព្ធព្រឹត្តិការណ៍អង្គរសង្ក្រាន្តក្នុងក្រុងសៀមរាប បើយើងគិតមកត្រឹម រសៀលថ្ងៃទី០៣ ខែមេសា ឆ្នាំ២០២៥ អាជ្ញាធរខេត្តសៀមរាប រួមនឹងក្រុមការងារពាក់ព័ន្ធ កំពុងមមារញឹកក្នុងការរៀបចំទីតាំងប្រារព្ធព្រឹត្តិការណ៍អង្គរសង្ក្រាន្តនៅទីតាំងសួរច្បារព្រះរាជដំណាក់ និងដងស្ទឹងសៀមរាប ដែលជាទីតាំងត្រៀមរៀបចំកម្មវិធីកម្សាន្តជាច្រើន ក្រៅពីទីតាំងមុខប្រាសាទ អង្គរវត្ត និងរមណីយដ្ឋានធម្មជាតិខ្នងភ្នំគូលែនផងដែរ ។
យោងតាមការបញ្ជាក់របស់លោក សេង វិចិត្រ ប្រធានកម្មវិធីផ្សារទឹក (ក្រុមការងារសហភាពសហព័ន្ធយុវជន កម្ពុជាខេត្ត ) បានឱ្យដឹងថា នៅតាមដងស្ទឹងសៀមរាប យើងមានរៀបចំកម្មវិធីទីផ្សារទឹកស្ទឹងសៀមរាប ជាកម្មវិធីមួយក្នុងចំណោមកម្មវិធីជាច្រើនទៀតរបស់ព្រឹត្ដិការណ៍អង្គរសង្ក្រាន្ត ដែលគិតមក ទល់ពេលនេះរៀបចំឡើងបាន ៨០ភាគ រយហើយ ចាប់ពីស្ពានថ្មព្រះរាជដំណាក់ ដល់ស្ពានថ្មវត្ដរាជបូណ៌ ។
ម្យ៉ាងទៀតផ្សារទឹកនេះ ក៏មានកម្មវិធីកម្សាន្ដចំនួន៤ រួមមានផ្សារលើទឹកដោយលក់តាមទូក ជិះទូកលេងកំសាន្ដ ការប្រគុំតន្ដ្រីសម័យបុរាណ រៀបចំស្ដង់ពិព័រណ៌នៅសងខាងតាមដងផ្លូវស្ទឹងសៀមរាបទៀតផង ។ លោក សេង វិចិត្រ បានឱ្យបន្ថែមទៀតថា ការជិះទូលេងកំសាន្ដដោយមានទូកបងប្អូនប្រជានេសាទមកពីសហគមន៍ចុងឃ្នៀស ជាង១២០ទូក និង ទូកហង្ស ៨ទូកមកពីទន្លេអុំ ហើយចំណូលដែលបានមកពីការលក់សំបុត្រ គឺនឹងប្រគល់ជូនពួកគាត់ផងដែរ ។
ក្នុងនាមសហភាពសហព័ន្ធយុជនកម្ពុជា លោកក៏បានអំពាវនាវដល់ភ្ញៀវទេសចរជាតិ អន្ដរជាតិ ដែលបានចូលមកកំសាន្ដសប្បាយនៅក្នុងព្រឹត្ដិ ការណ៍អង្គរសង្ក្រាន្ដឆ្នាំ២០២៥នេះ ដើម្បីចូលរួមលើកស្ទួយដល់វប្បធម៌ ប្រពៃណីជាតិ និងដើម្បីផ្ដល់ចំណូលសេដ្ឋកិច្ចដល់ប្រជាពលរដ្ឋនៅមូលដ្ឋានផងដែរ ។
លោកក៏បានសំណូមពរដល់ជនរួមជាតិ ភ្ញៀវជាតិ អន្តរជាតិ ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ នៅពេលបើកបរយានយន្តគ្រប់ប្រភេទ ត្រូវពាក់មួកសុវត្ថិភាព និងដាក់ខ្សែក្រវ៉ាត់សុវត្ថិភាព ក្នុងពេល បើកបរសូមឱ្យមានការអាធ្យា ស្រ័យគ្នា ព្រោះយើងជាមហាគ្រួសារខ្មែរតែ
មួយ ៕
ចែករំលែកព័តមាននេះ