ខេត្តបាត់ដំបង ៖ យុវជនម្នាក់ចិត្តក្ដៅដូចភ្លើង ត្រូវកម្លាំងសមត្ថកិច្ចឃាត់ខ្លួន ក្រោយពីទាញពូថៅកាប់ទៅលើបងស្រីជីដូនមួយបណ្ដាលឲ្យរងរបួសធ្ងន់ កាលពីវេលាម៉ោង១១យប់ថ្ងៃទី៣០ មីនា ស្ថិតនៅចំណុចភូមិតាព្រាត ឃុំមុខរាហ៏ ស្រុករុក្ខគិរី…
ខេត្តបាត់ដំបង ៖ យុវជនម្នាក់ចិត្តក្ដៅដូចភ្លើង ត្រូវកម្លាំងសមត្ថកិច្ចឃាត់ខ្លួន ក្រោយពីទាញពូថៅកាប់ទៅលើបងស្រីជីដូនមួយបណ្ដាលឲ្យរងរបួសធ្ងន់ កាលពីវេលាម៉ោង១១យប់ថ្ងៃទី៣០ មីនា ស្ថិតនៅចំណុចភូមិតាព្រាត ឃុំមុខរាហ៏ ស្រុករុក្ខគិរី ព្រោះតែខឹងនឹងបងស្រីជីដូនមួយរូបនេះហៅខ្លួនពីរម៉ាត់យ៉ាងខ្លីថា «អាចោរ»។
តាមរបាយការណ៍សមត្ថកិច្ចបានឲ្យដឹងថា ជនដៃដល់ឈ្មោះ ជា ចាន់រាជ ភេទប្រុស អាយុ១៧ឆ្នាំ រស់នៅភូមិអូរហេង ឃុំសំរោង ស្រុកភ្នំក្រវ៉ាញ ខេត្តពោធីសាត់ ។ រីឯជនរងគ្រោះឈ្មោះ ហេង រ៉ា ស្រីអាយុ២០ឆ្នាំ ត្រូវជាបងជីដូនមួយជនសង្ស័យរស់នៅចំណុចកើតហេតុខាងលើ ។
របាយការណ៍ដដែលបានបញ្ជាក់ទៀតថា ជនរងគ្រោះរងរបួសយ៉ាងធ្ងន់ធ្ងរត្រង់ក្បាល ដោយសារជនដៃដល់កាប់នឹងពូថៅពេលកំពុងដេកជាមួយកូនតូចនៅលើគ្រែក្រោមផ្ទះ ។ ជនសង្ស័យរូបនេះ ត្រូវបានកម្លាំងជំនាញនៃអធិការស្រុករុក្ខគិរីតាមចាប់ខ្លួនបាន ក្រោយទទូលបណ្ដឹងជនរងគ្រោះ ។
ដើមចមដែលនាំឲ្យមានអំពើហិង្សាដ៏ឃោរឃៅរវាងបងប្អូនជីដូនមួយខាងលើនេះ គឺផ្ដើមចេញពីរឿងប្អូនខ្ចីទូរស័ព្ទបងស្រីមើល មិនព្រមប្រគល់ឲ្យវិញ លុះបងស្រីជាម្ចាស់ទូរស័ព្ទហៅ «អាចោរ» ក៏ផ្ទុះហិង្សា។ បើតាមសមត្ថកិច្ចបានបំភ្លឺរឿងនេះថា នេះជាករណី «ប៉ុនប៉ងមនុស្សឃាតដោយចេតនា»។
រឿងនេះ ផ្ដើមចេញពីជនដៃដល់ខ្ចីទូរស័ព្ទជនរងគ្រោះមើល ។ នៅពេលជនរងគ្រោះ (បងស្រីជីដូនមួយ) ឲ្យទូរស័ព្ទមើលអស់ចិត្តហើយ ជនរងគ្រោះក៏សុំទូរស័ព្ទវិញ តែជនកំហូចរូបនេះ មិនព្រមប្រគល់ឲ្យម្ចាស់វិញទេ បើទោះជាជនរងគ្រោះតាមទារយ៉ាងណាក្ដី ។ ដោយសារតែតាមទារទូរស័ព្ទវិញមិនបាន ជនរងគ្រោះក៏ខឹងក៏ជេរដៀមដាមប្អូនជីដូនមួយរូបនេះថា «ចោរ អាចោរ»។ ត្រង់ពាក្យថា «ចោរ អាចោរ» នេះហើយទើបធ្វើឲ្យជននេះខឹងបងស្រីជីដូនមួយខឹងយ៉ាងខ្លាំង ។
សមត្ថកិច្ចបានបញ្ជាក់ទៀតថា ដោយសារតាមទារទូរស័ព្ទពីប្អូនជីដូនមួយនេះវិញមិនបាន ជនរងគ្រោះក៏ខឹង រហូតជេរដៀមជនកំហូចនេះដូច្នេះថា «ចោរ..! អាចោរ..!»។ ព្រោះតែពាក្យជេរប្រមាថ ឬ ហៅខ្លួនថា «ចោរ អាចោរ» ទើបធ្វើឲ្យយុវជនចិត្តក្ដៅដូចភ្លើង ខឹងខ្លាំងរហូតចងជាគំនុំ ។ លុះដល់យប់ជ្រៅ ជនចិត្តក្ដៅនេះក៏ទាញពូថៅកាន់ដើរលបចូលទៅកាប់បងស្រីជីដូនមួយយ៉ាងសាហាវព្រៃផ្សៃចំក្បាលមួយពូថៅបណ្ដាលឲ្យរងរបួសយ៉ាងធ្ងន់ធ្ងរ នៅពេលជនរងគ្រោះកំពុងដេកលក់ជាមួយកូននៅលើគ្រែខាងក្រោមផ្ទះ ។
ស្នងការរងទទូលផែនព្រហ្មទណ្ឌ លោក ឈឿង គឹមសុង បានប្រាប់ថា ក្រោយកាប់បងស្រីជីដូនមួយឲ្យរងរបួសធ្ងន់ជនដៃដល់រូបនេះក៏បានរត់គេចខ្លួនភ្លាមៗដែរ តែត្រូវកម្លាំងជំនាញ នៃអធិការស្រុករុក្ខគីរី តាមចាប់ខ្លួនបាន ពេលជននេះព្យាយាមរត់គេចខ្លួនទៅដល់ទឹកដីខេត្តពោធិ៍សាត់ ។ លោកស្នងការរងរូបនេះបានបញ្ជាក់ដែថា អំពើហិង្សានេះ ផ្ដើមចេញពីរឿងខ្ចីទូរស័ព្ទមើល ។
ជនសង្ស័យខ្ចីទូរស័ព្ទបងស្រីជីដូនមួយមើល លុះបងស្រីសុំវិញ ជននេះមិនព្រមឲ្យវិញ ដល់ពេលជនរងគ្រោះខឹងក៏ហៅថា «ចោរ អាចោរ» ជនសង្ស័យខឹង ទើបទាញពូថៅកា.ប់ក្បាលម្ចាស់ទូរស័ព្ទរបួសធ្ងន់ដេរជាច្រើនធ្នេរ ។ ពេលនេះ មន្ត្រីជំនាញកំពុងសួរនាំជនសង្ស័យ ដើម្បីកសាងសំណុំរឿងចាត់ការតាមនីតិវិធីហើយ ។
ចែករំលែកព័តមាននេះ