ខេត្តបន្ទាយមានជ័យ ៖ អគ្គិភ័យបានឆាបឆេះតូបលក់ដូរចំនួន២ ក្នុងសាលាបឋមសិក្សាព្រៃគប់ ស្ថិតក្នុងភូមិព្រៃគប់ សង្កាត់អូរប្ញស្សី ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង៧និង១០នាទីយប់ ថ្ងៃទី៣០…
ខេត្តបន្ទាយមានជ័យ ៖ អគ្គិភ័យបានឆាបឆេះតូបលក់ដូរចំនួន២ ក្នុងសាលាបឋមសិក្សាព្រៃគប់ ស្ថិតក្នុងភូមិព្រៃគប់ សង្កាត់អូរប្ញស្សី ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង៧និង១០នាទីយប់ ថ្ងៃទី៣០ ខែមីនា ឆ្នាំ២០២៥ ។
លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានឲ្យដឹងថា ៖ ក្រោយពីបានទទួលព័ត៌មានពីករណីអគ្គិភ័យឆាបឆេះតូបលក់ដូរក្នុងសាលាបឋមសិក្សាព្រៃគប់ ស្ថិតនៅភូមិព្រៃគប់ សង្កាត់អូរឫស្សី ក្រុងប៉ោយប៉ែត ដែលមានម្ចាស់តូបឈ្មោះ គឹម ហឿន ភេទស្រី អាយុ៧១ឆ្នាំ ជនជាតិខ្មែរ។
ភ្លាមៗនោះ កម្លាំងអធិការក្រុងប៉ោយប៉ែត បាននាំយករថយន្តពន្លត់អគ្គិភ័យ រួមសហការជាមួយកម្លាំងយោធាសឹករងក្រុងប៉ោយប៉ែត កម្លាំងប៉ុស្តិ៍នគរបាលរដ្ឋបាលអូរឫស្សី កម្លាំងប៉ុស្តិ៍នគរបាលការពារព្រំដែនព្រៃគប់ ក្រុមសង្គ្រោះបឋមក្រុងប៉ោយប៉ែត កម្លាំងប្រជាការពារភូមិព្រៃគប់ រថយន្តពន្លត់អគ្គិភ័យស្តាហ្គោល និងប្រជាពលរដ្ឋបានចុះមកជួយពន្លត់អគ្គិភ័យនេះ ។
លោកអធិការបន្តថា ៖ ក្នុងកិច្ចប្រតិបត្តិការនេះ ដោយប្រើប្រាស់រថយន្តពន្លត់អគ្គិភ័យអស់ចំនួន០៣ គ្រឿង ៖១.រថយន្តពន្លត់អគ្គិភ័យរបស់អធិការដ្ឋាននគរបាលក្រុងប៉ោយប៉ែត ចំនួន០១គ្រឿង ប្រើប្រាស់ទឹកអស់១ធុង ។ ២.រថយន្តពន្លត់អគ្គិភ័យរបស់ក្រុមហ៊ុន ស្តាហ្គោល ចំនួន០១គ្រឿង ប្រើប្រាស់ទឹកអស់១ធុង ។
៣.រថយន្តពន្លត់អគ្គីភ័យរបស់ក្រុមសង្គ្រោះចំនួន១គ្រឿងប្រើប្រាស់ទឹកអស់១ធុងភ្លើងបានរលត់ទាំងស្រុងនៅម៉ោង១១យប់ ។ ចំពោះការខូចខាតសម្ភារៈ និងតូបលក់ដូរចំនួន០២តូបឆេះអស់ទាំងស្រុង តែមិនបណ្តាលឲ្យឆេះដល់សាលារៀន និងមានអ្នករងរបួស និងគ្រោះថ្នាក់ដល់អាយុជីវិតនោះទេ៕
ចែករំលែកព័តមាននេះ