ខេត្តក្រចេះ ៖ តាមប្រភពព័ត៌មានបឋមបានឱ្យដឹងថា កម្លាំងសមត្ថកិច្ចចម្រុះ នៅព្រឹកថ្ងៃទី២៨ ខែមីនា ឆ្នាំ២០២៥ បានឆ្មក់បង្ក្រាបទីតាំងស្តុក និងលក់សាច់សត្វព្រៃខុសច្បាប់១កន្លែង ស្ថិតនៅក្នុងស្រុកស្នួលខេត្តក្រចេះ…
ខេត្តក្រចេះ ៖ តាមប្រភពព័ត៌មានបឋមបានឱ្យដឹងថា កម្លាំងសមត្ថកិច្ចចម្រុះ នៅព្រឹកថ្ងៃទី២៨ ខែមីនា ឆ្នាំ២០២៥ បានឆ្មក់បង្ក្រាបទីតាំងស្តុក និងលក់សាច់សត្វព្រៃខុសច្បាប់១កន្លែង ស្ថិតនៅក្នុងស្រុកស្នួលខេត្តក្រចេះ ដោយរឹបអូសបានសាច់សត្វព្រៃខុសច្បាប់មួយចំនួន និងបានកសាងសុំណុំរឿង តាមនីតិវិធីបញ្ជូនទៅតុលាការ ។
ប្រតិបត្តិការចុះបង្ក្រាបទីតាំងស្តុក និងលក់សាច់សត្វព្រៃខាងលើនេះបានធ្វើឡើងក្រោមការសម្របសម្រួលនីតិវិធីពីលោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តក្រចេះ ។
ក្រោយការចុះឆែកឆេរ សមត្ថកិច្ចបានដកហូតសាច់ឈ្លូស ១០គីឡូក្រាម សាច់ប្រើស ១៨គីឡូក្រាម សាច់ជ្រូកព្រៃ ២៣គីឡូក្រាម ចាបស្រូវ ១០០ក្បាល, ស្នែងឈ្លូស, កន្ទុយក្ងោក និងសត្វទទារស់មួយចំនួនទៀត ។
ក្នុងប្រតិបត្តិការចុះបង្ក្របទីតាំងលក់សាច់សត្វព្រៃនោះមានសមាសភាពចូលរួម
១.-លោក ស រ៉ោ អនុប្រធាននាយកដ្ឋានសត្វព្រៃ និងជីវចម្រុះ ។
២-លោក គឹម ចន្ទភារម្យ ។
៣-លោក ស៊ូ សារើត ប្រធានក្រុម ។
៤-លោក ផូង ឃុនឡាយនាយសង្កាត់រដ្ឋបាលព្រៃឈើស្នួល ។
៥-លោកក្រឡាបញ្ជី ទូច សីណាត និងសមាជិកប្រមាណ៩នាក់ទៀតនៃក្រុមការងារ ។
ការបង្ក្រាបបទល្មើសជួញដូរសត្វព្រៃនេះ ក្រោយពីមានការយល់ព្រមពីម្ចាស់លំនៅឋាន ឈ្មោះ កែម នុន្នី អាយុ៣៩ឆ្នាំ បានឯកភាពឱ្យក្រុមកាងារត្រួតពិនិត្យ ធ្វើការឆែកឆេរ រុករកវត្ថុតាងបទល្មើសក្នុងបរិវេណទីតាំងខាងលើនេះផងដែរ ។
លទ្ធផលប្រទះឃើញ និងដកហូតសត្វព្រៃ និងសំណាកសត្វព្រៃ ដូចការរៀបរាប់ខាងលើ ។
ក្នុងការចុះបង្ក្រាបនោះដែរ សមត្ថកិច្ចបានធ្វើការឃាត់ខ្លួនអ្នកលក់ជាថៅកែម្ចាស់ទីតាំងនោះម្នាក់ផងដែរដែលគេស្គាល់ថាឈ្មោះ ចែ នី (ហៅចែនីសត្វព្រៃ) ដ៏ល្បីឈ្មោះម្នាក់ប្រចាំស្រុកស្នួលហើយបាននាំខ្លួនតាមនីតិវិធី ៕
ចែករំលែកព័តមាននេះ