រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងនៅតែបន្តធ្វើសកម្មភាពនានាដែលជាផលប្រយោជន៍ដល់សង្គមជាតិកម្ពុជា ដើម្បីប្រឆាំងទៅនឹងមតិរិះគន់របស់ក្រុមប្រឆាំង ឧទ្ទាមក្រៅស្រុក…
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងនៅតែបន្តធ្វើសកម្មភាពនានាដែលជាផលប្រយោជន៍ដល់សង្គមជាតិកម្ពុជា ដើម្បីប្រឆាំងទៅនឹងមតិរិះគន់របស់ក្រុមប្រឆាំង ឧទ្ទាមក្រៅស្រុក ដែលតែងតែស្រែកមកថា រាជរដ្ឋាភិបាលពុំមានធ្វើអ្វីមួយ ដែលជាប្រយោជន៍ជាតិ ។
ការថ្លែងរបស់សម្តេចបវរធិបតី ហ៊ុន ម៉ាណែត នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ អគារសិក្សា អគារស្នាក់នៅរបស់គ្រូបង្រៀន ទីចាត់ការ និងអគារកាត់ដេរ នៅវិទ្យាល័យ ហ៊ុន សែន វាលរេញខេត្តព្រះសីហនុ នាព្រឹកថ្ងៃទី២៦ ខែមីនា ឆ្នាំ២០២៥ ។
សម្តេចបវរធិបតី ហ៊ុន ម៉ាណែត មានប្រសាសន៍ថា សកម្មភាព ដែលសម្តេចនឹងធ្វើតបទៅក្រុមប្រឆាំងនោះ គឺការចុះសម្ពោធសមិទ្ធផលនានាដូចជាសាលារៀន ដែលនៅសល់ជិត១ពាន់កន្លែង និងចុះដោះស្រាយបញ្ហាកង្វល់របស់ពលរដ្ឋ តាមរយៈការបង្កើនកម្មវិធីផ្តល់ដីជូនពលរដ្ឋ ធ្វើបណ្ណសមធម៌ ឲ្យពលរដ្ឋទៅពេទ្យ ដោយមិនអស់ថវិកាជាដើម ។ ចំពោះករណីរិះគន់ ពីសំណាក់ក្រុមប្រឆាំងនេះ សម្តេចឆ្លើយតបថា កុំរវល់ទៅឈឺក្បាល វិលមុខជាមួយពួកគេ ហើយបើមិនឆ្លើយឆ្លងទៅវិញ ដែលធ្វើឲ្យពួកគេពិបាកក្នុងខ្លួនទៅវិញទេ ។
សម្តេចបវរធិបតី បានគូសបញ្ជាក់ថា ៖ “វិធីសាស្ត្រយើង ទី១-កុំឈឺក្បាល នឹងអ្នកថា ច្រើនពេក ទី២-ធ្វើផ្គើនវិញ ។ ផ្គើនរឿងអី បើគេថា ឲ្យយើងគ្មានបានធ្វើអ្វីទាំងអស់ យើងសម្ពោធសមិទ្ធផល ឲ្យកាន់តែច្រើន អាហ្នឹងផ្គើនហើយ ។ បើគេចោទថា យើងអត់យកចិត្តទុកដាក់ទៅលើប្រជាជន យើងដាក់ចេញកម្មវិធីជួយប្រជាពលរដ្ឋឲ្យច្រើន ផ្តល់អាហាររូបករណ៍ឲ្យកូនសិស្សឲ្យច្រើន ផ្តល់ជួយពលរដ្ឋ ដែលគាត់ខ្វះសមត្ថភាពទៅពេទ្យអី កសាងពេទ្យឲ្យច្រើន រុញបណ្ណសមធម៌ឲ្យច្រើនឲ្យប្រជាពលរដ្ឋ អាហ្នឹងយើងផ្គើនហើយ” ។
ជាមួយគ្នានោះដែរ សម្តេចបវរធិបតី បានវាយបកទៅក្រុមប្រឆាំងវិញទៀតថា ៖ «បើគេចោទប្រកាន់អ្វី មកលើរាជរដ្ឋាភិបាល ក្រុមមន្ត្រីទាំងអស់ ត្រូវធ្វើសកម្មភាព ដែលគេចោទនោះទៅវិញ ឲ្យបានច្រើនផុសផុល ដើម្បីផ្គើន និងឌឺដងទៅវិញ» ។
ជាមួយគ្នានេះដែរ សម្តេចបវរធិបតី ថា ពួកគេបានតែស្រែក គ្មានបានសាច់ការពីក្រៅប្រទេស នៅលើវេទិកានានាថា សម្តេចមិនធ្វើសកម្មភាពអ្វី ប៉ុន្តែផ្ទុយទៅវិញសម្តេចបានចុះដោយផ្ទាល់ ជួបពលរដ្ឋដោយភាពស្និតស្នាលបំផុត ៕
ចែករំលែកព័តមាននេះ