ខេត្តព្រះសីហនុ ៖ ទោះបីជាមានលិខិតជូនដំណឹងពីមន្ទីរបរិស្ថាន ជម្រាបជូនដល់ម្ចាស់អាជីវកម្មក្លិបកម្សាន្តពេលរាត្រី ពាក់ព័ន្ធទៅនឹងការបំពងសំឡេងលាន់ឮរំខានគេឯងយ៉ាងណាក្តី ក៏នៅមានក្លិបមួយចំនួនធំក្នុងក្រុងព្រះសីហនុ នៅតែបន្តប្រគំតន្ត្រីបន្លឺសំឡេងខ្លាំងៗ ដោយហាក់បីដូចជាពុំខ្វល់ទៅនឹងអ្វីដែលមន្ត្រីជំនាញបានជូនដំណឹងទាល់តែសោះ ។ ជាក់ស្ដែងនៅរាត្រីទី១៧-១៨…
ខេត្តព្រះសីហនុ ៖ ទោះបីជាមានលិខិតជូនដំណឹងពីមន្ទីរបរិស្ថាន ជម្រាបជូនដល់ម្ចាស់អាជីវកម្មក្លិបកម្សាន្តពេលរាត្រី ពាក់ព័ន្ធទៅនឹងការបំពងសំឡេងលាន់ឮរំខានគេឯងយ៉ាងណាក្តី ក៏នៅមានក្លិបមួយចំនួនធំក្នុងក្រុងព្រះសីហនុ នៅតែបន្តប្រគំតន្ត្រីបន្លឺសំឡេងខ្លាំងៗ ដោយហាក់បីដូចជាពុំខ្វល់ទៅនឹងអ្វីដែលមន្ត្រីជំនាញបានជូនដំណឹងទាល់តែសោះ ។
ជាក់ស្ដែងនៅរាត្រីទី១៧-១៨ មីនាកន្លងទៅនេះ នៅតាមក្លិបកម្សាន្តដែលមានការលេចធ្លោ ដូចជាក្លិបtemple ក្លិបN1 និងក្លិបវង្វេង បាននិងកំពុងបង្កសំឡេងខ្លាំងៗ ដែលជាហេតុធ្វើឲ្យមានការរិះគន់ពីសំណាក់ប្រជាពលរដ្ឋ ដែលកំពុងរស់នៅក្នុងតំបន់ជាប់ទីតាំងក្លិបទាំងនោះ ។
ជុំវិញបញ្ហានេះផងដែរ បងប្អូនប្រជាពលរដ្ឋ ដែលបានរងផលប៉ះពាល់ពីអាជីវកម្មក្លិបកម្សាន្តទាំងនេះ បានស្នើឲ្យអាជ្ញាធរមូលដ្ឋាន ក៏ដូចជាមន្ត្រីជំនាញមេត្តាចុះពិនិត្យ និងអនុវត្តទៅតាមលក្ខណៈបច្ចេកទេស ដែលមន្ទីរបរិស្ថានបានកំណត់ ពីព្រោះពេលរាត្រីនេះហើយ ជាពេលដែលពួកគាត់ត្រូវការសម្រាក បន្ទាប់ពីធ្វើការងារពីថ្ងៃនឿយហត់ តែបើនៅពេលយប់ក៏មានការរំខានពួកគាត់ពុំអាចសម្រាកបាននោះ តើឲ្យគាត់បំពេញការងារនៅពេលថ្ងៃម្ដេចនឹងកើត ? ដូចនេះ ពួកគាត់សង្ឃឹមថា អាជ្ញាធរមូលដ្ឋាន និងមន្ត្រីពាក់ព័ន្ធ នឹងធ្វើការចុះពិនិត្យទៅតាមស្ថានភាពជាក់ស្តែងតាមការគួរ ។
ជុំវិញបញ្ហានេះផងដែរ ប្រធានមន្ទីរបរិស្ថានលោក ម៉ើង សុភាព បានអះអាងថា ជុំវិញការបំពងសំឡេងតាមក្លិបកម្សាន្តនានាក្នុងក្រុងព្រះសីហនុ មន្ត្រីជំនាញបានចុះធ្វើការផ្សព្វផ្សាយជូនដំណឹង ដោយតម្រូវឲ្យអនុវត្តតាមការណែនាំលក្ខណៈបច្ចេកទេស ជាច្រើនលើកច្រើនសាមកហើយ ប៉ុន្តែគិតមកដល់ពេលនេះ មន្ត្រីជំនាញពុំទាន់បានដឹងថា ក្លិបកម្សាន្តទាំងនោះអនុវត្តតាមការណែនាំបានកម្រិតណានៅឡើយទេ ។
អ្នករស់នៅតំបន់នោះនិយាយថា បើអាជ្ញាធរខេត្តខ្សោយម្លឹងៗ…ចុះចេញទៅ…ដាក់មេក្លិបកម្សាន្តជើងខ្លាំងឱ្យធ្វើមេម្ដងទៅ…ក្រែងចេះធ្វើការជាង…ហេ! ហេ!
ចែករំលែកព័តមាននេះ