ខេត្តមណ្ឌលគិរី ៖ ជនសង្ស័យក្នុងករណីឃាតកម្មដ៏សាហាវម្នាក់ ត្រូវបានសមត្ថកិច្ចឃាត់ខ្លួនបានភ្លាមៗក្រោយធ្វើសកម្មភាពសម្លាប់វះពោះជនរងគ្រោះម្នាក់យ៉ាងអាណោចជាទីបំផុត កាលពីយប់ថ្ងៃទី១៨ ខែមីនា ឆ្នាំ២០២៥ នៅស្រុកកោះញែក។ សេចក្តីរាយការណ៏បានឲ្យដឹងថា គិតត្រឹមវេលាម៉ោង២រសៀលថ្ងៃទី២០…
ខេត្តមណ្ឌលគិរី ៖ ជនសង្ស័យក្នុងករណីឃាតកម្មដ៏សាហាវម្នាក់ ត្រូវបានសមត្ថកិច្ចឃាត់ខ្លួនបានភ្លាមៗក្រោយធ្វើសកម្មភាពសម្លាប់វះពោះជនរងគ្រោះម្នាក់យ៉ាងអាណោចជាទីបំផុត កាលពីយប់ថ្ងៃទី១៨ ខែមីនា ឆ្នាំ២០២៥ នៅស្រុកកោះញែក។
សេចក្តីរាយការណ៏បានឲ្យដឹងថា គិតត្រឹមវេលាម៉ោង២រសៀលថ្ងៃទី២០ ខែមីនា ឆ្នាំ២០២៥ ជនសង្ស័យត្រូវបានសមត្ថកិច្ចកំពុងបញ្ជូនទៅសាលាដំបូងខេត្តមណ្ឌលគិរី ដើម្បីបន្តនិតិវិធីច្បាប់។
បើតាមប្រភពបានឲ្យដឹងថា មុនឈានដល់ការឃាត់ខ្លួនជនដៃដល់ នគរបាលឃុំស្រែសង្គមបានទទួលព័ត៌មានពី ប្រជាពលរដ្ឋកាលវេលាម៉ោង៨យប់ថ្ងៃទី១៨ ថា មានករណីហិង្សាកើតឡើងនៅចំណុចភ្នំក្រោលស្ថិតនៅភូមិអូយ៉េះ ឃុំស្រែសង្គម ស្រុកកោះញែក ដោយជនរងគ្រោះ ឈ្មោះ លាង លាភ ភេទប្រុស អាយុ ១៨ឆ្នាំ រស់នៅភូមិចំរើន ឃុំស្រែសង្គម បានជិះម៉ូតូម្នាក់ឯងចេញពីផ្ទះក្នុងភូមិរង្សី ពេលទៅដល់ចំណុចភ្នំក្រោល ក៏ប្រទះជាមួយជនសង្ស័យយកកាំបិតផ្កាក់បម្រុងកាប់ខ្លួន ។
ពេលនោះឈ្មោះ លាង លាភ ក៏បានឱនគេចផុតតែដួលម៉ូតូ។ ចំណែជនសង្ស័យនៅតែព្យាយាមតាមដេញកាប់ទៀត ឃើញដូច្នេះជនរងគ្រោះរត់គេចចូលទៅពួនក្នុងព្រៃហើយក៏បានទំនាក់ទំនងតាមទូរសព្ទទៅសមត្ថកិច្ចដើម្បីជួយអន្តរាគមន៍។
ភ្លាមៗលោក អេង ហាក់គ័ង អធិការនគរបាលស្រុកកោះញែកបានចុះដល់ទីតាំងកើយតហេតុ និងបានស្រាវជ្រាវឃាត់ខ្លួនជនសង្ស័យនៅអធិការដ្ឋាន អំឡុងពេលសាកសួរ សមត្ថកិច្ចបានសង្ស័យលើស្នាកស្នាមឈាមប្រឡាក់លើសម្លៀកបំពាក់របស់ជនសង្ស័យ ក៏បន្តជជីកសួរបន្ថែមក៏បែកធ្លាយថា ជនសង្ស័យនេះ បានធ្វើសកម្មភាពកាប់សម្លាប់ជនរងគ្រោះម្នាក់ទៀតនៅមុនពេលដេញកាប់ជនរងគ្រោះឈ្មោះ លាង លាភ អំឡុងពេលជិះម៉ូតូឆ្លងកាត់មុខខ្លួនតាមផ្លូវ។
សេចក្តីរាយការណ៏បានបន្តថា បន្ទាប់ពីការសួរនាំរួច ជនសង្ស័យបានឆ្លេីយថា ខ្លួនបានអង្គុយផឹកស្រាពីរនាក់ឈ្មោះ យឺន យ៉ុង(ហៅតាក្តឺម)ពេលនោះបានទាស់ពាក្យសំដីគ្នាហើយក៏បានកាប់តាក្ដឺម នៅក្នុងផ្ទះគាត់ នៅចំណុចភូមិអូរយ៉េះ ឃុំស្រែសង្គម ស្រុកកោះញែក ។ ក្រោយពីឮដូច្នេះ កម្លាំងអធិការដ្ឋាននគរបាលស្រុកកោះញែក និងប៉ុស្តិ៍នគរបាលរដ្ឋបាលស្រែសង្គម ក៏បានចុះទៅដល់កន្លែងកើតហេតុ ផ្ទះជនរងគ្រោះឈ្មោះ តាក្ដឺម ដែលគាត់រស់នៅម្នាក់ឯងក៏បានឃើញជនរងគ្រោះបានដេកស្លាប់នៅក្នុងផ្ទះបាត់ទៅហើយ ។
ចំណែកសេចក្តីរាយការណ៏ក្រៅផ្លូវការបានឲ្យដឹងថា ដើមចមដែលជនដៃដល់ឈ្មោះ សន សុខខឿន ភេទប្រុស អាយុ៥៧ឆ្នាំ ហ៊ានសម្លាប់មនុស្សវះពោះបារយកគ្រឿងក្នុងចេញអស់យ៉ាងសាហាវបែបនេះ ព្រោះតែស្រវឹងនិងចង់សាកល្បងរឿងជនរងគ្រោះធ្លាប់អះអាងថា មានកូនក្រកនិងស្បែកតាន់ ទើបបង្កឲ្យមានសោកនាដកម្មនេះកើតឡើង ៕
ចែករំលែកព័តមាននេះ