រាជធានីភ្នំពេញ ៖ ស.ពស្ត្រីម្នាក់ ដែលត្រូវឃា.តករវាសម្លា.ប់ ហើយត្រូវបានគេប្រទះឃើញកាលពីវេលាម៉ោង០៧និង៥នាទីព្រឹកថ្ងៃទី១០ ខែមីនា ឆ្នាំ២០២៥នេះ នៅចំណុចដីឡូតិ៍ទុកចោលមួយកន្លែង ផ្លូវឧកញ៉ាឌីប៊ូ ភូមិស្វាយប៉ាក…
រាជធានីភ្នំពេញ ៖ ស.ពស្ត្រីម្នាក់ ដែលត្រូវឃា.តករវាសម្លា.ប់ ហើយត្រូវបានគេប្រទះឃើញកាលពីវេលាម៉ោង០៧និង៥នាទីព្រឹកថ្ងៃទី១០ ខែមីនា ឆ្នាំ២០២៥នេះ នៅចំណុចដីឡូតិ៍ទុកចោលមួយកន្លែង ផ្លូវឧកញ៉ាឌីប៊ូ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ត្រូវបានគេស្គាល់អត្តសញ្ញាណហើយ។ ចំណែកឃា.តករ ក៏ស្គាល់អត្តសញ្ញាណដែរ គឺជាអតីតប្ដីរបស់ជនរងគ្រោះ តែម្ដង ។
ស្ត្រីរងគ្រោះ ត្រូវបានសមត្ថកិច្ចឲ្យដឹងថា ឈ្មោះ អ៊ុន ស្រីល័ក្ខ ភេទស្រី អាយុ២៥ឆ្នាំ មុខរបរបុគ្គលិកភោជនីយដ្ឋានជា អានន្ន ហ្គាដេន មានទីលំនៅផ្ទះលេខ៥៨៩ ផ្លូវលំ ភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ។
ចំណែកឃា.តករដៃដល់ ដែលសម្លា.ប់អតីតប្រពន្ធ មានឈ្មោះ ប៊ន សេងហាប់ ភេទប្រុស បច្ចុប្បន្នគេចខ្លួន សមត្ថកិច្ចកំពុងស្រាវជ្រាវដើម្បីតាមឃាត់ខ្លួន ។
តាមស្ត្រីឈ្មោះ ផៃ ឆឿន អាយុ៥១ឆ្នាំ ជាម្ដាយបង្កើតជនរងគ្រោះ បានឲ្យដឹងថា កាលពីអំឡុងឆ្នាំ២០២២ កូនស្រីបានសែនព្រេនជាមួយបុរសជាប្ដីឈ្មោះ ប៊ន សេងហាប់ (ឃា.តករ) ហើយរស់នៅជាមួយគ្នារហូតមានមានកូនស្រី ចំនួន១នាក់។ នៅអំឡុងឆ្នាំ២០២៤ កូនស្រីបានបែកបាក់គ្នា ដោយសាររស់នៅមិនចុះសម្រុងគ្នា ហើយបានចាកចេញពីផ្ទះទៅធ្វើជាអ្នកបើកបរ ។
តាមស្ត្រីជាម្ដាយ បានឲ្យសមត្ថកិច្ចដឹងទៀតថា កាលពី៤ថ្ងៃមុន ជនសង្ស័យបានមករកកូនស្រីរបស់គាត់ (ជនរងគ្រោះ) ។ លុះនៅវេលារសៀល ថ្ងៃទី០៩ ខែមីនា ឆ្នាំ២០២៥ កូនស្រីបានរៀបចំខ្លួនចេញទៅធ្វើការដូចសព្វដង ហើយនៅព្រឹកថ្ងៃទី១០ ខែមីនា ឆ្នាំ២០២៥ ពុំឃើញត្រឡប់មកផ្ទះវិញ ហើយទូរសព្ទក៏មិនចូល លុះក្រោយមកទើបដឹងថា កូនស្រីស្លា.ប់ ។
តាមស្ត្រីឈ្មោះ ធួន ធួក ជាមេការភោជនីយដ្ឋាន ធ្វើការជាមួយជនរងគ្រោះ បានប្រាប់ឲ្យដឹងថា កាលពីល្ងាចថ្ងៃទី៧និង៨ ខែមីនា ឆ្នាំ២០២៥ ជនរងគ្រោះបានកក់កញ្ចុះឲ្យប្ដី មកផឹកស៊ី ២ថ្ងៃ ជាប់គ្នាហើយ ពេលកំពុងផឹកស៊ី ក៏មានការទាស់សម្ដីគ្នាជាបន្តបន្ទាប់ ។
តាមស្ត្រីជាមេការ បានឲ្យដឹងទៀតថា នៅល្ងាចថ្ងៃទី០៩ ខែមីនា ឆ្នាំ២០២៥ ជនរងគ្រោះបានកក់កញ្ចុះឲ្យប្ដីនាងផឹកស៊ីម្ដងទៀត ពេលកំពុងផឹកស៊ី ដល់វេលាម៉ោង១០និង១០នាទីយប់ ជនរងគ្រោះ និងប្ដី បានឈ្លោះប្រកែកគ្នា ដោយប្ដីជនរងគ្រោះប្រចណ្ឌជនរងគ្រោះ ។ខណៈនោះ បុគ្គលិកហាង និងរូបនាង ក៏បានចូលទៅឃាត់។ នៅវេលាម៉ោងប្រហែល១១និង៣០នាទីយប់ ជនរងគ្រោះបានចេញពីធ្វើការដោយទុកម៉ូតូនៅហាង រួចឡើងជិះម៉ូតូទៅជាមួយប្ដី ដោយនាងប្រាប់ថា ទៅផឹកស៊ីបន្ត នៅម្ដុំរង្វង់មូលនាងមច្ឆា ។ នៅពេលនោះ គឺនាងប្រាប់ថា កុំឈ្លោះគ្នាទៀតអី ហើយស្រាប់តែបុរសជាប្ដីនោះ បាននិយាយថា យកនាងទៅសម្លា.ប់ចោលហើយ ។ រហូតដល់វេលាសៀលថ្ងៃទី១០ ខែមីនា ក៏ទទួលដំណឹងថា ជនរងគ្រោះស្លា.ប់ ។
គួរបញ្ជាក់ថា នៅវេលាម៉ោង០៧និង៥នាទីព្រឹកថ្ងៃទី១០ ខែមីនា ឆ្នាំ២០២៥ ប្រជាពលរដ្ឋ ដែលធ្វើដំណើរហាត់ប្រាណនៅក្នុងភូមិ ក៏បានប្រទះឃើញស.ពស្ត្រីរងគ្រោះ ដេកស្លា.ប់នៅក្នុងដីឡូតិ៍ ទុកចោលមួយកន្លែង តាមផ្លូវឧកញ៉ាឌីប៊ូ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
បន្ទាប់ពីមានការភ្ញាក់ផ្អើល នគរបាលមូលដ្ឋានបានចុះទៅហ៊ុំព័ទ្ធ កន្លែងកើតហេតុ និងទាក់ទងទៅមន្ត្រីនគរបាលជំនាញ ដើម្បីចុះត្រួតពិនិត្យនៅកន្លែងកើតហេតុ មានរបងថ្មព័ទ្ធជុំវិញ ។
តាមការត្រួតពិនិត្យសាកស.ព នៅក្នុងហោប៉ៅសំពត់មានក្រវិលកំប៉ុងស្រាបៀរចំនួន៥, កូនសោរម៉ូតូ ១កូន សោរដែក២ លុយខ្មែរ ចំនួន៤៣,៥០០រៀល ។ សាកស.ពមានស្នាមជាំភ្នែក ទាំងសងខាង ស្នាមជាំនៅលើផ្ទៃមុខ ទាំងសខាង ។
តាមការត្រួតពិនិត្យសាកស.ព លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យ អមតុលាការរាជធានីភ្នំពេញ បានសន្និដ្ឋានថាថា នារីរងគ្រោះបានស្លា.ប់ដោយវាយក្បាល និងខ្ទប់ដង្ហើម ដែលជាករណីឃា.តកម្ម។ ហើយនៅវេលារសៀល ដឹងដំណឹងដល់ក្រុមគ្រួសារនិងមានការបំភ្លឺបែកធ្លាយ ឃា.តករ គឺជាអតីតប្ដីរបស់ជនរងគ្រោះ តែម្តង ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ