រាជធានីភ្នំពេញ ៖ ស្ត្រីវ័យចំណាស់ម្នាក់ដើរឆ្លងផ្លូវ ក្នុងគោលបំណងសុំវត្តលោកស្នាក់នៅ ស្រាប់តែត្រូវរ៉ឺម៉កម៉ូតូជិះលឿនជ្រុលទៅបុក បណ្តាលឲ្យរបួសបែកក្បាលហូរឈាមជោគជាំ នៅបង្កការភ្ញាក់ផ្អើលកាលពីវេលាម៉ោង៧យប់ថ្ងៃទី៥ ខែមិនា ឆ្នាំ២០២៥ ជិតច្រកចូលវត្តដំបូកខ្ពស់…
រាជធានីភ្នំពេញ ៖ ស្ត្រីវ័យចំណាស់ម្នាក់ដើរឆ្លងផ្លូវ ក្នុងគោលបំណងសុំវត្តលោកស្នាក់នៅ ស្រាប់តែត្រូវរ៉ឺម៉កម៉ូតូជិះលឿនជ្រុលទៅបុក បណ្តាលឲ្យរបួសបែកក្បាលហូរឈាមជោគជាំ នៅបង្កការភ្ញាក់ផ្អើលកាលពីវេលាម៉ោង៧យប់ថ្ងៃទី៥ ខែមិនា ឆ្នាំ២០២៥ ជិតច្រកចូលវត្តដំបូកខ្ពស់ ផ្លូវ៣៧១ សង្កាត់ចាក់អង្រែលើខណ្ឌមានជ័យ រាជធានីភ្នំពេញ ។
តាមប្រភពព័ត៌មានបានអោយដឹងថា មុនពេលកើតហេតុ ស្ត្រីវ័យជាង៦០ឆ្នាំ ដើរតាមបណ្ដោយផ្លូវ៣៧១ លុះមកដល់ចំនុចកើតហេតុ គាត់ក៍បានសួរនាំពលរដ្ឋម្តុំនោះ ដើម្បីរកវត្តសុំលោកស្នាក់នៅបណ្តោះអាសន្ន ។ ពេលនោះក៍មានប្រជាពលរដ្ឋប្រាប់ថា អោយទៅវត្តដំបូកខ្ពស់ ។ គាប់ជួនពេលនោះស្ត្រីរងគ្រោះ បានដើរឆ្លងកាត់ទទឹងផ្លូវពីត្បូងទៅជើង ដើម្បីចូលទៅច្រកវត្តដំបូកខ្ពស់ ខណៈឆ្លងបានបន្តិច ក៍ស្រាប់តែរ៉ឺម៉កម៉ូតូមួយគ្រឿងធ្វើដំណើរតាមបណ្ដោយផ្លូវ៣៧១ទិសដៅពីលិចទៅកើត ក្នុងល្បឿនលឿន ក៍ជ្រុលទៅបុកបណ្តាលឲ្យដួលបោកក្បាលហូរឈាមជោគជាំតែម្ដង ។ ដោយឡែកខាងរ៉ឺម៉កវិញពេលបង្កគ្រោះថ្នាក់ហើយបានបើកលឿនជិះរត់គេចបាត់ស្រមោលតែម្តង ។
ក្រោយកើតហេតុ ស្ត្រីខាងលើត្រូវបានសមត្ថកិច្ចហៅរថយន្តសាមុយ រហូតដល់រយៈពេល១ម៉ោងកន្លះ ទើបមានខាងរថយន្តបង្អែកដង្កោ បានមកដឹកយកទៅសង្គ្រោះនៅមន្ទីរពេទ្យ ៕
ចែករំលែកព័តមាននេះ