ខេត្តស្វាយរៀង ៖ នៅរសៀលថ្ងៃទី០៤ ខែមីនា ឆ្នាំ២០២៥ លោក ប៉េង ពោធិ៍សា អភិបាលខេត្តស្វាយរៀង បានដឹកនាំក្រុមការងារចុះពិនិត្យការលើកកម្ពស់គុណភាពផ្លូវខ្សែក្រវ៉ាត់ព្រំដែន…
ខេត្តស្វាយរៀង ៖ នៅរសៀលថ្ងៃទី០៤ ខែមីនា ឆ្នាំ២០២៥ លោក ប៉េង ពោធិ៍សា អភិបាលខេត្តស្វាយរៀង បានដឹកនាំក្រុមការងារចុះពិនិត្យការលើកកម្ពស់គុណភាពផ្លូវខ្សែក្រវ៉ាត់ព្រំដែន ពីផ្លូវក្រាលក្រួសក្រហម ទៅជាផ្លូវក្រាលបេតុង ប្រវែង ១១គីឡូម៉ែត្រ ទទឹង៦ម៉ែត្រនិងបំពាក់បង្គោលភ្លើងសូឡា ចាប់ពីបង្គោលព្រំដែន លេខ១៧១ នៃច្រកទ្វាព្រំដែនអន្តរជាតិបាវិត សង្កាត់បាវិត ដល់បង្គោលព្រំដែនលេខ១៧៥ ប៉ុស្ត៍ច្រកទ្វាតំបន់ព្រំដែនប្រាសាទ សង្កាត់ប្រាសាទក្រុងបាវិត ។
ចូលរួមក្នុងឱកាសនោះដែរ រួមមាន អភិបាលរងខេត្ត លោកស្នងការដ្ឋាននគរបាលខេត្ត លោកនាយកទីចាត់ការរដ្ឋបាលសាលាខេត្ត លោកនាយករងទីចាត់ការអន្តរវិស័យសាលាខេត្ត លោកប្រធានមន្ទីរពាក់ព័ន្ធ លោកអភិបាល អភិបាលរងក្រុងបាវិត លោកនាយកក្រុមហ៊ុនឯកជន ព្រមទាំងអាជ្ញាធរពាក់ព័ន្ធមួយចំនួនទៀត ។
មហាជនបានអបអរសាទរ ដែលអាជ្ញាធរខេត្តស្វាយរៀង សាងសង់ផ្លូវក្រវាត់ព្រំដែន ពីផ្លូវគ្រួសក្រហម ទៅជាផ្លូវបេតុង និងបំពាក់បង្គោលភ្លើងសូឡា បំភ្លឺផ្លូវ ងាយស្រួលក្នុងការធ្វើដំណើរ ជាពិសេសការងាយស្រួលដល់សមត្ថកិច្ចធ្វើដំណើរល្បាត តាមព្រំដែននៅពេលយប់ដើម្បីទប់ស្កាត់ និងបង្ក្រាបបទល្មើសឆ្លងដែននានា បានទាន់ពេលវេលា និងមានប្រសិទ្ធិភាព ៕
ចែករំលែកព័តមាននេះ