រាជធានីភ្នំពេញ ៖ សមត្ថកិច្ចនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ នារសៀលថ្ងៃទី៥ ខែមីនា ឆ្នាំ២០២៥ នេះ បានចាប់បញ្ជូនខ្លួនឈ្មួញរកស៊ីទិញ-លក់ដីធ្នីម្នាក់បញ្ជូនទៅសាលាដំបូងរាជធានីភ្នំពេញ ពាក់ពាក់ពីបទ.មិនបំពេញកាត ព្វកិច្ចចំពោះឧបករណ៍អាចជួញដូរបាន(ចេញមូលប្បទានប័ត្រគ្មានសាច់ប្រាក់)…
រាជធានីភ្នំពេញ ៖ សមត្ថកិច្ចនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ នារសៀលថ្ងៃទី៥ ខែមីនា ឆ្នាំ២០២៥ នេះ បានចាប់បញ្ជូនខ្លួនឈ្មួញរកស៊ីទិញ-លក់ដីធ្នីម្នាក់បញ្ជូនទៅសាលាដំបូងរាជធានីភ្នំពេញ ពាក់ពាក់ពីបទ.មិនបំពេញកាត ព្វកិច្ចចំពោះឧបករណ៍អាចជួញដូរបាន(ចេញមូលប្បទានប័ត្រគ្មានសាច់ប្រាក់) សែកស្អុយជាង៣លានដុល្លារអាមេរិក ។
ជនសង្ស័យមានឈ្មោះ ជុំ លីវណ្ណារិទ្ធិ ភេទប្រុស អាយុ៤៣ឆ្នាំ មុខរបរទិញលក់ដីធ្លី មានអាសយដ្ឋាននៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល ។ ការចាប់បញ្ជូនខ្លួនឈ្មួញរកស៊ីទិញលក់ដីធ្លីខាងលើនេះ ត្រូវបានសមត្ថកិច្ចបង្ហើបឲ្យដឹងថា ក្នុងអំឡុងឆ្នាំ២០២៤ ឈ្មោះ ជុំ លីវណ្ណារិទ្ធិ បានទទួលយកប្រាក់ពីឈ្មោះ ផាង វិសាល ចំនួន៦លាន៦សែនដុល្លារអាមេរិក ដើម្បីយកទៅរត់ការទិញដីមួយកន្លែងទំហំ៥៨០០០ម៉ែត្រការ៉េ ស្ថិតនៅផ្លូវហាណូយ ភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ (មិនបានសម្រេច) ។
ក្រោយមក ជនសង្ស័យឈ្មោះ ជុំ លីវណ្ណារិទ្ធិ បានឯកភាពប្រគល់ប្រាក់ថ្លៃទិញដីមួយចំនួនឲ្យទៅដើមបណ្តឹងវិញ នៅខ្វះ៣លាន៤សែនហាសិបម៉ឺនដុល្លារអាមេរិកទៀត ។ ខណៈពេលនោះជន សង្ស័យបានចេញមូលប្បទានប័ត្រចំនួន៣សន្លឹកស្មើទឹកប្រាក់ជាង៣លានដុល្លារអាមេរិឲ្យទៅដើមបណ្តឹងវិញ ។
លុះដល់ថ្ងៃកំណត់ ជនរងគ្រោះបានយកមូលប្បទានប័ត្រនោះទៅបើកប្រាក់ពីធនាគារ ស្រាប់តែខាងធនាគារបញ្ជាក់ថា មូលប្បទានប័ត្រទាំង៣សន្លឹកនោះគ្មានសាច់ប្រាក់ទេ ពោលគឺសែក
ស្អុយ ។
បន្ទាប់ពីដឹងថា សែក៣សន្លឹកនោះ ជាសែកស្អុយគ្មានសាច់ប្រាក់ ជនរងគ្រោះបានទាក់ទងទៅជនសង្ស័យ ដើម្បីជួបគ្នារកដំណោះស្រាយក្រៅប្រពន្ធតុលាការជាច្រើនលើក ផ្ទុយទៅវិញ ជនសង្ស័យបានគេចវេសពីបំណុល ថែមទាំងបិទការទំនាក់ទំនងគេចរហូត ។ ហេតុដូច្នោះ ទើបជនរងគ្រោះសម្រេចចិត្តប្តឹងសមត្តកិច្ច ឲ្យជួយចាត់ការតាមផ្លូវច្បាប់ ៕
ចែករំលែកព័តមាននេះ