ខេត្តស្វាយរៀង ៖ មានរឿងប្លែកៗ យុវជន២នាក់ដែលស្លៀកសំលៀកបំពាក់បិទមុខ (ស្លៀកពាក់ Power Rangers ប្រែកាយ) ជិះម៉ូតូបង្ហោះឌុបគ្នាតាមដងផ្លូវ ធ្វើឲ្យមានការភ្ញាក់ផ្អើលដល់មហាជន…
ខេត្តស្វាយរៀង ៖ មានរឿងប្លែកៗ យុវជន២នាក់ដែលស្លៀកសំលៀកបំពាក់បិទមុខ (ស្លៀកពាក់ Power Rangers ប្រែកាយ) ជិះម៉ូតូបង្ហោះឌុបគ្នាតាមដងផ្លូវ ធ្វើឲ្យមានការភ្ញាក់ផ្អើលដល់មហាជន ហើយនិយាយគ្នាថា យីអើ! សម័យនេះមានរឿងប្លែកៗស្លៀកសំលៀកបំពាក់តាមក្នុងរឿង (POWER RANGERS) ។
យុវជន២នាក់ ដែលបិទមុខស្លៀកពាក់ Power Rangers ជិះម៉ូតូស្លាកលេខភ្នំពេញ 1LA-0213 ឌុបគ្នាបង្ហោះកង់មុខ តាមដងផ្លូវសាធារណៈប្រែកាយមិនទាន់ ត្រូវបានសមត្ថកិច្ចប៉ុស្តិ៍រដ្ឋបាលឃុំពងទឹកនៃអធិការដ្ឋាននគរបាលស្រុករំដួល ធ្វើការស្រាវជ្រាវឃាត់ខ្លួនយកមកធ្វើកិច្ចសន្យាឣប់រំណែនាំ ។
ករណីនេះ កើតឡើងនៅវេលាម៉ោង៣និង១០នាទីរសៀល ថ្ងៃទី៤ មីនា ឆ្នាំ២០២៥ នៅស្រុករំដួល ។
បើតាមសមត្ថកិច្ច បានបង្ហើបឲ្យដឹងថា តាមការសារភាព គឺយុវជនទាំងពីនាក់នេះ គេចូលចិត្តមើល YOU Tube ក៏ចាប់ចិត្តស្រឡាញតួពាក់សំលៀកបំពាក់ power Rangers ប្រែកាយ ក៏បានទៅទិញសំលៀកបំពាក់ Power Rangers ប្រែកាយមកស្លៀកពាក់ជិះម៉ូតូបង្ហោះដើរលេងតែម្តង៕
ចែករំលែកព័តមាននេះ