រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានរម្លឹកពីភាពអត់ធ្មត់ រហូតដល់មានការវេចបាយយកទៅហូប ដើម្បីចរចាស្វែងរកសន្តិភាព ជូនជាតិមាតុភមិ…
រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានរម្លឹកពីភាពអត់ធ្មត់ រហូតដល់មានការវេចបាយយកទៅហូប ដើម្បីចរចាស្វែងរកសន្តិភាព ជូនជាតិមាតុភមិ ។
ការលើកឡើងរបស់អតីតនាយករដ្ឋមន្ត្រីកម្ពុជា ដែលកាន់អំណាចជាច្រើនឆ្នាំហើយ បានឆ្លងកាត់ក្នុងសម័យការដ៏ជូរចត់ ដើម្បីស្វែងរកសន្តិភាពជូនជាតិ តាមនយោបាយ ឈ្នះ-ឈ្នះ បន្ទាប់ពីមានការនិយាយតឹងសរសៃ.ក ររវាងប្រធានាធិបតី អុយក្រែន ជាមួយនឹងប្រធានាធិបតី អាមេរិក កាលពីពេលថ្មីៗនេះ ។
សម្ដេចតេជោ បានលើកឡើងនៅលើបណ្ដាញសង្គម អមជាមួយនឹងរូបថតមួយសន្លឹក ដែលកំពុងតែចរចានៅក្រៅប្រទេស កាលច្រើនឆ្នាំមកហើយ ដោយបានលើកឡើងនៅយប់ថ្ងៃទី៣ ខែមីនា ឆ្នាំ២០២៥ យ៉ាងដូច្នេះថា ៖ ដោយសារថ្មីៗនេះ មានជម្លោះពាក្យសំដីរវាប្រធានាធិបតីអាមេរិក និងប្រធាធិបតីអ៊ុយក្រែន ខ្ញុំជូនរូបថតពេលខ្ញុំចរចា ឆ្នាំ១៩៨៩ ដែលខ្ញុំហៅថា
វេចបាយស៊ី ដើម្បីចរចារកសន្តិភាព ។
សម្តេចតេជោ បានបន្តថា ៖ “ពេលនោះ ខ្ញុំទើបមានអាយុ៣៧ឆ្នាំ តែពូកែអត់ធ្មត់ ដើម្បីសេចក្តីសុខរបស់ជាតិ ។ (អត់ធ្មត់ អត់ធ្មត់ និងអត់ធ្មត់) នេះមេរៀនរបស់ខ្ញុំ” ៕
ចែករំលែកព័តមាននេះ