ខេត្តបាត់ដំបង៖ ខ្យល់កន្ត្រាក់ ដែលលាយឡំជាមួយនឹងភ្លៀង ផ្គររន្ទះ យ៉ាងខ្លាំងក្លាផង នារដូវប្រាំងហូតហែងនេះ បានវាយប្រហារទៅលើលំនៅឋានរបស់ប្រជាពលរដ្ឋ ធ្វើឲ្យខូចខាតចំនួន០៨ខ្នង និង ខូចខាតដំបូលសាលាឆាន់០១ខ្នង…
ខេត្តបាត់ដំបង៖ ខ្យល់កន្ត្រាក់ ដែលលាយឡំជាមួយនឹងភ្លៀង ផ្គររន្ទះ យ៉ាងខ្លាំងក្លាផង នារដូវប្រាំងហូតហែងនេះ បានវាយប្រហារទៅលើលំនៅឋានរបស់ប្រជាពលរដ្ឋ ធ្វើឲ្យខូចខាតចំនួន០៨ខ្នង និង ខូចខាតដំបូលសាលាឆាន់០១ខ្នង កាលពីល្ងាចថ្ងៃទី ០១ មិនា នៅចំណុចភូមិកណ្ដោល ឃុំសន្តិភាព ស្រុកសំពៅលូន តែពុំមានគ្រោះថ្នាក់មនុស្សទេ។
យោងតាមសេចក្ដីរាយការណ៏បានឲ្យដឹងថា ភ្លៀងធ្លាក់មួយមេ មានទាំងផ្គររន្ទះ តែមិនបង្គគ្រោះថ្នាក់ទេ។ ប៉ុន្តែខ្យល់កន្ត្រាក់បានកើតឡើងដំណាលគ្នានាពេលនោះ ដែលធ្វើឲ្យប៉ះពាល់លំនៅឋាន និង សាលាឆាន់ នៅក្នុង«វត្តសែនឧត្តមសាមគ្គី»។
សេចក្ដីរាយការណ៏ដដែលបានឲ្យដឹងទៀតថា លំនៅឋានរបស់អ្នកភូមិចំនួន០៨ខ្នងបានរងការខូចខាតដំបូង តែក្នុងនោះមាន០២ខ្នងខូចខាតទាំងស្រុង ខណៈសាលាឆាន់០១ខ្នង ក៏រងការខូចខាតដំបូលដែរ តែពុំមានគ្រោះថ្នាក់មនុស្សទេ។
ប្រភពពីមន្ត្រីមូលដ្ឋាន បាននិយាយថា ភ្លៀងហាក់ខ្លាំងក្លាដែរ មានផ្គរ មានរន្ទះ តែមិនបង្កគ្រោះថ្នាក់ ឬ បង្កខូចខាតអ្វីទេ។ ប៉ុន្តែស្របពេលនោះនោះ ស្រាប់តែមានខ្យល់កន្ត្រាក់បក់វាយប្រហារយ៉ាងកំរោល ទើបធ្វើឲ្យខូចខាតផ្ទះប្រជាពលរដ្ឋ។ នេះជាមហន្តរាយលើកដំបូង ដោយបាតុភូមិធម្មជាតិ ក្នុងរដូវប្រាំងនាដើមឆ្នាំ២០២៥នេះ៕
ចែករំលែកព័តមាននេះ