រាជធានីភ្នំពេញ ៖ រោងស្នាក់នៅរបស់ជនអនាថា ត្រូវបានអគ្គិភ័យឆាតឆេះយ៉ាងសន្ធោសន្ធៅ បណ្តាលឲ្យក្មេងប្រុសស្រីពីរនាក់បងប្អូន ត្រូវភ្លើងឆេះស្លា.ប់យ៉ាងអាណោចអាធ័ម ។ ហេតុការណ៍នេះបានកើតឡើងនៅវេលាម៉ោង ៤រសៀល ថ្ងៃទី២៨…
រាជធានីភ្នំពេញ ៖ រោងស្នាក់នៅរបស់ជនអនាថា ត្រូវបានអគ្គិភ័យឆាតឆេះយ៉ាងសន្ធោសន្ធៅ បណ្តាលឲ្យក្មេងប្រុសស្រីពីរនាក់បងប្អូន ត្រូវភ្លើងឆេះស្លា.ប់យ៉ាងអាណោចអាធ័ម ។
ហេតុការណ៍នេះបានកើតឡើងនៅវេលាម៉ោង ៤រសៀល ថ្ងៃទី២៨ ខែកុម្ភៈ ឆ្នាំ២០២៥ ស្ថិតនៅតាមបណ្តោយផ្លូវជាតិលេខ៥ ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។ រោងស្នាក់នៅខាងលើនេះ ត្រូវបានជនអនាថា ទៅធ្វើរោងរស់នៅក្រោមផ្ទះថ្ម ដែលគេទុកចោល ។
តាមព័ត៌មានឲ្យដឹងថា ក្មេងប្រុសម្នាក់ មានអាយុ ៥ខែ និងក្មេងស្រីម្នាក់ទៀត មានអាយុជាងមួយខួប ត្រូវឆេះស្លា.ប់នៅក្នុងភ្នក់ភ្លើង ។
ព័ត៌មានដដែល ឲ្យដឹងបន្តថា នៅមុនពេលកើតហេតុ ស្ត្រីជាម្ដាយ បានដាំបាយទុកចោល ហើយទៅដងទឹក ខណៈនោះ ស្រាប់តែផ្ទុះកំប៉ុងហ្គាសបណ្ដាឲ្យភ្លើងឆាប់ឆេះយ៉ាងសន្ធោសន្ធៅភ្លាមៗតែម្តង ជាហេតុធ្វើឲ្យក្មេងតូចប្រុសស្រីពីរនាក់ជាកូន ត្រូវស្លា.ប់នៅក្នុងនោះយ៉ាងអាណោចអាធម័ ។
នៅក្នុងហេតុការណ៍នោះ កម្លាំងសមត្ថកិច្ចការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានទៅអន្តរាគមន៍ ដោយប្រើប្រាស់រថយន្តពន្លត់អគ្គិភ័យអស់ចំនួន ៤គ្រឿង ក្នុងនោះរួមមាន ៖ រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន០៣គ្រឿង ប្រើប្រាស់ទឹកអស់០១ឡាន ស្មើរនឹង០៦ម៉ែត្រគូប, រថយន្តជំនួយមកពីសាលាខណ្ឌឬស្សីកែវ ចំនួន០១គ្រឿង ពុំបានប្រើប្រាស់ទឹក ។
តាមនគរបាល បានឲ្យដឹងទៀតថា ក្មេងប្រុសស្រីពីរនាក់ បានស្លា.ប់ និងសម្ភារមួយចំនួន បានរងការខូចខាត ។
តាមនគរបាលករិយាល័យបង្កាពន្លត់អគ្គិភ័យ និងសង្គ្រោះ បានបញ្ជាក់ពីមូលហេតុបង្កជាអគ្គិភ័យនេះ គឺបណ្ដាលមកពីផ្ទុះកំប៉ុងក្នុងចង្ក្រានហ្គាស ៕
ចែករំលែកព័តមាននេះ