ខេត្តឧត្តរមានជ័យ ៖ ប្រាសាទតាក្របីត្រូវបានភាគីខ្មែរ-ថៃឯកភាពគ្នាឈរជើងជាប្រចាំដាក់កម្លាំងការពារកម្ពុជា២នាក់ និងថៃ២នាក់ និងបានបើកចំហសម្រាប់ប្រជាពលរដ្ឋទៅលេងជាហូរហែ ។ ប្រាសាទតាក្របីស្ថិតក្នុងភូមិហនុមាន ឃុំគោកខ្ពស់ ស្រុកបន្ទាយអម្ពិល ខេត្តឧត្តរមានជ័យ…
ខេត្តឧត្តរមានជ័យ ៖ ប្រាសាទតាក្របីត្រូវបានភាគីខ្មែរ-ថៃឯកភាពគ្នាឈរជើងជាប្រចាំដាក់កម្លាំងការពារកម្ពុជា២នាក់ និងថៃ២នាក់ និងបានបើកចំហសម្រាប់ប្រជាពលរដ្ឋទៅលេងជាហូរហែ ។ ប្រាសាទតាក្របីស្ថិតក្នុងភូមិហនុមាន ឃុំគោកខ្ពស់ ស្រុកបន្ទាយអម្ពិល ខេត្តឧត្តរមានជ័យ ។
លោកវរសេនីយ៍ទោ ហ៊ាន សុខ មេបញ្ជាការយោធាវរសេនាតូចលេខ៤៤៤បានប្រាប់ថា នៅប្រាសាទតាក្របីនេះ ត្រូវបានកំណត់ដាក់កម្លាំងយោធាឈរជើងការពារ ខ្មែរ២នាក់ និងថៃ២នាក់ តែមិនប្រគល់អាវុធទេ ។
ដោយឡែក កម្លាំងកម្ពុជាដែលដាក់ការពារប្រាសាទតាក្របី ត្រូវបានផ្លាស់ប្តូគ្នារយៈពេល១២ម៉ោងម្តង ហើយទីបញ្ជាការជួរមុខនៅក្បែរផ្លូវឡើងទៅប្រាសាទតាក្របី ដើម្បីការពារជាប្រចាំ ។ លោកវរសេនីយ៍បានបញ្ជាក់ទៀតថា ថ្វីបើប្រាសាទនេះ ស្ថិតលើដងភ្នំដងរែក ឃើញមានបងប្អូនប្រជាពលរដ្ឋខ្មែរបានមកលេងជាហូរហែរាល់ថ្ងៃ ហើយបើនៅថ្ងៃបុណ្យទានមានការមកលេងច្រើន ក្នុង១ថ្ងៃមានពី១០០ទៅ២០០នាក់ ។
ក្រោយបានកសាងផ្លូវបេតុងរថយន្តឡើងចុះបានដោយងាយស្រួល រហូតដល់ទីបញ្ជាការជួរមុខ ជាប់ផ្លូវឡើងប្រាសាទមានជណ្តើរបេតុង និងភ្នាក់ងារដៃដែកកាន់ឡើងចុះដោយសុវត្ថិភាព ហើយមានកម្លាំងជួរមុខបានជួប និងការពារក្នុងការឡើងចុះផងដែរ ។
លោកវរសេនីយ៍ទោ ហ៊ាន សុខ បានកោតសរសើរចំពោះបងប្អូនប្រជាពលរដ្ឋ នៅពេលដែលមកលេងកម្សាន្តនៅប្រាសាទតាក្របី ភាគច្រើនមានទឹកចិត្តបានយកជាអំណោយមកជូនដល់កងកម្លាំងជួរមុខ និងជាការលើកទឹកចិត្តដល់កងកម្លាំង ដែលកំពុងឈរជើងការពារបូរណៈភាពទឹកដី និងការពារមរតកជាតិឱ្យបានគង់វង្ស និងយូរអង្វែង ៕
ចែករំលែកព័តមាននេះ