រាជធានីភ្នំពេញ ៖ បុរសម្នាក់បានជិះម៉ូតូគ្រឿងឌុបស្ត្រីម្នាក់ទៀតពីក្រោយ ហើយបានបត់ឆ្លងផ្លូវ ក៏ត្រូវរថយន្តទ្រុង ១គ្រឿង បើកបរបញ្ច្រាស់ទិសគ្នាក្នុងល្បឿនលឿន ទៅដល់បុកពេញទំហឹង និងអូសជាច្រើនម៉ែត្រ បណ្ដាលឲ្យរងរបួសធ្ងន់ទាំង២នាក់…
រាជធានីភ្នំពេញ ៖ បុរសម្នាក់បានជិះម៉ូតូគ្រឿងឌុបស្ត្រីម្នាក់ទៀតពីក្រោយ ហើយបានបត់ឆ្លងផ្លូវ ក៏ត្រូវរថយន្តទ្រុង ១គ្រឿង បើកបរបញ្ច្រាស់ទិសគ្នាក្នុងល្បឿនលឿន ទៅដល់បុកពេញទំហឹង និងអូសជាច្រើនម៉ែត្រ បណ្ដាលឲ្យរងរបួសធ្ងន់ទាំង២នាក់ និងត្រូវបានរថយន្តមន្ទីរពេទ្យបង្អែកខណ្ឌដង្កោ ដឹកយកទៅសង្គ្រោះបន្ទាន់ភ្លាមៗ ចំណែកម៉ូតូជាប់នៅខាងក្រោមរថយន្តតែម្ដង ។
ឧប្បត្តិហេតុនោះបានកើតឡើងកាលពីវេលាម៉ោ៥ល្ងាចថ្ងៃទី២៤ ខែកុម្ភៈ ឆ្នាំ២០២៥ នៅតាមផ្លូវ៥០ម៉ែត្រ ស្ថិតនៅក្នុងភូមិអន្លូងគង សង្កាត់ព្រៃស ខណ្ឌដង្កោ រាជធានីភ្នំពេញ ។
សាក្សីនៅកន្លែងកើតហេតុ បាននិយាយថា នៅវេលាម៉ោងខាងលើ គាត់បានឃើញបុរសម្នាក់ជិះម៉ូតូគ្រឿងម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខ កំពង់ធំ 1L-5136 ឌុបស្ត្រីម្នាក់ទៀតពីក្រោយ ធ្វើដំណើរតាមផ្លូវ ៥០ម៉ែត្រ ក្នុងទិសដីពីជើងទៅត្បូង។ លុះពេលទៅដល់ត្រង់ចំណុចកើតហេតុ បានបត់ឆ្លងផ្លូវ ស្រាប់តែមានរថយន្តទ្រុងដឹកទំនិញ ១គ្រឿង ម៉ាកហ៊ីយ៉ាន់ដាយ ពណ៍លឿង ពាក់ស្លាកលេខភ្នំពេញ 3C-1031 បើកក្នុងទិដៅពីត្បូងទៅជើង បញ្ច្រាសទិសគ្នា ទៅដល់បុកពេញទំហឹង និងអូសច្រើម៉ែត្រ បណ្តាលឲ្យអ្នកជិះម៉ូតូទាំង២នាក់ខាងលើ រងរបួសធ្ងន់ធ្ងរ ចំណែកម៉ូតូជាប់នៅក្រោមរថយន្ត ។
ក្រោយពេលកើតហេតុ រថយន្តមន្ទីរពេទ្យបង្អែកខណ្ឌដង្កោ ដឹកជនរងគ្រោះ២នាក់នោះ យកទៅសង្គ្រោះបន្ទាន់ ។ បន្ទាប់មកនគរបាលប៉ុស្តិ៍ព្រៃស បានសហការជាមួយនគរបាលចរាចរខណ្ឌដង្កោ បានចុះទៅធ្វើការវែងវាស់វែង និងនាំយករថយន្ត ព្រមទាំងម៉ូតូ ទៅរក្សាទុកនៅអធិការដ្ឋាននគរបាលខណ្ឌ រង់ចាំដោះស្រាយគ្នាពេលក្រោយ ៕
ចែករំលែកព័តមាននេះ