រាជធានីភ្នំពេញ ៖ នៅលើបណ្តាញសង្គមហ្វេសប៊ុក នាថ្ងៃទី២៣ ខែកុម្ភៈ ឆ្នាំ២០២៥ គេសង្កេតឃើញមានការបង្ហោះ និងចែកចាយតៗគ្នា នូវសេចក្តីជូនដំណឹងស្តីពីការដាក់ដេញថ្លៃវត្ថុតាង ដែលជាវត្ថុចាប់យកមានទោចក្រយានយន្ត(ម៉ូតូ)ចំនួន៤៥៤៤គ្រឿង…
រាជធានីភ្នំពេញ ៖ នៅលើបណ្តាញសង្គមហ្វេសប៊ុក នាថ្ងៃទី២៣ ខែកុម្ភៈ ឆ្នាំ២០២៥ គេសង្កេតឃើញមានការបង្ហោះ និងចែកចាយតៗគ្នា នូវសេចក្តីជូនដំណឹងស្តីពីការដាក់ដេញថ្លៃវត្ថុតាង ដែលជាវត្ថុចាប់យកមានទោចក្រយានយន្ត(ម៉ូតូ)ចំនួន៤៥៤៤គ្រឿង ។
សេចក្តីជូនដំណឹងរបស់គណៈកម្មការគ្រប់គ្រងនិងចាត់ចែងវត្ថុតាង នៃក្រសួងយុត្តិធម៌បានបញ្ជាក់ថា គណៈកម្មការគ្រប់គ្រងនិងចាត់ចែងវត្ថុតាង(គ.គ.ច.វ.) ដែលត្រូវបានបង្កើតឡើងស្របតាមប្រកាសលេខ១៩២ រូប.ប្រក.អទច ចុះថ្ងៃទី១ ខែមេសា ឆ្នាំ២០២៤ រវាងក្រសួងសេដ្ឋកិច្ចនិងហិរញ្ញវត្ថុ និងក្រសួងយុត្តិ
ធម៌ សូមជូនដំណឹងដល់សាធារណជនជ្រាបថា គ.គ.ច.វ នឹងធ្វើការដាក់ឲ្យដេញថ្លៃលក់ជាសាធារណៈ នូវវត្ថុតាង/វត្ថុចាប់យកជាសំណល់អេតចាយរួមមាន ទោចក្រយានយន្តសរុបចំនួន ៤ ៥៤៤គ្រឿង របស់សាលាដំបូងរាជធានីភ្នំពេញ និងសាលាដំបូងខេត្តព្រះសីហនុ ។
សេចក្ដីជូនដំណឹងបន្តទៀតថា រូបវ័ន្តបុគ្គល នីតិបុគ្គលទាំងអស់ អាចចូលរួមដេញថ្លៃបាន ដោយត្រូវបំពេញសំណុំបែបបទ និងលក្ខខណ្ឌ ដូចមានចែងក្នុងសៀវភៅបន្ទុកដេញថ្លៃ ។ ១-សាលាដំបូងរាជធានីភ្នំពេញ-ម៉ូតូចំនួន ៤ ០៧៦គ្រឿង-តម្លៃមូលដ្ឋាន ១២២ ២៨០ដុល្លារអាមេរិក-កាលបរិច្ឆេទលក់ និងទទួលពាក្យសុំ ថ្ងៃទី២១ ខែកុម្ភៈ ឆ្នាំ២០២៥។
-កាលបរិច្ឆេទឈប់ទទួលពាក្យសុំ ថ្ងៃទី២៨ ខែកុម្ភៈ ឆ្នាំ២០២៥ ម៉ោង១១ព្រឹក ។ ២-សាលាដំបូងព្រះសីហនុ
-ម៉ូតូចំនួន ៤៦៨គ្រឿង
-តម្លៃមូលដ្ឋាន ១៤ ០៤០ដុល្លារអាមេរិក
-កាលបរិច្ឆេទលក់ និងទទួលពាក្យសុំ ថ្ងៃទី២១ ខែកុម្ភៈ ឆ្នាំ២០២៥ ។
កាលបរិច្ឆេទឈប់ទទួលពាក្យសុំ ថ្ងៃទី២៨ ខែកុម្ភៈ ឆ្នាំ២០២៥ ម៉ោង១១ព្រឹក ។កន្លែងលក់ និងទទួលពាក្យស្នើសុំចូលរួមដេញថ្លៃ នៅអគ្គនាយកដ្ឋានកិច្ចការរដ្ឋបាលតុលាការ នៃក្រសួងយុត្តិធម៌ រៀងរាល់ថ្ងៃធ្វើការ ចាប់ពីម៉ោង៨ព្រឹកដល់ម៉ោង១២ថ្ងៃត្រង់ និងចាប់ពីម៉ោង២រសៀលដល់ម៉ោង៥ល្ងាច ។ បើតាមមន្ត្រីតុលាការបានបង្ហើបឲ្យដឹងថា សព្វថ្ងៃវត្ថុតាងចាប់យកពីជនសង្ស័យពាក់ព័ន្ធនឹងបទល្មើសផ្សេងៗដូចជា លួច ឆក់ ប្លន់ គ្រឿងញៀន ។ល។
វត្ថុតាងរបស់តុលាការ សាលាដំបូងរាជធានីភ្នំពេញទាំងអស់នោះ បានរក្សាទុកនៅឃ្លាំងចំនួន២កន្លែង គឺនៅអូដឹម ស្ថិតក្នុងខណ្ឌកំបូល និងនៅវាលស្បូវ ខណ្ឌច្បារអំពៅ ។ ឃ្លាំងទាំង២កន្លែងពោរពេញទៅដោយ រថយន្ត ម៉ូតូ កង់ រ៉ឺម៉ក កង់បី រាប់រយរាប់ពាន់គ្រឿង និងសម្ភារៈជាច្រើនទៀត ដែលត្រូវមន្ត្រីនគរបាលផ្លាស់ប្តូរវេនគ្នាយាមការពារជាប្រចាំ ។
មន្ត្រីតុលាការបានបង្ហើបទៀតថា ឃ្លាំងដាក់វត្ថុតាងទាំង២កន្លែងនេះ ពេញប្រៀបដាក់គរលើគ្នា និងស្ទើរតែរកដាក់រថយន្ត ម៉ូតូ ឬវត្ថុតាងផ្សេងៗទៀតលែងបានទៅហើយ ។ ដូច្នេះហើយបានគណៈកម្មការគ្រប់គ្រង និងចាត់ចែងវត្ថុតាង ក្រសួងយុត្តិធម៌ដាក់លក់ឡាយឡុង ម៉ូតូរាប់ពាន់គ្រឿងនោះ ដើម្បីឲ្យឃ្លាំងទាំង២កន្លែងអាចធូរស្រាលបន្តិច ៕
ចែករំលែកព័តមាននេះ