ADផ្ទាំងផ្សព្វផ្សាយពាណិជ្ជកម្ម

អាវុធហត្ថស្រុកអង្គស្នួល ឃាត់ខ្លួនជនសង្ស័យម្នាក់ ដកហូតគ្រឿងញៀ.ន១១កញ្ចប់តូច

18 ម៉ោង មុន

២៣ ខែ កុម្ភៈ ឆ្នាំ ២០២៥ ម៉ោង ១៩:៥៣

ខេត្តកណ្ដាល ៖ កម្លាំងកងរាជអាវុធហត្ថស្រុកអង្គស្នួល បានធ្វើការបង្ក្រាបករណីជួញដូរគ្រឿងញៀន ដោយឃាត់ខ្លួនជនសង្ស័យម្នាក់ ព្រមទាំងដកហូតបានគ្រឿងញៀនចំនួន១១កញ្ចប់តូច រួចបាននាំទៅកាន់មូលដ្ឋានកងរាជអាវុធហត្ថស្រុកអង្គស្នួល ដើម្បីសាកសួរនិងកសាងសំណុំរឿង ។ ការឃាត់ខ្លួននោះបានធ្វើឡើងកាលពីវេលាម៉ោង៥និង៣៥នាទីល្ងាចថ្ងៃទី២១…

ការឃាត់ខ្លួននោះបានធ្វើឡើងកាលពីវេលាម៉ោង៥និង៣៥នាទីល្ងាចថ្ងៃទី២១ ខែកុម្ភៈ ឆ្នាំ២០២៥ នៅតាមផ្លូវលំ ស្ថិតនៅក្នុងភូមិស្វាយជ្រុំ ឃុំបែកចាន ស្រុក អង្គស្នួល ខេត្តកណ្តាល ។

ជនសង្ស័យឈ្មោះ ស៊ឹង លី ភេទប្រុស អាយុ ៣១ ឆ្នាំ មានទីលំនៅបច្ចុប្បន្ន ភូមិអណ្តូង ឃុំបែកចាន ស្រុកអង្គស្នួល ខេត្តកណ្តាល មានសារធាតុញៀន នៅក្នុងខ្លួន ។ កងរាជអាវុធហត្ថដកហូតបានក្រាមសរថ្លាសង្ស័យសារធាតុញៀន ចំនួន១១កញ្ចប់ ហើយជនសង្ស័យរូបនេះបានវិវឌ្ឍន៍ខ្លួនពីអ្នកប្រើប្រាស់គ្រឿងញៀនរយៈពេល៥ឆ្នាំ មកជាអ្នកជួញដូរផងនិងប្រើប្រាស់ផងវិញ ។

សមត្ថកិច្ចបានប្រាប់ឲ្យដឹងថា នៅមុនពេលឈានដល់ការឃាត់ច្លួនជនសង្ស័យម្នាក់នោះ កម្លាំងកងរាជអាវុធហត្ថស្រុកអង្គស្នួល បានទទួព័ត៌មានពីប្រជាពលរដ្ឋ ថានៅចំណុចខាងលើមានការជួញដូរនិងប្រើប្រាស់គ្រឿងញៀន ភ្លាមៗនោះលោក វរសេនីយ៍ត្រី ស៊ូ វ៉ាន់ធឿន មេបញ្ជាការកងរាជអាវុធហត្ថស្រុក បានដឹកនាំកម្លាំងចុះទៅចំណុចខាងលើ ។ ខណៈពេលទៅដល់បានឃើញជនសង្ស័យកំពុងឈរលើផ្លូវលំ ហើយកម្លាំងក៏បានឃាត់ធ្វើការឆែកឆេរបានរកឃើញក្រាមសថ្លាសង្ស័យសារធាតុមានចំនួន១១កញ្ចប់នៅក្នុងកូនកាបូបខ្មៅដាក់ក្នុងហោប៉ៅខោផ្នែកខាងឆ្វេង រួចក៏បានធ្វើការដកហូត និងនាំទៅសាកសួរនៅមូលដ្ឋាន កងរាជអាវុធហត្ថស្រុកអង្គស្នួល ដើម្បីសួរនាំតែម្ដង ។

ប្រភពដដែលបានប្រាប់ទៀតថា ជនសង្ស័យឈ្មោះ ស៊ឹង លី បានឆ្លើយសារភាពប្រាប់កងរាជអាវុធហត្ថថាក្រាមសថ្លាសង្ស័យសារធាតុញៀនចំនួន១១កញ្ចប់ខាងលើនោះគឺជារបស់ខ្លួនពិតប្រាកដមែន ដែលបានទិញមកពីជនមិនស្គាល់អត្តសញ្ញាណនៅម្ដុំផ្សារជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ ខ្លួនបានទិញថ្នាំញៀនពីជនខាងលើបានចំនួន០៣លើករួចមកហើយ ដែលនៅក្នុង០១លើកតម្លៃ១០ម៉ឺនរៀល រួចយកមករំលែកលក់បន្តក្នុងមួយកញ្ចប់ថ្លៃ០២ម៉ឺនរៀលនិង លក់បានរយៈពេល២ខែមកហើយ មិនតែប៉ុណ្ណោះខ្លួនចេះប្រើប្រាស់គ្រឿងញៀនរយៈពេល៥ឆ្នាំមកហើយដែរ ៕