ខេត្តបន្ទាយមានជ័យ ៖ ជនជាតិចិនបើករថយន្តស៊េរីទំនើបដេញគ្នា ក៏ជ្រុលទៅបុករថយន្តកូរ៉េដែលមានដឹកម៉ាស៊ីនច្រូតស្រូវ បណ្តាលឱ្យខ្ទេចខ្ទីររថយន្តខាងមុខរបស់ភាគីជនជាតិចិន ហើយគាបជាប់មនុស្សរងរបួសធ្ងន់ម្នាក់ ដែលហេតុការណ៍រន្ធត់នេះ កើតឡើងកាលពីល្ងាចថ្ងៃទី១៩ ខែកុម្ភៈ ឆ្នាំ២០២៥…
ខេត្តបន្ទាយមានជ័យ ៖ ជនជាតិចិនបើករថយន្តស៊េរីទំនើបដេញគ្នា ក៏ជ្រុលទៅបុករថយន្តកូរ៉េដែលមានដឹកម៉ាស៊ីនច្រូតស្រូវ បណ្តាលឱ្យខ្ទេចខ្ទីររថយន្តខាងមុខរបស់ភាគីជនជាតិចិន ហើយគាបជាប់មនុស្សរងរបួសធ្ងន់ម្នាក់ ដែលហេតុការណ៍រន្ធត់នេះ កើតឡើងកាលពីល្ងាចថ្ងៃទី១៩ ខែកុម្ភៈ ឆ្នាំ២០២៥ ស្ថិតភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ។
មន្ត្រីនគរបាលចរាចរណ៍ក្រុងប៉ោយប៉ែតបានប្រាប់ថា នៅពេលគ្រោះថ្នាក់ចរាចរណ៍កើតឡើង មានរថយន្តស៊េរីទំនើប២គ្រឿង បានបើកប្រដេញគ្នាតាមបណ្តោយផ្លូវជាតិលេខ៥ ក្នុងទិសដៅពីលិចមកកើត (ពីក្រុងប៉ោយប៉ែតមកក្រុងសិរីសោភ័ណ) ហើយមានរថយន្តស៊េរីទំនើបម៉ាកឡិចស៊ីស ពាក់ផ្លាកលេខភ្នំពេញ2CC-9997 បានបុកពីក្រោយរថយន្តធុនធំដឹកម៉ាស៊ីនច្រូតដែលចតចិញ្ចើមផ្លូវមុខឃ្លាំងបណ្តាលឱ្យគាបជាប់ និងកាប៊ីនរបួសធ្ងន់កំពុងសង្គ្រោះ ។
មន្ត្រីនគរបាលចរាចរណ៍ផ្លូវគោកបានបញ្ជាក់ថា ក្រោយចុះពិនិត្យវាស់វែង ជនរងគ្រោះត្រូវបានគេជួយទាញចេញពីរថយន្តដោយឃើញរងរបួសជើងធ្ងន់ធ្ងរ រីឯរថយន្តខូចខាតខ្ទេចមួយកំណាត់មុខស្ទើងទាំងស្រុង ។
មន្ត្រីនគរបាលចរាចរណ៍បានបញ្ជាក់ទៀតថា ជនរងគ្រោះត្រូវបានទៅសង្គ្រោះនៅមន្ទីពេទ្យភ្លាមៗ ចំពោះ ដំណោះស្រាយយ៉ាងណានោះ នៅមិនទាន់ដឹងទេ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ