សម្តេចតេជោ ស្នើបញ្ចប់រឿងលោកបណ្ឌិត សុខ ទូច និងនគបាលចរាចរណ៍ តាមរបៀបឈ្នះឈ្នះ
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជន បានស្នើឲ្យអ្នកពាក់ព័ន្ធទាំងអស់ ត្រូវបញ្ចប់រឿងករណីលោកបណ្ឌិត សុខ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជន បានស្នើឲ្យអ្នកពាក់ព័ន្ធទាំងអស់ ត្រូវបញ្ចប់រឿងករណីលោកបណ្ឌិត សុខ ទូច ប្រធានរាជបណ្ឌិតសភាកម្ពុជា ជាមួយនគបាលចរាចរណ៍ តាមរបៀបឈ្នះ-ឈ្នះ និងសហការគ្នា ។
សម្តេចតេជោ បានសរសេលើបណ្តាញសង្គម នៅថ្ងៃទី១៩ ខែកុម្ភៈ ឆ្នាំ២០២៥ យ៉ាងដូច្នេះថា ៖ «ករណីបណ្ឌិត សុខ ទូច ជាមួយនគរបាលចរាចរណ៍ បានក្លាយជាអាជីវកម្ម ដោយមិនដឹងខ្លួន។ អ្នកមិនចូលចិត្តបណ្ឌិត សុខ ទូច បានថែមអំបិល ប្រហុក ដើម្បីទាញទម្លាក់បណ្ឌិត សុខ ទូច ។ ឯអ្នកមិនចូលចិត្តនគរបាលចរាចរណ៍ ក៏ប្រឹងថែមទឹកត្រី និងប៊ីចេង ដើម្បីវាយប្រហារនគរបាលចរាចរណ៍ ។
សម្តេចតេជោ បានដាក់សំណួរយ៉ាងដូច្នេះថា ៖ តើអ្នកណាជាអ្នកទទួលផលចំណេញលើហេតុការណ៍នេះ ? គ្មានអ្នកណាចំណេញនោះឡើយ តែផ្ទុយទៅវិញ គឺខាតទាំងអស់គ្នា ។
សម្តេចតេជោ បានគូសបញ្ជាក់ថា ៖ «ខ្ញុំសូមបងប្អូនជនរួមជាតិ ក៏ដូចជាអ្នកពាក់ពន្ធ័ សូមបញ្ចប់រឿងនេះ ត្រឹមនេះ តាមរបៀបឈ្នះ-ឈ្នះ និងសហការគ្នាបន្តការងាររៀងៗខ្លួន ។ សង្ឃឹមថា អ្នកថែមអំបិល ប្រហុក ទឹកត្រី ប៊ីចេង បញ្ឈប់ថែមសាំងចាក់លើភ្លើង រាប់ទាំងអ្នកផ្តល់សារមកខ្ញុំវាយប្រហារ
ម្ខាងៗ ។ បើលុបសារនោះចោល ខ្លួនឯង ជាការល្អ ព្រោះខ្ញុំ បានមើលរួចហើយ» ។
សូមជម្រាបថា ករណីលោកបណ្ឌិត សុខ ទូច ជាមួយនគបាលចរាចរណ៍ បានធ្វើឲ្យមានការចាប់អារម្មណ៍យ៉ាងខ្លាំង ពីអ្នកលេងបណ្តាញសង្គមហ្វេសប៊ុក ដោយភាគច្រើន បានទម្លាក់កំហុសលើនគបាលរាចរណ៍ បានធ្វើទង្វើមិនគម្បីចំពោះលោកបណ្ឌិត សុខ ទូច ដែលមានតួនាទីខ្ពស់ក្នុងជួររាជរដ្ឋាភិបាល។
លើសពីនេះ អ្នកខ្លះបានលើកឡើងថា នគបាលចរាចរណ៍ មិនគួរធ្វើបែបនោះទេ បើគាត់ខុសគួរធ្វើតាមច្បាប់ ប៉ុន្តែបើតាមសកម្មភាពវីដេអូ គាត់បានសហការជាមួយសមត្ថកិច្ច តែសមត្ថកិច្ចធ្វើទង្វើមិនគម្បីចំពោះគាត់ ដូចជារុញច្រានជាដើម ៕
ចែករំលែកព័តមាននេះ