រាជធានីភ្នំពេញ ៖ ថ្លែងផ្ញើទៅកាន់ក្រុមប្រឆាំងនៅក្រៅប្រទេស ក៏ដូចជាអ្នកនៅក្នុងប្រទេស ដែល ប្រកាសស្នេហាជាតិ រហូតសម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានគូសបញ្ជាក់ថា…
រាជធានីភ្នំពេញ ៖ ថ្លែងផ្ញើទៅកាន់ក្រុមប្រឆាំងនៅក្រៅប្រទេស ក៏ដូចជាអ្នកនៅក្នុងប្រទេស ដែល ប្រកាសស្នេហាជាតិ រហូតសម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានគូសបញ្ជាក់ថា គ្មានមុខអ្នកនយោបាយប្រឆាំងនៅក្រៅប្រទេសចេញមុខដោះស្រាយបញ្ហាព្រំដែននោះទេ គឺមានតែមុខត្រកូន«ហ៊ុន»ចេញមុខដោះស្រាយជានិច្ច ។
ថ្លែងក្នុងពិធីចែកសញ្ញាបត្រដល់និស្សិតសាកលវិទ្យាល័យអាស៊ីអឺរ៉ុប នាព្រឹកថ្ងៃទី១៩ ខែកុម្ភៈ ឆ្នាំ២០២៥នៅកោះពេជ្រ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានកោតសសើរសម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា គឺជាវីរៈបុរសការពារបូរណភាពទឹក និងព្រំដែនឲ្យស្ថិរភាពរហូតមកដល់បច្ចុប្បន្នដែលផ្ទុយស្រឡះពីក្រុមប្រឆាំងចាំតែស្រែកពីក្រៅប្រទេសថា ខ្លួនជាអ្នកស្នេហាជាតិការពារទឹកដី ។
ការមានប្រសាសន៍របស់សម្តេចបវរធិបតី ហ៊ុន ម៉ាណែត នេះ ដើម្បីឆ្លើយតបទៅមេបក្សប្រឆាំង និងគូកនរបស់របស់ពួកគេ ដែលកំពុងស្ថិតនៅក្រៅប្រទេសបាននិងកំពុងញុះញង់ឲ្យមានបាតុកម្មនៅតាមបណ្តាប្រទេសមួយចំនួនពីរករណីកោះគុត ដើម្បីទាមទារឲ្យរាជរដ្ឋាភិបាលប្តឹងទៅតុលាការអន្តរជាតិទីក្រុងឡាអេ ។
ជាមួយគ្នានេះដែរ បន្ទាប់ពីមានការបាតុកម្មហើយ ក៏មានការបំផុសបំផុសឲ្យមានចលនាបាតុកម្មនៅប្រទេសនានាផងដែរ ។ សម្រាប់ករណីព្រំដែនទឹក និងព្រំដែនគោកនេះ សម្តេចបវរធិបតីនាយករដ្ឋមន្ត្រីបានមានប្រសាសន៍ថា គឺមានត្រកូលហ៊ុនប៉ុណ្ណោះ ដែលបន្តពីសម្តេចតេជោ និងមកសម្តេចផ្ទាល់គឺបានខិតខំការពារទឹកដីមិនឲ្យបាត់មួយចម្អាមណាឡើយ ដូច្នេះ ក្រុមប្រឆាំងគួរផ្អាកសកម្មភាពញុះញង់នាំឲ្យ មានភ្លើងសង្គ្រាមនៅតាមព្រំដែនថៃទៀតទៅ ព្រោះគ្មានចំណេញអ្វីនោះទេ មានតែការខាតប្រយោជន៍។
ដោយសារតែបញ្ហានាំឲ្យញុះញង់យកបញ្ហានយោបាយមកឡូកឡំនេះហើយទើបសម្តេចបវរធិបតីបានរំលឹកកាលពីអំឡុងឆ្នាំ២០០៨ ដែលមានការផ្ទុះអាវុធនៅតាមព្រំដែនកម្ពុជា-ថៃ ។ ដូច្នេះ សូមផ្តាំអ្នកនយោបាយខ្មែរនិងថៃដែលតាំងខ្លួនជាអ្នកស្នេហាជាតិនិយមនោះ កុំយកនយោបាយមកលាយឡំនាំឲ្យផ្ទុះសង្គ្រាមម្តងទៀត ទុកឲ្យអ្នកជំនាញដោះស្រាយ តាមរយៈយុន្តការឯកសារភាពគ្នាផ្លូវការ ដែលមានគណៈកម្មាធិការជម្រុះព្រំដែនកម្ពុជា-ថៃ ។
សម្តេចធិបតីបានគូសបញ្ជាក់យ៉ាងច្បាស់ៗថា៖ «ហើយកុំធ្វើជាអ្នកស្នេហាជាតិ នាំទាហានឲ្យវាយគ្នាស្លាប់នាំឲ្យប្រទេសមើលមុខគ្នាមិនត្រង់មិនមែនស្នេហាជាតិទេ ។ ស្រឡាញ់ជាតិដូចគ្នា រដ្ឋាភិបាលមន្ត្រីរដ្ឋាភិបាលខ្ញុំ ឪពុកខ្ញុំ គ្រួសារខ្ញុំក៏ស្នេហាជាតិដូចគ្នាដែរ ហើយយើងក៏បានធ្វើច្រើនបម្រើជាតិនេះផងដែរ។ អ្នកដែលស្រែកស្នេហាជាតិពីក្រៅប្រទេស ដូចអតីតមេបក្សប្រឆាំងចឹងដែលកំពុងទាមទារប្តឹងអី ។ កាលមុនវាយឪ ឥឡូវវាយទាំងត្រកូលថា យើងធ្វើឲ្យបាត់នេះ បាត់នោះ ។
ខ្ញុំសូមរំលឹកបន្តិចថា តាំងពីឆ្នាំ២០០៨មក ពេលដែលមានសភាពការណ៍រឿងព្រំដែនមុខអស់លោកដែលថា ស្នេហាជាតិ មិនដែលមានមុខទេ ផ្ទុយទៅវិញឃើញតែមុខត្រកូលហ៊ុនហ្នឹងឯង ដែលដឹកនាំដើម្បីសម្របសម្រួល កាលនុះសម្តេចតេជោដើម្បីការពារទឹកដី»។
សម្តេចធិបតីនាយករដ្ឋមន្ត្រីថា ចាប់ពីឆ្នាំ២០០៨ដល់២០១១ដែលមានការប៉ះទង្គិចគ្នា នៅតំបន់ប្រាសាទព្រះវិហាមានតែក្រុមគ្រួសារហ៊ុននិងពលរដ្ឋបានចូលរួមយ៉ាងក្លាវក្លាក្នុងការការពារទឹក
ដី៕
ចែករំលែកព័តមាននេះ