ខេត្តបាត់ដំបង ៖ បុរសវ័យចំណាស់ម្នាក់ដែលកំពុងឈប់ចាក់សាំងម៉ូតូនៅលើចិញ្ចើមថ្នល់ ត្រូវបានរថយន្តដែលបើកលឿនដូចហោះបានរេចង្កូតទៅបុកពេញទំហឹង បណ្ដាលឲ្យស្លាប់នៅកន្លែងកើតហេតុ កាលពីវេលាម៉ោង៤និង៣០នាទីល្ងាចថ្ងៃទី១៨ កុម្ភៈ នៅលើផ្លូវជាតិលេខ៥ ត្រង់ចំណុចភូមិព្រៃចែក ឃុំកំពង់ព្រះ…
ខេត្តបាត់ដំបង ៖ បុរសវ័យចំណាស់ម្នាក់ដែលកំពុងឈប់ចាក់សាំងម៉ូតូនៅលើចិញ្ចើមថ្នល់ ត្រូវបានរថយន្តដែលបើកលឿនដូចហោះបានរេចង្កូតទៅបុកពេញទំហឹង បណ្ដាលឲ្យស្លាប់នៅកន្លែងកើតហេតុ កាលពីវេលាម៉ោង៤និង៣០នាទីល្ងាចថ្ងៃទី១៨ កុម្ភៈ នៅលើផ្លូវជាតិលេខ៥ ត្រង់ចំណុចភូមិព្រៃចែក ឃុំកំពង់ព្រះ ស្រុកសង្កែ ។
មន្ត្រីចរាចរណ៍បានឲ្យដឹងថា ជនរងគ្រោះឈ្មោះ ង៉ែត ផាន ភេទប្រុស អាយុ៦៨ឆ្នាំ នៅភូមិអណ្ដូងនាង ឃុំតាគ្រាម ស្រុកបាណន់ ។ គាត់ត្រូវរថយន្តបុកពេញទំហឹងពេលកំពុងឈប់ចាក់សាំងម៉ូតូក្បែរចិញ្ចើមផ្លូវ។ បើតាមសមត្ថកិច្ចបាននិយាយថា រថយន្តបង្កម៉ាកហាយឡិនឌ័រ ពាក់ស្លាកលេខភ្នំពេញ 2Q-8748 បើកបរដោយឈ្មោះ ចាន់ ស៊ីណា ភេទប្រុស អាយុ៣៦ឆ្នាំ រស់នៅភូមិព្រៃភ្នៀត ឃុំសំឡី ស្រុកកំពង់រោទ៏ ខេត្តស្វាយរៀង ។
សមត្ថកិច្ចនិយាយទៀតថា រថយន្តធ្វើដំណើរមកពីទិសខាងកើតឆ្ពោះទៅលិច ក្នុងល្បឿនលឿន
ហួសហេតុ ពេលទៅដល់ចំណុចកើតហេតុ មិនដឹងយ៉ាងម៉េចស្រាប់តែរេចង្កូតទៅបុកជនរងគ្រោះកំពុងឈរចាក់សាំងម៉ូតូពេញទំហឹងប៉ើងអូសទាំងម៉ូតូ ទាំងជនរងគ្រោះដែលស្លាប់ធ្លាក់ចូលក្នុងដីចម្ការអ្នកភូមិ ។
មន្ត្រីចរាចរណ៍បានបញ្ជាក់ថា ករណីគ្រោះថ្នាក់ចរចរណ៍នេះ បង្កឡើងដោយភាគីរថយន្តដែលបើកបរលឿនហួសហេតុ ហើយខ្វះការប្រុងប្រយ័ត្ន ទើបជ្រុលទៅបុកជនរងគ្រោះ ដែលកំពុងឈប់ចាក់សាំងម៉ូតូនៅចិញ្ចើមថ្នល់ ដែលមិនដឹងអ្វីសោះ ។
ទោះយ៉ាងណា មន្ត្រីចរចរណ៍បាននាំយកមធ្យោបាយភាគីទាំង០២ទៅរក្សាទុកហើយ ជាមួយនឹងម្ចាស់រថយន្ត ដើម្បីចាត់ការតាមនីតិវិធី ខណៈជនរងគ្រោះបានប្រគល់ឲ្យក្រុមគ្រួសារយកទៅធ្វើបុណ្យ ៕
ចែករំលែកព័តមាននេះ