ខាងក្រោមនេះ យើងខ្ញុំនឹងបង្ហាញអ្នកពីអាហារដែលមិនអាចពិសារជាមួយស្ពៃក្តោប។ តើមានអ្វីខ្លះទៅ?

នៅក្នុងត្រសក់ មានផ្ទុកសារធាតុម្យ៉ាងដែលបំបែកវីតាមីនសេ ហើយនៅក្នុងស្ពៃក្តោបគឺមានផ្ទុកវីតាមីនសេខ្ពស់។ ប្រសិនជាអ្នកពិសារ២មុខនេះជាមួយគ្នា រាងកាយនឹងខ្វះវីតាមីនសេខ្លាំង។ ជាហេតុដែលធ្វើឲ្យសុខភាពរបស់អ្នកអាចជួបនឹងបញ្ហាខ្ពស់បាន។

អ្នកក៏មិនអាចញ៉ាំស្ពៃក្តោបជាមួយនឹងថ្លើមសត្វដែរ ព្រោះសារធាតុដែលមានក្នុងថ្លើមសត្វពេលដែលជួបនឹងវីតាមីនសេដែលមានក្នុងស្ពៃក្តោបអាចបំផ្លាញសុខភាពមនុស្សបាន។ ជាហេតុដែលធ្វើឲ្យសារធាតុចិញ្ចឹមធ្លាក់ចុះ ថែមទាំងអាចធ្វើឲ្យថ្លើមរងសម្ពាធ ដោយអាចប៉ះពាល់ដល់ការបញ្ចេញជាតិពុលផងដែរ។

អ្នកក៏មិនអាចបរិភោគស្ពៃក្តោបជាមួយនឹងតៅហ៊ូដែរ ព្រោះវាអាចធ្វើឲ្យក្រពះពោះវៀនរបស់អ្នកអាចជួបនឹងបញ្ហាធំ។ ជាពិសេស វាក៏អាចធ្វើឲ្យបាត់បង់កាល់ស្យូមក្នុងរាងកាយផងដែរ។ ជាហេតុដែលធ្វើឲ្យអ្នកងាយរងនឹងជំងឺពុកឆ្អឹងខ្លាំងណាស់៕