ខេត្តសៀមរាប៖ បងប្អូនប្រជាជន រស់នៅក្នុងខេត្តសៀម រាប និង ភ្លៀវទេសចរណ៍បរទេស ដែលចូលមកទស្សនាកំសាន្តនៅតំបន់រមណីយដ្ឋានអង្គរ ក៏ដូចជា នៅតាមដងស្ទឹងសៀមរាប បានសួរគ្នាថា តើ អាជ្ញាធរខេត្ត មានចំណាត់ការ ថ្ងៃ ណា ខែ ណា ឆ្នាំ ណា ទើប សួន ដែល ដាំស្មៅនៅតាមដងស្ទឹង និងតាមផ្លូវ​ភ្លោះ មាន​សម្រស់ សោភ័ណ្ឌភាព​ឡើងវិញ ។

ក្នុងនោះដែរ អាជ្ញាធរខេត្តសៀមរាប បាន ឱ្យដឹងនៅរសៀលថ្ងៃទី១៤ខែកុម្ភៈឆ្នាំ ២០២៥នេះថា ករណីស្មៅងាប់ នៅតាម ទ្រូង​ផ្លូវនិងតាមសួនច្បារមួយចំនួនក្នុងក្រុងសៀមរាប ត្រូវបានក្រុមការងារជំនាញកំពុងរៀបចំតប្រព័ន្ធទឹកយកមកស្រោច ស្រពសួនច្បារនៅក្នុងក្រុងសៀមរាប ឱ្យមានភាពស្រស់បំព្រងឡើងវិញ ព្រោះរដូវប្រាំងស្មៅមួយចំនួនមិនអាចធន់នឹងកំដៅថ្ងៃបានទេ។

សូមជ្រាបផងដែរថា នៅព្រឹកថ្ងៃទី១៤ខែកុម្ភៈឆ្នាំ ២០២៥ ព្រះតេជ គុណ គូ សុភាព ព្រះអង្គ បានលើកឡើងតាមបណ្តាញសង្គមហ្វេសបុកថា «ថ្ងៃមុន អាត្មាទៅសៀមរាប ឃើញភ្ញៀវទេសចរ ជាច្រើន តែផ្កានិងស្មៅខ្លះក្នុងក្រុង ក្រៀមឬ ងាប់។ ស្នើញោមអាជ្ញាធរ និងញោមអ្នកខេត្តសៀមរាបជួយស្រោចស្មៅផង ដើម្បីសោភ័ណ្ឌភាព សមជាទីក្រុងទេសចរដ៏ពិសិដ្ឋរបស់កម្ពុជា»។

ក្រោយការបង្ហោះនេះ សាធារណជនដែលនិយមលេងបណ្តាញសង្គមហ្វេសប៊ុក បានដាក់បន្ទុក និងរិះគន់អាជ្ញាធរខេត្តសៀមរាប ថា.ខ្វះការយកចិត្តទុកដាក់ ទើបបណ្តាលឱ្យស្មៅ និងកូនឈើជាច្រើនងាប់ជាបន្តបន្ទាប់។

ពាក់ព័ន្ធនិងករណីនេះដែរ លោក ហាយ យង់ អភិបាលរងក្រុងសៀមរាប បានឱ្យដឹងតាមទូរស័ព្ទថា លោកបានឃើញការបង្ហោះហ្វេសបុករបស់ព្រះអង្គ គូ សុភាព ហើយ លោកថា អាជ្ញាធរសូមថ្លែងអំណរ គុណចំពោះការរិះគន់ដើម្បីស្ថាបនា។

លោកបន្ថែមថា ចំពោះរឿងស្មៅងាប់តាម ផ្លូវនេះមន្ត្រីជំនាញនៃខេត្តសៀមរាប បានធ្វើការងារនេះតាំងពីយូរមកម្លេះ ហើយបច្ចុប្បន្នក៏កំពុងរៀបចំតប្រព័ន្ធទឹក ដើម្បីយកមកស្រោចស្រពស្មៅ ក៏ដូចជាសួន ច្បារ នានាក្នុងក្រុងសៀមរាប ឱ្យមានសោភ័ណ្ឌភាពល្អ ឡើងវិញ ដើម្បីទាក់ ទាញភ្ញៀវទេសចរ ចូលមកក្នុងខេត្តសៀម រាប ឱ្យបានច្រើនកុះករ ផងដែរ។លោកបន្ថែមទៀតថា នៅតាមសួនច្បារខ្លះអ្នក ជំនាញកំពុងកាយយកស្មៅដែលងាប់នោះចេញ ដើម្បីដាក់ជីរួចដាំថ្មីឡើង វិញ។

ជុំវិញករណីនោះដែរ លោក លី វណ្ណៈ នាយករដ្ឋ បាលខេត្តសៀមរាប ក៏បានលើកឡើងថា ក្រុមការងារកំពុងរៀបចំបណ្តាញបាញ់ទឹកឡើងវិញសួនទ្រូងផ្លូវនៅតាមផ្លូវជាតិលេខ ៦ ស្ថិតក្នុងក្រុងសៀមរាបដោយសារបណ្តាញទឹកចាស់ខូច ក្រុមការងាររៀបចំឱ្យរួចរាល់មុន ថ្ងៃអង្គរសង្គ្រាន្ត ខាងមុខ។លោកបន្តថា មិន បានតាមការសារស្នើរបស់ភាគីខាងណានោះទេបង កិច្ចការងារយើងធ្វើរាល់ថ្ងៃ ដោយរដូវជារដូវប្រាំង ស្មៅមួយចំនួនមិនអាចធន់កំដៅខ្លាំងបាន។ ចំណែក លោក គី វីរិន្ទ ប្រធានមន្ទីរសាធារណការនិងដឹកជញ្ជូនខេត្តសៀមរាប ភ្នាក់ងារកោះ សន្តិភាព យើង មិនអាចសុំការពន្យល់បានទេនៅរសៀលថ្ងៃទី១៥ខែកុម្ភៈឆ្នាំ ២០២៥ ដោយទូរស័ព្ទខល ទៅ នៅក្រៅតំបន់សេវា៕