ខេត្តស្វាយរៀង ៖ ក្រុមក្មេងទំនើ.ងធ្វើសកម្មភាពដេញកា.ប់ប្រហារគ្នាបង្កភ័យខ្លាចនៅក្រុងបាវិតនោះ ត្រូវកម្លាំងនគបាលនៃស្នងការដ្ឋាននគរបាលខេត្តស្វាយរៀង ស្រាវជ្រាវ និងឃាត់ខ្លួនបានហើយចំនួន០៨នាក់ រួចបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ហើយលោកចៅក្រមបានចេញដីការឃុំខ្លួនបណ្តោះអាសន្ននៅពន្ធនាគាររួចហើយ នារសៀលថ្ងៃ១…
ខេត្តស្វាយរៀង ៖ ក្រុមក្មេងទំនើ.ងធ្វើសកម្មភាពដេញកា.ប់ប្រហារគ្នាបង្កភ័យខ្លាចនៅក្រុងបាវិតនោះ ត្រូវកម្លាំងនគបាលនៃស្នងការដ្ឋាននគរបាលខេត្តស្វាយរៀង ស្រាវជ្រាវ និងឃាត់ខ្លួនបានហើយចំនួន០៨នាក់ រួចបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ហើយលោកចៅក្រមបានចេញដីការឃុំខ្លួនបណ្តោះអាសន្ននៅពន្ធនាគាររួចហើយ នារសៀលថ្ងៃ១ កុម្ភៈ ២០២៥ ។
ទាក់ទិនករណីនេះដែរ សមត្ថកិច្ចបានឲ្យដឹងថា កាលពីថ្ងៃទី២៥ ខែមករា ឆ្នាំ២០២៥ កម្លាំងអធិការដ្ឋាននគរបាលក្រុងបាវិត ទទួលបាន ព័ត៌មានតាមរយៈគណនីហ្វេសបុកមួយដោយបានបង្ហោះវីដេអូ មានខ្លឹមសារថា «ក្រុងបាវិត វៃគ្នាសឹងរាល់ថ្ងៃអនាធិបតេយ្យនៅមុខប្រៃសណីយនៅម៉ោង៤និង០០នាទីព្រឹក ទៀបភ្លឺថ្ងៃទី២៥ ខែមករា ឆ្នាំ២០២៥» ។
ប្រភពបន្តថា ក្រោយពីបានទទួលបានព័ត៌មានរួចមក លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានចាត់តាំងអោយលោកវរសេនីយ៍ឯក គឹម ឡៃ ស្នងការរងទទួលផែនការងារព្រហ្មទណ្ឌ និងសហការជាមួយគ្នាចុះទៅដល់កន្លែងកើតហេតុធ្វើការស្រាវជ្រាវ និងកំណត់អត្តសញ្ញាណក្មេងទំនើ.ង ដែលបានបង្កហិ.ង្សាវាយទៅលើយុវជនផ្សេងទៀត ព្រមទាំងបានឃាត់ខ្លួនក្មេងទំនើ.ងចំនួន ០៨នាក់ ប្រុស និងដកហូតវត្ថុតាង ៖ ម៉ូតូ០៣គ្រឿង ដាវ០១ដើម កាំបិ.តផ្គាក់០១ដើម និងកាំបិត ស០១ដើម ។
នៅចំពោះមុខសមត្ថកិច្ច ក្មេងទំនើ.ងទាំង៨នាក់ បានឆ្លើយសារភាពថាបក្សពួកខ្លួនពិតជាបានបង្កហិ.ង្សា កាលពីថ្ងៃទី២៥ ខែមករា ឆ្នាំ២០២៥ នៅក្រុងបាវិត ពិតប្រាកដមែន ។
បច្ចុប្បន្ន ក្មេងទំនើ.ងទាំង០៨នាក់ រួមទាំងវត្ថុតាងបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមីតិវិធីច្បាប់ ហើយត្រូវបានលោកចៅក្រមសាលាដំបូងខេត្ត ចេញដីកាឃុំខ្លួនបណ្តោះអាសន្ននៅក្នុងពន្ធនាគារខេត្ត រួចហើយ ៕
ចែករំលែកព័តមាននេះ