ខេត្តកំពង់ស្ពឺ ៖ ដោយអនុវត្ដតាមបទបញ្ជាដ៏ខ្ពង់ខ្ពស់លោកឧត្ដមសេនីយ៍ ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងវិធានការបង្ការបង្ក្រាបក្រុមក្មេងទំនើ.ង នាវេលាយប់ម៉ោង២១និង៤០នាទី ថ្ងៃទី២៨…
ខេត្តកំពង់ស្ពឺ ៖ ដោយអនុវត្ដតាមបទបញ្ជាដ៏ខ្ពង់ខ្ពស់លោកឧត្ដមសេនីយ៍ ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងវិធានការបង្ការបង្ក្រាបក្រុមក្មេងទំនើ.ង នាវេលាយប់ម៉ោង២១និង៤០នាទី ថ្ងៃទី២៨ ខែមករា ឆ្នាំ២០២៥ កម្លាំងអធិការដ្ឋាននគរបាលស្រុកគងពិសី សហការគ្នាជាមួយកម្លាំងប្រជាការពារល្បាតនៅក្នុងភូមិសាស្ដ្រដល់ចំណុចផ្លូវបេតុងភូមិតារាជ្យ ឃុំមហាឫស្សី ស្រុកគងពិសី ខេត្តកំពង់ស្ពឺ បានជួបក្រុមក្មេងទំនើ.ង០១ក្រុម មានបក្ខពួក៣នាក់ ។ នេះបើយោងតាមស្នងការដ្ឋាននគរបាលខេត្តកំពង់ស្ពឺបានបង្ហោះ ។
ចំពោះជនត្រូវឃាត់ខ្លួនខាងលើនោះមានដូចជា ៖ ១-ឈ្មោះ កែម សីល (ងិល) ភេទប្រុស អាយុ១៦ឆ្នាំ នៅភូមិថ្មីឃុំព្រៃវិហារ ស្រុកគងពិសី ម្ចាស់កាំបិ.តបុ័ងតោ ២.ឈ្មោះ ផុន សំណាង (ហ៊ិង) ភេទប្រុស អាយុ១៦ឆ្នាំ នៅភូមិតារាជ្យ ឃុំមហាឫស្សី ស្រុកគងពិសី ៣.ឈ្មោះ ប៊ុន ជូមី ភេទប្រុស អាយុ១៦ឆ្នាំ នៅភូមិតារាជ្យ ឃុំមហារឫស្សី ស្រុកគងពិសី ម្ចាស់ម៉ូតូ C125cc ពណ៌ខ្មៅ ស្លាកលេខកំពង់ស្ពឺ 1G.0222 ឈប់នៅទីតាំងខាងលើ ។ ដោយមានការសង្ស័យក៏បានធ្វើការត្រួតពិនិត្យឃើញមានកាំបិ.តបុ័ងតោ នៅឈ្មោះ កែម សីល និងបានឆ្លើយសារភាពថា ខ្លួន និងបក្ខពួកត្រៀមចាំទៅកា.ប់គ្នានៅផ្លូវជាតិលេខ៣ ។
តាមការបញ្ជាក់ពីលោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានអោយដឹងថា បច្ចុប្បន្នដោយការយកចិត្ដទុកខ្ពស់ពីថ្នាក់ដឹកនាំ កងកម្លាំងនគរបាលបានសហការជាមួយកម្លាំងមូលដ្ឋានគ្រប់អង្គភាព ដើម្បីរក្សាការពារសន្ដិសុខ សុវត្ថិភាពជូនប្រជាពលរដ្ឋ មិនថាថៃ្ង-យប់ ប្ដេជ្ញាលុបបំបាត់ឱ្យបានរាល់បទល្មើសទាំងអស់ដែលកើតមានឡើងនៅក្នុងមូលដ្ឋាន ពិសេសក្រុមក្មេងទំនើ.ងដែលជាសត្រូវរបស់សង្គម ព្រោះថា ក្មេងជាទំពាំងស្នងឫស្សីសរសរទ្រូងនៃសង្គមជាតិ នាពេលអនាគត ។
ក្រោយកម្លាំងបានឃាត់ និងដកហូតវត្ថុតាងកាំបិ.តបុ័ងតោ សមត្ថកិច្ចបានបញ្ជូនជនសង្ស័យទៅអធិការដ្ឋាននគរបាលស្រុក ដើម្បីអនុវត្តនីតិវិធីបន្ដ ៕
ចែករំលែកព័តមាននេះ