បន្ទាយមានជ័យ ៖ ប្រជាពលរដ្ឋបានលួចសាងសង់ផ្ទះ និងខ្ទមពេលយប់លើដីកម្មសិទ្ធិរបស់អ្នកដទៃត្រូវបានអាជ្ញាធរក្រុងដឹកនាំសមត្ថកិច្ចឃាត់ខ្លួន៦នាក់នៅយប់ថ្ងៃទី២៥ ខែមករា ឆ្នាំ២០២៥ ស្ថិតភូមិចាន់គីរី សង្កាត់/ក្រុងប៉ោយប៉ែត ។ លោក…
បន្ទាយមានជ័យ ៖ ប្រជាពលរដ្ឋបានលួចសាងសង់ផ្ទះ និងខ្ទមពេលយប់លើដីកម្មសិទ្ធិរបស់អ្នកដទៃត្រូវបានអាជ្ញាធរក្រុងដឹកនាំសមត្ថកិច្ចឃាត់ខ្លួន៦នាក់នៅយប់ថ្ងៃទី២៥ ខែមករា ឆ្នាំ២០២៥ ស្ថិតភូមិចាន់គីរី សង្កាត់/ក្រុងប៉ោយប៉ែត ។
លោក ញឹម ផឿង អភិបាលរងក្រុងប៉ោយប៉ែតបានប្រាប់ថា ៖ ក្រោយទទួលព័ត៌មានដឹងមានប្រជាពលរដ្ឋបានលួចចូលសាងសង់ផ្ទះ ខ្ទម និងផ្ទះទាំងយប់ហើយជាការណែនាំពីលោក គាត ហ៊ុល អភិបាលក្រុងប៉ោយប៉ែត បានដឹកនាំកម្លាំងចម្រុះមាននគរបាល កងរាជអាវុធហត្ថ និងមន្ត្រីស្ថាប័នពាក់ព័ន្ធបានចុះបង្ក្រាប និងឃាត់ខ្លួនចំនួន៦នាក់ និងម៉ូតូចំនួន៦គ្រឿង ដែលលួចធ្វើសកម្មភាពសាងសង់ផ្ទះ និងខ្ទមលើដីកម្មសិទ្ធិរបស់អ្នកដទៃ ។
លោកបានបញ្ជាក់ថា ៖ នៅពេលកម្លាំងចុះទៅហាមឃាត់មិនអោយធ្វើសកម្មភាពលួចសាងសង់ផ្ទះលើដីកម្មសិទ្ធិរបស់អ្នកដទៃតែប្រជាពលរដ្ឋប្រជាពលរដ្ឋទាំង៦នាក់ បានបន្តលួចធ្វើសកម្មភាពទាំងយប់ដែលសាងសង់ផ្ទះ និងខ្ទមបានចំនួន៧ខ្នង និងគ្រោងជាងផ្ទះចំនួន៤ខ្នងទៀត ដែលមិនស្តាប់អាជ្ញាធរមានសមត្ថកិច្ចត្រូវបានឃាត់ខ្លួនចំនួន៦នាក់ និងម៉ូតូចំនួន៦គ្រឿង ដើម្បីយកទៅសាកសួរ ។
លោក ញឹម ផឿង បានបញ្ជាក់ថា ៖ ដីដែលប្រជាពលរដ្ឋលួចធ្វើសកម្មភាពសាងសង់ផ្ទះជាដីមានកម្មសិទ្ធស្របច្បាប់របស់អ្នកដទៃដែលនៅចំណុចភូមិដើមចាន់គីរី សង្កាត់/ក្រុងប៉ោយប៉ែត ហើយមកអាជ្ញាធរដឹកនាំសមត្ថកិច្ចចុះហាមឃាត់ និងរុះរើផ្ទះ និងខ្ទមជាច្រើនខ្នង ១ដងជា២ដងរួចមកហើយ និងបានហាមឃាត់តែប្រជាពលរដ្ឋនៅតែបន្តលួចធ្វើសកម្មភាពសាងសង់ផ្ទះលើដីកម្មសិទ្ធរបស់គេ ហើយអាជ្ញាធរមានសមត្ថកិច្ចត្រូវមានចំណាត់ការដោយមកអោយមានផ្ទះហោះផ្ទះហើរបែបអាណាធិបតេយ្យទៀតឡើយ ៕
ចែករំលែកព័តមាននេះ