ខេត្តកំពង់ស្ពឺ ៖ កម្លាំងនគរបាលផ្នែកជំនាញព្រហ្មទណ្ឌស្រុកសំរោងទងសហការជាមួយកម្លាំងនគរបាលស្រុកអង្គស្នួលធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យចំនួន០៣នាក់ដែលបានធ្វើសកម្មភាពកា.ប់ម៉ូតូជនរងគ្រោះ បណ្តាលឱ្យរងការខូចខាតកាលពីពេលកន្លងទៅ ។ នេះបើយោងតាមប្រភពពីសមត្ថកិច្ចស្រុកសំរោងទង ដែលបានឱ្យដឹងនៅថ្ងៃទី២៦ ខែមករា ឆ្នាំ២០២៥នេះ ។…
ខេត្តកំពង់ស្ពឺ ៖ កម្លាំងនគរបាលផ្នែកជំនាញព្រហ្មទណ្ឌស្រុកសំរោងទងសហការជាមួយកម្លាំងនគរបាលស្រុកអង្គស្នួលធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យចំនួន០៣នាក់ដែលបានធ្វើសកម្មភាពកា.ប់ម៉ូតូជនរងគ្រោះ បណ្តាលឱ្យរងការខូចខាតកាលពីពេលកន្លងទៅ ។ នេះបើយោងតាមប្រភពពីសមត្ថកិច្ចស្រុកសំរោងទង ដែលបានឱ្យដឹងនៅថ្ងៃទី២៦ ខែមករា ឆ្នាំ២០២៥នេះ ។
នគរបាលស្រុកសំរោងទង បាននិយាយឱ្យដឹងថា កម្លាំងមន្ត្រីនគរបាលស្រុក បានឃាត់ខ្លួនជនសង្ស័យឈ្មោះ សុខ ធី ភេទប្រុស អាយុ១៦ឆ្នាំ រស់នៅភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល ពាក់ព័ន្ធករណីធ្វើឱ្យខូចខាតដោយចេតនា (កា.ប់ម៉ូតូ) ដោយបានធ្វើសកម្មភាពយកកាំបិ.តផ្គា.ក់កា.ប់បំផ្លិចបំផ្លាញម៉ូតូ នៅចំណុចផ្លូវបេតុង ខ្លោងទ្វារវត្តក្ដីល្វា ស្ថិតនៅភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ បណ្តាលឱ្យខូចខាតចំនួន០២គ្រឿង ១គ្រឿងម៉ាកហុងដាសេ១២៥ ស៊េរីឆ្នាំ២០២៤ ពណ៌ខ្មៅ ពាក់ផ្លាកលេខ កំពង់ស្ពឺ 1Y.1335 បែកក្បាំង កុងទ័រ និងដាច់ផ្លាកលេខ ជារបស់ជនរងគ្រោះឈ្មោះ លៀង ភារម្យ ភេទប្រុស អាយុ១៦ឆ្នាំ ស្នាក់នៅបន្ទប់ជួលក្នុងភូមិត្រពាំងឈើនាង ឃុំពើក ស្រុកអង្គស្នួល ខេត្តកណ្ដាល ។
២-ម៉ាកហុងដា សេ១២៥ ស៊េរីឆ្នាំ២០១៩ ពណ៌ខ្មៅ ពាក់ផ្លាកលេខ កំពង់ស្ពឺ 1M.5835 បែកក្បាំង កុងទ័រចង្កៀងមុខ និងដាច់ផ្លាកលេខ ជារបស់ឈ្មោះ នី ចាន់នួន ភេទប្រុស អាយុ២៣ឆ្នាំ ស្នាក់នៅបន្ទប់ជួលក្នុងភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ ។
មន្ត្រីនគរបាលបានឱ្យដឹងទៀតថា ករណីបង្ក្រាបក្រុមជនសង្ស័យខាងលើ គឺធ្វើឡើងនៅថ្ងៃទី២៥ ខែមករា ឆ្នាំ២០២៥ វេលាម៉ោង២១និង០០នាទី ដោយកម្លាំងជំនាញព្រហ្មទណ្ឌស្រុកសហការជាមួយកម្លាំងប៉ុស្តិ៍នគរបាលរដ្ឋបាលត្រពាំងគង និងកម្លាំងនគរបាលស្រុកអង្គស្នួល ខេត្តកណ្តាល ទើបស្រាវជ្រាវឈានដល់ការឃាត់ខ្លួនពួកគេបាន ។
មន្ត្រីនគរបាលស្រុក បានបន្តឱ្យដឹងទៀតថា ក្រោយពីមន្ត្រីជំនាញធ្វើការសាកសួរជនសង្ស័យខាងលើបានឆ្លើយសារភាពថា ខ្លួនពិតជាបានកា.ប់ម៉ូតូខាងលើ រួមជាមួយបក្សពួកចំនួន៤នាក់ទៀត ។ លុះមកដល់ថ្ងៃទី២៦ ខែមករា ឆ្នាំ២០២៥ វេលាម៉ោង ៩ និង៣០នាទី កម្លាំងជំនាញព្រហ្មទណ្ឌស្រុកសំរោងទង សហការជាមួយកម្លាំងនគរបាលស្រុកអង្គស្នួល បានបន្តឃាត់ខ្លួនជនសង្ស័យបានចំនួន២នាក់បន្តទៀត ដែលមាន ៖
១- ឈ្មោះ វ៉ាត់ ពិសិដ្ឋ ហៅប្រោក ភេទប្រុស អាយុ១៦ឆ្នាំ នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្ដាល ។
២- ឈ្មោះ សុខ ភក្ដី (ហៅក្ដី) ភេទប្រុស អាយុ១៩ឆ្នាំ នៅភូមិសេកពង ឃុំលំហាច ស្រុកអង្គស្នួល ខេត្តកណ្ដាល ។ ឃាត់ខ្លួនមនុស្សសរុបចំនួន ៣នាក់ និងដកហូតវត្ថុតាងរួមមាន ៖ ម៉ូតូ២គ្រឿង(ជិះធ្វើសកម្មភាព) និងកាំបិតផ្គាក់ចំនួន ១ ។
បច្ចុប្បន្នក្រុមជនសង្ស័យត្រូវបាន កម្លាំងជំនាញបានធ្វើការសាកសួរ និងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់ការតាមបន្ដតាមផ្លូវច្បាប់ ៕
ចែករំលែកព័តមាននេះ