រាជធានីភ្នំពេញ ៖ កម្លាំងជំនាញបានឃាត់ខ្លួនក្មេងទំនើ.ង២ក្រុមពាក់ព័ន្ធករណីហិ.ង្សានៅចំណុចមុខស្ថានីយចាក់ប្រេងសាំងPTT ផ្លូវលេខ៥៩២ សង្កាត់បឹងកក់ទី២ ខណ្ឌទួលគោក ។ នេះបើយោងតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានបង្ហោះ…
រាជធានីភ្នំពេញ ៖ កម្លាំងជំនាញបានឃាត់ខ្លួនក្មេងទំនើ.ង២ក្រុមពាក់ព័ន្ធករណីហិ.ង្សានៅចំណុចមុខស្ថានីយចាក់ប្រេងសាំងPTT ផ្លូវលេខ៥៩២ សង្កាត់បឹងកក់ទី២ ខណ្ឌទួលគោក ។ នេះបើយោងតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានបង្ហោះ នាថ្ងៃទី២៤ ខែមករានេះ ។
ករណីឃាត់ខ្លួននេះនៅវេលាម៉ោងប្រហែល២០និង៥០នាទី ថ្ងៃទី២៣ ខែមករា ឆ្នាំ២០២៥ កម្លាំងផ្នែកជំនាញនៃអធិការដ្ឋាននគរបាលខណ្ឌទួលគោក សហការជាមួយកម្លាំងការិយាល័យនគរបាលព្រហ្មទណ្ឌសម្រិតស្រាលនៃស្នងការដ្ឋាននគរបាលរាជធានីភ្នំពេញ បានធ្វើការឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីហិ.ង្សាដោយចេតនា នៅចំណុចលើផ្លូវម៉ុងឬទ្ធី សង្កាត់ភ្នំពេញថ្មី ខណ្ឌសែនសុខ ប្រព្រឹត្តបទល្មើសនៅចំណុចមុខស្ថានីយចាក់ប្រេងសាំង PTT ផ្លូវលេខ៥៩២ សង្កាត់បឹងកក់ទី២ ខណ្ឌទួលគោក ។
ចំពោះការឃាត់ខ្លួនជនសង្ស័យចំនួន០៤នាក់ ខាងលើនេះមាន ៖
១-ឈ្មោះ យឹម បញ្ញារាជសីហ៍ ភេទប្រុស ជនជាតិខ្មែរ មុខរបរអ្នកដឹកជញ្ជូនក្រុមហ៊ុនមួយ ស្នាក់នៅផ្ទះពុំចាំលេខ សង្កាត់បឹងកក់ទី២ ខណ្ឌទួលគោក ។
២-ឈ្មោះ រ៉ូន រ៉ូណាន់ ភេទប្រុស ជនជាតិខ្មែរ មុខរបរ ចុងភៅ ស្នាក់នៅផ្ទះពុំចាំលេខ សង្កាត់ស្នោរ ខណ្ឌកំបូល ។
៣-ឈ្មោះ សៀងហយ សុភត្រា ភេទប្រុស ជនជាតិខ្មែរ មុខរបរ សិស្សថ្នាក់ទី៩ វិទ្យាល័យឥន្ទ្រទេវី ស្នាក់នៅផ្ទះជួលមិនចាំលេខ ផ្លូវឧកញ៉ាម៉ុងរិទ្ធី សង្កាត់ភ្នំពេញថ្មី ខណ្ឌសែនសុខ ។
៤-ឈ្មោះ សែន សុខសាន្ត ភេទប្រុស ជនជាតិខ្មែរ មុខរបរជាងឡនំបុ័ង ស្នាក់នៅផ្ទះជួល ផ្លូវបេតុង សង្កាត់ទឹកថ្លា ខណ្ឌសែនសុខ ។
ហើយវត្ថុតាងចាប់យកមាន ៖ មួកការពារសុវត្ថិភាពចំនួន០៣, ម៉ូតូម៉ាកហុងដា សេ១២៥ ស៊េរី២០២៤ ពណ៌ខ្មៅ ពាក់ផ្លាកលេខ ភ្នំពេញ 1JV-4160 ។
បច្ចុប្បន្នជនសង្ស័យ និងវត្ថុតាងខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី ៕
ចែករំលែកព័តមាននេះ