អត្ថប្រយោជន៍ទាំង ៩យ៉ាងពីស្អំ នោះបើលោកអ្នកទទួលទានវាញឹកញាប់នឹងទទួលបានអត្ថប្រយោជន៍ចំពោះសុខភាពសម្បូរបែប ពោលរុក្ខជាតិស្អំ គេអាចយកទៅធ្វើម្ហូបបានច្រើនមុខ មិនអាចស្ងោរ ឬចៀន ក្នុងនោះវាក៏ជារុក្ខជួយដល់សុខភាពរាងកាយ និងសក់ផងដែរ ។…
អត្ថប្រយោជន៍ទាំង ៩យ៉ាងពីស្អំ នោះបើលោកអ្នកទទួលទានវាញឹកញាប់នឹងទទួលបានអត្ថប្រយោជន៍ចំពោះសុខភាពសម្បូរបែប ពោលរុក្ខជាតិស្អំ គេអាចយកទៅធ្វើម្ហូបបានច្រើនមុខ មិនអាចស្ងោរ ឬចៀន ក្នុងនោះវាក៏ជារុក្ខជួយដល់សុខភាពរាងកាយ និងសក់ផងដែរ ។ នេះបើយោងតាមមន្ទីរទេសចរណ៍ខេត្តបាត់ដំបង ។
ជាការពិត ស្អំដែលគេអោយឈ្មោះជាភាសាអង់គ្លេសថា (Climbing Wattle) មានអត្ថប្រយោជន៍ច្រើនចំពោះសុខភាព និងសម្បូរដាំច្រើននៅស្រុកបាណន់ ខេត្តបាត់ដំបង ។ ស្អំជាប្រភេទរុក្ខជាតិម្យ៉ាងដែលមានដើមកំណើតនៅតំបន់អាស៊ីអាគ្នេយ៍យើង និងនៅអាស៊ីភាគខាងត្បូង ។
ដើម និងមែករបស់វា មានបន្លាច្រើន ឯស្លឹកបៃតងតូចៗក៏មានក្លិនខុសប្លែកពីគេផងដែរ ។ ស្អំអាចដុះលូតលាស់បាន ដោយសារការបណ្តុះ គ្រាប់ពូជ ឬការផ្សាំមែកដាំនៅលើដីក៏បាន ។ វាត្រូវបានប្រជាជនយើងទទួលស្គាល់ថា មានរសជាតិឆ្ងាញ់ពិសា ពិសេសការចៀនវាលាយជាមួយស៊ុត ឬស្លសម្លផ្សេងៗជាដើម ។
ជាមួយគ្នានេះដែរ ស្អំក៏មានផ្ទុកនូវគុណសម្បត្តិផ្នែកសុខភាពជាច្រើនមុខ ។ ១. ប្រឆាំងអុកស៊ីតកម្ម ដោយសារតែវាមានផ្ទុកនូវវីតាមីនA ខ្ពស់ ។ ២. ស្អំអាចកាត់បន្ថយបរិមាណកំដៅនៅក្នុងរាងកាយធ្វើឱ្យរាងកាយយើងមានភាពត្រជាក់ ។ ៣. ជួយឱ្យមានអាយុវែង កាត់បន្ថយស្នាមជាំធ្វើឱ្យក្មេងជាងវ័យបើទទួលទានវាជាប្រចាំ ។ ៤. ជួយសម្រួលពោះវៀនតូចធំ នៅក្នុងការបញ្ចេញចោល ការពារទប់ស្កាត់ អាការៈទល់លាមក ។ ៥. ឫសរបស់ស្អំអាចយកមកដាំទឹកផឹក ដើម្បីជួយសម្រួលការរំលាយអាហារ បំបាត់អាការៈឈឺពោះ និងជួយបណ្តេញជាតិពុលពីក្នុងពោះវៀន ។ ៦.មានលក្ខណៈសម្បត្តិដែលមានប្រយោជន៍ ចំពោះការការពារក្រពះឱ្យមានសុខភាពល្អ ។ ៧. អាចជួយបំបាត់អាការៈអណ្តាតរលាកក្រហម ។ ៨. ជួយស្តារការខូចខាត និងព្យាបាលបញ្ហាសក់ខូច គ្រាន់តែយកស្លឹកស្អំមួយក្តាប់តូចទៅស្ងោរជាមួយទឹកធម្មតា រួចចាក់ត្រងយកទឹកមកកក់នៅលើសក់ ហើយរុំកន្សែងទុកចោលរយៈពេលប្រហែលជា១០នាទី បន្ទាប់មកលាងជម្រះចេញជាការស្រេចនោះវានឹងអាចជួយការពារសក់បំបាត់បញ្ហាសក់ស្ងួតធ្វើឱ្យសក់ត្រឡប់មករក ការមានជីវិតជាថ្មីម្តងទៀត ។ ៩. ស្អំអាចយកទៅធ្វើម្ហូបបានជាច្រើនមុខដូចជា ចៀនជាមួយពងទា ឆា ស្ងោរ ចំហុយ ស្ល ឬនាំយកវាទៅចម្អិនជាមួយនឹងសាច់មាន់ ត្រីឬកង្កែបក៏មានរសជាតិឆ្ងាញ់ពិសាណាស់ដែរ ។
គួរបញ្ជាក់ដែរថា ស្អំជាប្រភេទរុក្ខជាតិងាយស្រួយដាំដុះ មានតម្លៃធូរថ្លៃ ងាយស្រួយទិញ ខណៈរុក្ខជាតិមួយនេះប្រជាពលរដ្ឋខ្មែរនិយមក្នុងការចៀន និងយកស្លជាដើមនោះ ៕ ដោយ៖លីហួ គីមឆាយ
ចែករំលែកព័តមាននេះ