រាជធានីភ្នំពេញ ៖ យោងតាមរបាយការណ៏របស់រដ្ឋបាលរាជធានីភ្នំពេញ បានឱ្យដឹងថា មន្ទីរសង្គមកិច្ចរាជធានីភ្នំពេញ បានសហការ និងទទួលនារីរងគ្រោះ ដោយអំពើជួញដូរផ្លូវភេ.ទ និងជួញដូរមនុស្ស ចំនួន៣៦នាក់…
រាជធានីភ្នំពេញ ៖ យោងតាមរបាយការណ៏របស់រដ្ឋបាលរាជធានីភ្នំពេញ បានឱ្យដឹងថា មន្ទីរសង្គមកិច្ចរាជធានីភ្នំពេញ បានសហការ និងទទួលនារីរងគ្រោះ ដោយអំពើជួញដូរផ្លូវភេ.ទ និងជួញដូរមនុស្ស ចំនួន៣៦នាក់ ជាកុមារី និងបានធ្វើការពិគ្រោះយោបល់ បញ្ជូនទៅរកសេវាជួយបន្តដូចជាអង្គការមេត្រីអន្តរជាតិ ចំនួន១៥នាក់ (អនីតិជន០២នាក់ ករណីសញ្ចារកម្ម, ១៣ករណីសញ្ចារកម្ម), មជ្ឈមណ្ឌលសំចតសង្គមកិច្ច ចំនួន ០៦នាក់ (ស្ត្រីរកស៊ីផ្លូវភេ.ទ), អង្គការសួន នៃក្តីសង្ឃឹមនៅកម្ពុជា ចំនួន០៥នាក់ (ករណីសញ្ចារកម្ម) អង្គការកម្ពុជា ដើម្បីជួយស្ត្រីមានវិបត្តិ ចំនួន០៨នាក់ (សញ្ចារកម្ម), អង្គការអាហ្វេស៊ីបកម្ពុជា ចំនួន០១នាក់(រំលោ.ភសេ.ពសន្ថវៈ), អង្គការប្រតិបត្តិការយុត្តិធម៌កម្ពុជា ចំនួន០១នាក់ស្រី(បៀតបៀន) ។
របាយការណ៏ដដែល បានឱ្យដឹងទៀតថា ចំណែកមជ្ឈមណ្ឌលសំចតសង្គមកិច្ច (ព្រៃស្ពឺ) បានទទួលជនរងគ្រោះចូលថ្មី ចំនួន៤៧៦នាក់ (ស្រី១៨៥នាក់), បានបញ្ជូនទៅព្យាបាល នៅមន្ទីរពេទ្យរដ្ឋនានា និងគ្រួសារធានា ចំនួន ៤៧៩នាក់ (ស្រី ១៦៦នាក់), និង កំពុងស្នាក់នៅបច្ចុប្បន្នក្នុងមជ្ឈមណ្ឌល ចំនួន ១៧៣នាក់ (ស្រី៨៧នាក់)។ ការងារស្តារសម្បទា បានសហការជាមួយអាជ្ញាធរមូលដ្ឋានទទួល ជនរងគ្រោះ និងជនងាយរងគ្រោះ ចំនួន ៦៩៦ នាក់ (ស្រី ១៤៤នាក់) កុមារ ២០នាក់ (កុមារី ០២នាក់)។បានសហការទទួលជនរងគ្រោះដោយសារធាតុញៀន ចំនួន ៦៩៦នាក់ (ស្រី ១៤៤នាក់) កុមារា ចំនួន ២០ នាក់ (កុមារី ០២នាក់) ។
របាយការណ៏ បានបញ្ជាក់ថា បានធ្វើការពិគ្រោះយោបល់បញ្ជូនទៅរកសេវាជួយបន្ត មានមជ្ឈមណ្ឌលឱកាសខ្ញុំ ចំនួន៥១៩នាក់ (ស្រី៩៨នាក់) កុមារ២០នាក់ (កុមារី ០២នាក់) មជ្ឈមណ្ឌលសំចតសង្គមកិច្ច ចំនួន ១៧៧នាក់ (ស្រី ៤៦នាក់)។ ចំណែកការងារអភិវឌ្ឍន៍ជនមានពិការភាពបានអនុម័តកំណត់អត្តសញ្ញាណកម្មជនមានពិការភាព នៅតាមបណ្តាសង្កាត់ទាំង១០៥ ក្នុងរាជធានីភ្នំពេញ សរុប ចំនួន ៣.៩៩៧នាក់ (ស្រី ១.៩៣១នាក់, កុមារ ចំនួន ៤០៥នាក់, កុមារីចំនួន ១៦៤នាក់)។ ពិការភាពក្រីក្រ ៤០០នាក់ (ស្រី ២៣៤នាក់, កុមារ ចំនួន ២២នាក់, កុមារីចំនួន ០៦នាក់) ។
ចំណែកមជ្ឈមណ្ឌលឱកាសខ្ញុំទទួលជនរងគ្រោះចូលថ្មីចំនួន ១,៨០៥នាក់ (ស្រី ១៦៧នាក់), កំពុងស្នាក់នៅបច្ចុប្បន្ន សរុបចំនួន ១.១៩៦នាក់ (ស្រី ១១៣នាក់), កំពុងបណ្តុះបណ្តាលជំនាញវិជ្ជាជីវៈជាលក្ខណៈគ្រួសារ ចំនួន ៧៣១នាក់ (ស្រី ៦៥នាក់), បានសមាហរណកម្មបញ្ចេញជនរងគ្រោះ និងជនរងគ្រោះឈឺធ្ងន់បានបញ្ជូន ទៅមន្ទីរពេទ្យរដ្ឋនានា និងអាណាព្យាបាលសុំទៅអប់រំបន្តចំនួន ២,២០៣នាក់ (ស្រី ១៣៩នាក់) ៕
ចែករំលែកព័តមាននេះ