ស្រុកព្រៃនប់ ៖ ខ្យល់កន្ត្រាក់ចុងរដូវបានបោកបក់ជាលើកទី២ ចាប់ពីម៉ោងជិត៤ទៀបភ្លឺនាថ្ងៃទី១១ មករា ២០២៥ នេះ មកលើឃុំមួយចំនួន ស្ថិតក្នុងស្រុកព្រៃនប់ ជាពិសេស…
ស្រុកព្រៃនប់ ៖ ខ្យល់កន្ត្រាក់ចុងរដូវបានបោកបក់ជាលើកទី២ ចាប់ពីម៉ោងជិត៤ទៀបភ្លឺនាថ្ងៃទី១១ មករា ២០២៥ នេះ មកលើឃុំមួយចំនួន ស្ថិតក្នុងស្រុកព្រៃនប់ ជាពិសេស ឃុំនៅក្បែរជាប់ជើងភ្នំកំចាយបូកគោ មានឃុំទឹកថ្លា ឃុំទឹកល្អក និងឃុំសាមគ្គី ។
តាមមន្ត្រីមូលដ្ឋានឱ្យកោះសន្តិភាពដឹងនៅព្រឹកនេះថា គិតត្រឹកព្រឹកនេះ ខ្យល់ចុងរដូវបានបោកបក់មកជាលើទី២ បើតាមកម្លាំងខ្យល់បោកបក់លើកទី២នេះ ចាប់ផ្តើមមានសភាពខ្លាំងមិនចាញ់លោកទី១ឡើយ យ៉ាងណា មិនទាន់ដឹងពីចំនួននៅខូចខាតផ្ទះសម្បែងពលរដ្ឋនៅឡើយ ស្របពេលដែលកាលពីយប់ខ្យល់កន្ត្រាក់ខ្លាំង តែមកដល់ម៉ោងជិត១០ព្រឹក កម្លាំងខ្យល់រាងខ្សោយបន្តិច នេះអាចនិយាយបានស្ថានភាពខ្យល់ខ្សោយជាងលើកទី១ ។
គួបញ្ចាក់ផងដែរថា ស្ថានភាពខ្យល់រដូវចុងឆ្នាំឬអាចនិយាយបានថា ខ្យល់ព្យុះចុងរដូវបានចាប់ផ្តើមធ្លាក់ ពីយប់រំលងអធ្រាត្រចូលថ្ងៃ២៨ វិច្ឆិកា ក្នុងស្រុកព្រៃនប់ ខេត្តព្រះសីហនុ គិតមកត្រឹមថ្ងៃទី២៩ វិច្ឆិកា ២០២៤ នេះ ដែលជាថ្ងៃទី២ ខ្យល់កំពុងបន្តធ្លាក់បោកបក់ខ្លាំងមកលើឃុំមួយចំនួនក្នុងស្រុកព្រៃនប់ ក្នុងនោះឃុំដែលរងផលប៉ះពាល់ខ្លាំងជាងគេ ដូចរៀងរាល់ឆ្នាំដែរ គឺបណ្តាឃុំតាមបណ្តោយផ្លូវជាតិលេខ៣ គឺឃុំសាមគ្គី ឃុំទឹកល្អក និងឃុំទឹកថ្លា មានផ្ទះប្រជាពលរដ្ឋច្រើនរាប់រយខ្នង រងការខូចខាតដូចជាប៉ើងដំបូលនិងរបើកជញ្ជាំងផ្ទះជាដើម ប៉ុន្តែគ្មានមនុស្សរងគ្រោះថ្នាក់ទេ។
ករណីគ្រោះធម្មជាតិប្រចាំឆ្នាំនេះ អភិបាលខេត្តព្រះសីហនុ ឯកឧត្តម ម៉ាង ស៊ីណេត បានណែនាំដល់រដ្ឋបាលស្រុក ឃុំនិងមន្ត្រីនិងអាជ្ញាធរពាក់ពន្ធ័ត្រួតពិនិត្យតាមដានស្ថានភាពនេះ បន្តដោយយកចិត្តទុកដាក់និងត្រៀមលក្ខណៈជួយសង្គ្រោះពលរដ្ឋ ។
សុំបញ្ជាក់ថា នេះជាគ្រោះធម្មជាតិខ្យល់ធ្លាក់រដូវចុងឆ្នាំបោកបក់ពីជើងភ្នំកំចាយ ដែលតែងតែកើតមានជារៀងរាល់ឆ្នាំ មិនដែលខានឡើយ ដោយគ្រាន់តែឆ្នាំខ្លះខ្យល់ធ្លាក់ខ្លាំង និងឆ្នាំខ្លះមិនសូវខ្លាំង ហើយខ្យល់ចុងរដូវនេះ ជាទម្លាប់កើតមាន ចន្លោះពេលពីពាក់កណ្ដាលខែ វិច្ឆិកា ដល់ចុងឆ្នាំឬឆ្នាំខ្លះ រហូតដល់ខែមករាដើមឆ្នាំក៏មានដែរ ហើយឆ្នាំ២០២៤នេះ ខ្យល់បានធ្លាក់នៅចុងខែវិច្ឆិកា មានរយៈពេល២ថ្ងៃទើបស្ងប់វិញ។
សរុបលើកទី១ ចាប់ពីពាក់អធ្រាត្រចូលថ្ងៃទី២៨ និងថ្ងៃទី២៩ គិតត្រឹមឃុំចំនួន៦ដែលរងផលប៉ះពាល់ដោយខ្យល់កន្ត្រាក់ និងបានឆក់យកសង្ក័សី ប្រមាណ២៤២១សន្លឹក ស្មើនឹង៣៨៤ ខ្នងផ្ទះ ក្នុងនោះរលំផ្ទះចំនួន១៕
ចែករំលែកព័តមាននេះ