រាជធានីភ្នំពេញ ៖ សំណុំរឿងតៃកុងឡាន បុកតារាចម្រៀងរ៉េបម្នាក់ស្លាប់ តំណាងអយ្យការអមសាលាដំបូងរាជធានីភ្នំពេញ បានធ្វើ ការចោទប្រកាន់ពីបទ.បើកបរបង្កឲ្យគ្រោះថ្នាក់ចរាចរណ៍បណ្តាលឲ្យស្លាប់ដល់អ្នកដទៃ និងអាចប្រឈមជាប់ពន្ធនាគារពី១ ឆ្នាំទៅ៣ឆ្នាំ ។…
រាជធានីភ្នំពេញ ៖ សំណុំរឿងតៃកុងឡាន បុកតារាចម្រៀងរ៉េបម្នាក់ស្លាប់ តំណាងអយ្យការអមសាលាដំបូងរាជធានីភ្នំពេញ បានធ្វើ ការចោទប្រកាន់ពីបទ.បើកបរបង្កឲ្យគ្រោះថ្នាក់ចរាចរណ៍បណ្តាលឲ្យស្លាប់ដល់អ្នកដទៃ និងអាចប្រឈមជាប់ពន្ធនាគារពី១ ឆ្នាំទៅ៣ឆ្នាំ ។
យោងតាមសេចក្តីប្រកាសព័ត៌មាន ស្តីពីការចោទប្រកាន់អ្នកបើកបររថយន្ត បង្កគ្រោះថ្នាក់ចរាចរណ៍បណ្តាលឲ្យស្លាប់តារាចម្រៀងរ៉េបម្នាក់ នៅចំណុចផ្លូវ៦០ម៉ែត្រ ខណ្ឌមានជ័យ នៅថ្ងៃទី០៩ ខែមករា ឆ្នាំ២០២៥ អ្នកនាំពាក្យអយ្យការអមសាលាដំបូងរាជធានីភ្នំពេញ សូមជម្រាបជូនដល់សាធារណជន មេត្តជ្រាបថា ៖ កាលពីថ្ងៃទី០៦ ខែមករា ឆ្នាំ២០២៥ វេលាម៉ោង០១ និង៣០នាទី មានករណីគ្រោះថ្នាក់ចរាចរណ៍មួយកើតឡើងនៅចំណុចមុខច្រកចូលបុរីប៉េងហួត ផ្លូវ៦០ម៉ែត្រ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ រវាងរថយន្តមួយគ្រឿងម៉ាក LEXUS RX.330 ព័ណស ស្លាកលេខ ខេមរភូមិន្ទ 09 2.4771 ជាមួយនិងម៉ូតូមួយគ្រឿង ម៉ាក HONDA CRF ព័ណខ្មៅ ស្លាកលេខ បាត់ដំបង 1AL.9616 បណ្តាលឲ្យអ្នកបើកបរម៉ូតូឈ្មោះ ដាវីឌ ឬទ្ធិរុទ្រ ភេទប្រុស អាយុ២៤ឆ្នាំ ស្លាប់បាត់បង់អាយុជីវិតភ្លាមៗ នៅកន្លែងកើតហេតុ ។ ផ្អែកតាមការសន្និដ្ឋានរបស់មន្ត្រីនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បញ្ជាក់ថា ករណីខាងលើនេះ កើតឡើងដោយសារអ្នកបើកបររថយន្តបើកបត់ឆ្វេងឆ្លងផ្លូវ មិនគោរពសិទ្ធិយានផ្លូវត្រង់ ចំណែកអ្នកបើកម៉ូតូ បើកបរក្នុងល្បឿនលឿន ។ ក្រោយពីបានសាកសួរ និងពិនិត្យផ្ទៀងផ្ទាត់ភស្តុតាងក្នុងដំណើររឿង តំណាងអយ្យាការ សម្រេចចោទប្រកាន់លើអ្នកបើកបររថយន្តឈ្មោះ ណឹម ណាង ភេទប្រុស កើតឆ្នាំ១៩៨៩ (ឃាត់ខ្លួន) ពីបទ.បើកបរបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ តាមបញ្ញត្តិមាត្រា ៨៥ នៃច្បាប់ស្តីពីចរាចរណ៍ផ្លូវគោក និងបានបញ្ជូនសំណុំរឿងនេះ ទៅចៅក្រមស៊ើបសួរ នៃសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី ។
អាស្រ័យហេតុនេះ សូមសាធារណជនមេត្តាជ្រាបជាព័ត៌មានតាមការគួរ ។ យោងតាមការចោទប្រកាន់ពីបទ.បើកបរបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ តាមបញ្ញត្តិមាត្រា ៨៥ នៃច្បាប់ស្តីពីចរាចរណ៍ផ្លូវគោក “ជនណាបើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វ កិច្ចដែលបទប្បញ្ញតិ ស្តីពីចរាចរណ៍ផ្លូវគោកតម្រូវបណ្តាលឲ្យស្លាប់អ្នដទៃ ត្រូវផ្តន្ទាទោសដាក់ពន្ធនាគារពី១ឆ្នាំ ទៅ៣ឆ្នាំ និងពិន័យជាប្រាក់ពី៤ លានទៅ១៥ លានរៀល” ៕
ចែករំលែកព័តមាននេះ