រាជធានីភ្នំពេញ ៖ រថយន្ដម៉ាកតូយ៉ូតា វីហ្គោ មួយគ្រឿង បានជ្រុលចង្កូតទៅបុកបង្គោលភ្លើងបំភ្លឺផ្លូវ បាក់១ដើម បណ្តាលអោយក្រឡាប់ធ្លាក់បឹងតាមោក រងរបួសរងរបួសស្រាល ០៣នាក់…
រាជធានីភ្នំពេញ ៖ រថយន្ដម៉ាកតូយ៉ូតា វីហ្គោ មួយគ្រឿង បានជ្រុលចង្កូតទៅបុកបង្គោលភ្លើងបំភ្លឺផ្លូវ បាក់១ដើម បណ្តាលអោយក្រឡាប់ធ្លាក់បឹងតាមោក រងរបួសរងរបួសស្រាល ០៣នាក់ ខណៈពេលដែលអ្នកបើកបរ បានទាញដៃចៅ ហើយជ្រុលចង្កូតធ្លាក់ផ្លូវ តែម្ដង ។
ហេតុការណ៍គ្រោះថ្នាក់ចរាចរណ៍នេះ កើតឡើងកាលពីវេលាម៉ោង១០ព្រឹកថ្ងៃទី០៧ ខែមករា ឆ្នាំ២០២៥ ស្ថិតតាមបណ្ដោយផ្លូវ១៥១ (ផ្លូវទៅភ្នំប្រសិទ្ធ) ក្នុងសង្កាត់ពញាពន់ ខណ្ឌព្រែកព្នៅ ។
រថយន្ដដែលជួបគ្រោះថ្នាក់ម៉ាក តូយ៉ូតាវីហ្គោ ពណ៌ទឹកប្រាក់ ពាក់ផ្លាកលេខភ្នំពេញ 2I-8389 បើកបរដោយបុរសចំណាស់ម្នាក់ ។
តាមសាក្សីបានអោយដឹងថា នៅមុនពេលកើតហេតុគេឃើញ រថយន្តមួយគ្រឿងខាងលើ បានធ្វើដំណើរតាមបណ្ដោយផ្លូវលេខ១៥១ ក្នុងទិសដៅពីកើតទៅលិច នៅពេលធ្វើដំណើរមកដល់ចំណុចកើតហេតុ ក៏បានជ្រុលចង្កូតទៅខាងឆ្វេងដៃបុកបង្គោលភ្លើង ហើយធ្លាក់បឹងតាមោក ត្រឡាប់ និងបង្កឲ្យអ្នកបើកបរ ប្រពន្ធព្រមទាំងចៅ រងរបួសរងរបួស ។
តាមម្ចាស់រថយន្ដ បានអោយអោយដឹងថា មុនពេលកើតហេតុ រូបគាត់បានបើករថយន្ដធ្វើដំណើរតាមបណ្ដោយផ្លូវជាតិលេខ៥ ឆ្ពោះទៅផ្លូវ១៥១ ដើម្បីទៅលេងកូនស្រីនៅភ្នំប្រសិទ្ធ រួមដំណើរជាមួយប្រពន្ធ និងចៅស្រី លុះធ្វើដំណើរជិតដល់ចំណុចកើតហេតុខាងលើ បានឃើញចៅស្រីដេកក្នុងរថយន្ដមិនស្រួល ក៏ទាញដៃចៅស្រីដេកអោយស្រួល ក៏ជ្រុលដៃ ប៉ះចង្កូត រេចង្កូតទៅបុកបង្គោលភ្លើងក្បែរចីញ្ចើមផ្លូវ បាក់១ដើម និងក្រឡាប់តែម្តង ។
បន្ទាប់ពីកើតមានគ្រោះថ្នាក់ ស្ត្រីជាប្រពន្ធ និងចៅបានរងរបួស ហើយទាក់ទងរថយន្តបញ្ជូនទៅសង្គ្រោះ។ បន្ទាប់ពីកើតហេតុ នគរបាលមូលដ្ឋាន ក៏បានចុះទៅកន្លែងកើតហេតុ ហើយទាក់ទងទៅនគរបាលចរាចរណ៍ ចុះទៅស្ទូចយករថយន្ត បញ្ជូនទៅការិយាល័យចរាចរណ៍ផ្លូវគោក ដើម្បីដោះស្រាយសងការខូចខាតទ្រព្យសម្បត្តិសាធារណៈ ៕
ចែករំលែកព័តមាននេះ