សោ.កស្តាយ! កូនប្រសាលោកគ្រូ អេ ភូថង បានទទួលមរណភាពហើយ
- ភ្នំពេញ
រាជធានីភ្នំពេញ ៖ លោក លៀង ប៉ហេង ដែលត្រូវជាស្វាមីរបស់កីឡាការិនី អេ យ៉ានុត និងជាកូនប្រសារបស់លោកគ្រូ អេ…
រាជធានីភ្នំពេញ ៖ លោក លៀង ប៉ហេង ដែលត្រូវជាស្វាមីរបស់កីឡាការិនី អេ យ៉ានុត និងជាកូនប្រសារបស់លោកគ្រូ អេ ភូថង បានទទួលមរណភាពហើយកាលពីយប់ថ្ងៃទី២ ខែមករា ឆ្នាំ២០២៥ ក្នុងជន្មាយុ២៩ឆ្នាំ ដោយជំងឺមហារីកពោះវៀន ។ សពបានដឹកយកទៅតម្កល់ទុកធ្វើបុណ្យនៅបុរីសន្តិភាព២ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
មួយរយៈពេលចុងក្រោយនេះ លោកគ្រូ អេ ភូថង និងក្រុមគ្រួសារបានជួបទុក្ខធំផ្ទួនៗ ។
ជាក់ស្ដែង កាលពីខែធ្នូ ឆ្នាំ២០២៤ កន្លងទៅ អំឡុងដឹកនាំកូនទៅប្រកួតនៅប្រទេសអូស្ត្រាលី
អាការជំងឺរបស់លោកគ្រូអេ ភូថង បានធ្វើទុក្ខឡើងវិញបន្ទាប់ពីលោកវិលត្រឡប់មកដល់
ប្រទេសកំណើត ។ គ្រាន់តែមកដល់អាកាសយានដ្ឋានអន្តរជាតិភ្នំពេញភ្លាម លោកត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យភ្លាមៗ។
បន្ទាប់មកកូនសិស្សរបស់លោកគ្រូ អេ ភូថង កីឡាករធឿន ធារ៉ា បានរងរបួសពេលទៅលេងបាល់ទាត់មិត្តភាពដើម្បីសប្បុរសធម៌កាលពីប៉ុន្មានថ្ងៃមុន ធ្វើឲ្យខកខានក្នុងការចូលរួមប្រកួតនៅថ្ងៃទី៧ ខែមករា ឆ្នាំ២០២៥ ដោយសារត្រូវសម្រាកច្រើនថ្ងៃដើម្បីព្យាបាលរបួស។
នៅខណៈពេលនេះ លោក លៀង ប៉ហេង ដែលត្រូវជាស្វាមីរបស់កីឡាការិនី អេ យ៉ានុត
និងជាកូនប្រសារបស់លោកគ្រូ អេ ភូថង បន្ទាប់ពីធ្លាក់ខ្លួនឈឺជាទម្ងន់ដោយជំងឺមហារីកពោះវៀនក៏បានទទួលមរណភាពនៅយប់ថ្ងៃទី២ ខែមករា ឆ្នាំ២០២៥ នៅមន្ទីរពេទ្យប្រទេសថៃ។
គួរឱ្យដឹងផងដែរថា លោក លៀង ប៉ហេង ជាមន្ត្រីនគរបាលម្នាក់បានរៀបការជាមួយកូន
ស្រីច្បងលោកគ្រូអេ ភូថង គឺកីឡាការិនី អេ យ៉ានុត កាលពីថ្ងៃទី៣០ ខែសីហា ឆ្នាំ២០២១
បន្ទាប់ពីបានរៀបចំពិធីភ្ជាប់ពាក្យកាលពីថ្ងៃទី០៩ ខែកក្កដា ឆ្នាំ២០២១ ។ អ្នកទាំងពីរ
ទទួលបានកូនប្រុសម្នាក់ជាចំណងដៃនៃអាពាហ៍ពិពាហ៍ ។
កោះសន្តិភាពសូមចូលរួមរំលែកទុក្ខក្រុមគ្រួសារលោកគ្រូអេ ភូថង និងសូមឱ្យវិញ្ញាណក្ខន្ធ
លោក លៀង ប៉ហេង បានទៅចាប់កំណើតក្នុងទីឋានសុគតិភពកុំបីឃ្លៀងឃ្លាតឡើយ៕
ចែករំលែកព័តមាននេះ