រាជធានីភ្នំពេញ ៖ ក្នុងរយៈពេល១ឆ្នាំ២០២៤ អង្គភាពប្រឆាំងអំពើពុករលួយ បានទទួលការប្រកាសទ្រព្យសម្បត្តិ និងបំណុលរបស់មន្ត្រីជាប់កាតព្វកិច្ច ជាង២ម៉ឺននាក់ នៅក្នុងនោះមានមន្ត្រីតែងតាំងថ្មីជាង៣ពាន់នាក់ ។ យោងតាមសេចក្តីប្រកាសព័ត៌មានរបស់អង្គភាពប្រឆាំងអំពើពុករលួយ…
រាជធានីភ្នំពេញ ៖ ក្នុងរយៈពេល១ឆ្នាំ២០២៤ អង្គភាពប្រឆាំងអំពើពុករលួយ បានទទួលការប្រកាសទ្រព្យសម្បត្តិ និងបំណុលរបស់មន្ត្រីជាប់កាតព្វកិច្ច ជាង២ម៉ឺននាក់ នៅក្នុងនោះមានមន្ត្រីតែងតាំងថ្មីជាង៣ពាន់នាក់ ។
យោងតាមសេចក្តីប្រកាសព័ត៌មានរបស់អង្គភាពប្រឆាំងអំពើពុករលួយ នៅក្នុងកិច្ចប្រជុំលើកទី២២ អាណត្តិទី៣ នៃក្រុមប្រឹក្សាជាតិប្រឆាំងអំពើពុករលួយ នៅរសៀលថ្ងៃទី៣១ ខែធ្នូ ឆ្នាំ២០២៤ បានឲ្យដឹងថា ការងារប្រកាសទ្រព្យសម្បត្តិ និងបំណុល ក្នុងឆ្នាំ២០២៤ គិតទាំងការប្រកាសទ្រព្យសម្បត្តិ និងបំណុល តាមរបប ២ឆ្នាំ មានអ្នកមកប្រកាសទ្រព្យសម្បត្តិ ចំនួន១៧.៩៦៩រូប តែងតាំងថ្មី ៣.៤០៤រូប អ្នកលាលែងចប់អាណត្តិ ចំនួន២.២២៣រូប បញ្ឈប់ពីមុខតំណែង ចំនួន៣២រូប ចូល និវត្តន៍ ចំនួន១.០៤២ រូប ។ សរុបអ្នកបានមកប្រកាសទ្រព្យសម្បត្តិ និងបំណុល ក្នុងឆ្នាំ២០២៤ មានចំនួន ២៤.៦៧៥ រូប។
អង្គភាពប្រឆាំងអំពើពុករលួយ បានឲ្យដឹងថា ដោយឡែកក្នុងខែធ្នូ មានមន្ដ្រីចំនួន ១៣៧រូប បានមកប្រកាសទ្រព្យសម្បត្តិ និងបំណុល ក្នុងនោះ មន្ដ្រីទើបទទួលបានការតែងតាំងថ្មីចំនួន ៨១រូប ដោយឡែកមន្ដ្រី ៥៦រូបទៀត បានមកប្រកាសទ្រព្យសម្បត្តិ និងបំណុល ដោយមូលហេតុតម្រូវការ នៃការស៊ើបអង្កេត បញ្ឈប់ពីការងារ លាឈប់-ចូលនិវត្តន៍ និងចប់អាណត្តិ៕
ចែករំលែកព័តមាននេះ